Tragedy : ఘోరం.. మల్టీ మిలియనీర్ CEOను తొక్కి చంపిన ఏనుగు

Fc Conradie Death

Tragedy : దక్షిణాఫ్రికాలోని గాండ్వానా ప్రైవేట్ గేమ్ రిజర్వ్‌లో దారుణ ఘటన చోటు చేసుకుంది. ఈ రిజర్వ్‌కు సీఈఓగా, సహ-ఓనర్‌గా ఉన్న ఎఫ్‌సీ కాన్రాడీ (39) ఏనుగు దాడిలో మృతిచెందారు. ఈ ఘటన జూలై 22 ఉదయం 8 గంటల సమయంలో జరిగింది. రిజర్వ్‌లో ఉన్న ఏనుగుల గుంపును టూరిస్ట్ లాడ్జ్‌ నుండి దూరం చేసే ప్రయత్నంలో ఈ దుర్ఘటన జరిగినట్లు స్థానిక అధికారులు తెలిపారు.

కాన్రాడీపై ఏనుగు దాడి జరగగానే రక్షణ సిబ్బంది సంఘటనా స్థలానికి చేరుకున్నారు. అయితే అప్పటికే ఆయన తీవ్ర గాయాలతో అక్కడికక్కడే మృతిచెందారు. అనంతరం పారామెడిక్స్ కూడా ఆయనను పరిశీలించి మరణాన్ని ధృవీకరించారు.

కాన్రాడీ జూలోజీలో డిగ్రీతో పాటు ఎంబీఏ పూర్తి చేసి, వన్యప్రాణి సంరక్షణలో విశేషమైన ఆసక్తి చూపుతూ గాండ్వానా రిజర్వ్‌ను సహ-ప్రారంభించారు. ఆయన దక్షిణాఫ్రికాలో వన్యప్రాణుల రక్షణకు పలు ప్రాజెక్టులు ప్రారంభించారు. స్థానిక ప్రజలు, ఉద్యోగులు ఆయనను ‘పర్యావరణ యోధుడు’గా గుర్తిస్తారు.

ఈ రిజర్వ్‌లో ఇదే తరహా ఘటన ఇదే మొదటిసారి కాదు. 2023లో డేవిడ్ కాండెలా అనే గైడ్‌ కూడా ఏనుగుల దాడిలో మరణించాడు. ఈ తరహా ఘటనలతో భద్రతా చర్యలను మరింత కఠినంగా అమలు చేయాలని నిపుణులు సూచిస్తున్నారు.

స్థానిక పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు. రిజర్వ్ నిర్వాహకులు మరియు వన్యప్రాణి నిపుణులు భద్రతా ప్రమాణాలపై సమీక్ష చేపడుతున్నారు.

కాన్రాడీ ఆకస్మిక మరణం పట్ల స్థానికులు, స్నేహితులు మరియు వన్యప్రాణి సంరక్షణ రంగం లోని ప్రముఖులు దిగ్భ్రాంతి వ్యక్తం చేశారు. ఆయన కలలు కన్న ప్రాజెక్టులను కొనసాగిస్తామని సహచరులు తెలిపారు.

Digestion problem : అజీర్తి సమస్యలకు గ్యాస్ట్రిక్ ట్యాబ్లెట్, సొంపు వాడకం.. వీటిలో ఏది బెటరంటే?

Follow us