SBI : గుడ్ న్యూస్.. లోన్ వడ్డీ రేట్లను తగ్గించిన SBI

స్టేట్ బ్యాంక్ ఆఫ్ ఇండియా (SBI) తన కస్టమర్లకు శుభవార్త చెప్పింది. దేశంలో అతిపెద్ద ప్రభుత్వ రంగ బ్యాంక్ అయిన SBI, వివిధ టెన్యూర్లపై రుణాల వడ్డీ రేట్లను (MCLR) తగ్గించింది. ఈ నిర్ణయం ద్వారా గరిష్టంగా 5 బేసిస్ పాయింట్ల వరకు రేట్లు తగ్గాయి. రిజర్వ్ బ్యాంక్ ఆఫ్ ఇండియా (RBI) రెపో రేటును స్థిరంగా ఉంచినప్పటికీ, SBI తీసుకున్న ఈ నిర్ణయం రుణగ్రహీతలకు ఊరటనిస్తుంది. ఈ సవరించిన వడ్డీ రేట్లు 2025, ఆగస్ట్ 15 నుండి అమల్లోకి వస్తాయి.

వడ్డీ రేట్ల సవరణ తర్వాత SBIలో MCLR రేట్లు ఇప్పుడు కనీసం 7.90 శాతం నుంచి గరిష్టంగా 8.85 శాతంగా ఉన్నాయి. అంతకుముందు ఈ రేట్లు 7.95 శాతం నుంచి 8.90 శాతంగా ఉండేవి. MCLR రేట్లు తగ్గడం వల్ల, ఈ రేట్లతో అనుసంధానం చేయబడిన లోన్ల వడ్డీ రేట్లు కూడా తగ్గుతాయి. దీని ఫలితంగా రుణగ్రహీతలు చెల్లించాల్సిన EMI మొత్తం తగ్గుతుంది. ఇది వినియోగదారులకు ఆర్థికంగా ప్రయోజనం చేకూరుస్తుంది.

PM Modi : స్వాతంత్ర్య దినోత్సవ సందర్భంగా భారీ ఉపాధి పథకాన్ని ప్రారంభించిన ప్రధాని మోడీ

వివిధ టెన్యూర్ల వారీగా వడ్డీ రేట్లలో మార్పులను పరిశీలిస్తే, ఓవర్‌నైట్, నెల వ్యవధి MCLR రేట్లు గతంలో 7.95 శాతం ఉండగా, ఇప్పుడు 7.90 శాతానికి తగ్గాయి. మూడు నెలల MCLR 8.35 శాతం నుంచి 8.30 శాతానికి, ఆరు నెలల MCLR 8.65 శాతానికి తగ్గాయి. సాధారణంగా కన్జూమర్ లోన్లకు లింక్ అయి ఉండే ఒక సంవత్సరం టెన్యూర్ MCLR 8.80 శాతం నుంచి 8.75 శాతానికి దిగొచ్చింది. రెండేళ్లు, మూడేళ్ల టెన్యూర్ MCLR రేట్లు వరుసగా 8.80 శాతం, 8.85 శాతానికి తగ్గాయి. MCLR అంటే బ్యాంకులు లోన్‌లపై వసూలు చేసే కనీస వడ్డీ రేటు.

ఇదిలా ఉండగా.. SBIలో గృహ రుణాల వడ్డీ రేట్లు 7.50 శాతం నుంచి 8.70 శాతం మధ్య ఉన్నాయి. టాప్-అప్ గృహ రుణాల వడ్డీ రేట్లు 8.25 శాతం నుంచి 10.75 శాతంగా ఉన్నాయి. ఈ గృహ రుణ వడ్డీ రేట్లు ఆగస్ట్ 1 నుండి అమల్లోకి వచ్చాయి. గృహ రుణాలపై SBI ప్రాసెసింగ్ ఫీజు కూడా వసూలు చేస్తుంది, ఇది లోన్ మొత్తంలో 0.35 శాతం ప్లస్ GST గా ఉంటుంది. ఈ ఫీజు కనీసం రూ. 2000 ప్లస్ GST నుండి గరిష్టంగా రూ. 10,000 ప్లస్ GST వరకు ఉంటుంది.