Delhi Earthquake: ఢిల్లీ, బిహార్‌లలో భూకంపం.. జనం పరుగులు..

Delhi Earthquake : దేశ రాజధాని ఢిల్లీలో ఇవాళ  (సోమవారం) తెల్లవారుజామున 5:36 గంటలకు భూకంపం వచ్చింది. దీంతో నగరంలోని పలు ప్రాంతాల్లో భూమి కొన్ని సెకన్ల పాటు కనిపించింది. ఆయాచోట్ల జనం అకస్మాత్తుగా నిద్ర నుంచి మేల్కొని..  ఇళ్ల నుంచి బయటకు వచ్చారు. కొన్ని గంటల పాటు రోడ్లపైనే నిలబడిపోయారు. ఏదో విరిగిపోతున్నట్లు తమకు శబ్దం వినిపించిందని జనం చెప్పారు. ఢిల్లీ, నోయిడా, ఇందిరాపురం, గురుగ్రామ్ తదితర ఎన్​సీఆర్ ప్రాంతాల్లో భూ ప్రకంపనలు చోటుచేసుకున్నట్లు వెల్లడైంది. ఈ భూకంపంలో(Delhi Earthquake) ఆస్తి, ప్రాణ నష్టం జరగలేదని తెలిసింది. భూమికి 5 కిలోమీటర్ల లోతులో, రిక్టర్​ స్కేల్​పై 4.0 తీవ్రతతో భూప్రకంపనలు వచ్చినట్లు నేషనల్ సెంటర్ ఫర్ సీస్మాలజీ తెలిపింది. మరోవైపు బిహార్‌ రాష్ట్రంలోని పలు ప్రాంతాల్లో కూడా భూకంపం వచ్చింది.  ఈరోజు ఉదయం 8.02 గంటల ప్రాంతంలో భూప్రకంపనలు చోటుచేసుకున్నాయి. సివాన్‌లో 10 కిలోమీటర్ల లోతలో భూకంప కేంద్రం ఉందని గుర్తించారు. ప్రాణ, ఆస్తినష్టం వివరాలు తెలియరాలేదు.

Also Read :Guillain-Barré Syndrome (GBS) : ఏపీలో ఫస్ట్ మరణం

ప్రముఖుల ట్వీట్లు..

Also Read :Bodhan Town : ఫిర్యాదు చేసేందుకు వచ్చిన మహిళపై సీఐ దౌర్జన్యం