Ram Mandir: అయోధ్య గురించి త‌ప్పుడు స‌మాచారం ఇవ్వొద్ద‌ని మీడియా సంస్థ‌ల‌కు కేంద్రం వార్నింగ్‌..!

Ram Mandir: అయోధ్య శ్రీరామ మందిరం (Ram Mandir) వేడుక జరగడానికి కొన్ని గంటలు మాత్రమే మిగిలి ఉన్నాయి. ఇలాంటి పరిస్థితుల్లో దేశ విదేశాల్లో అందరి చూపు అయోధ్యపైనే ఉంది. అయోధ్యలో భారతీయ, విదేశీ మీడియా పెద్ద సంఖ్యలో గుమిగూడింది. సోషల్ మీడియా, న్యూస్ ఛానెల్‌లలో క్షణ క్షణం అప్‌డేట్‌లు అందుబాటులో ఉన్నాయి. మరోవైపు ఈ వేడుకకు సంబంధించి కొన్ని ఫేక్ న్యూస్ కూడా సోషల్ మీడియాలో వైరల్ అవుతోన్నాయి. దీనికి కేంద్ర ప్రభుత్వం అడ్డుకట్ట వేసింది.

అయోధ్యలోని రామ మందిర ప్రారంభోత్సవం నేపథ్యంలో సోషల్ మీడియా, మీడియాల్లో రామ మందిరానికి సంబంధించిన ఈవెంట్ తారుమారు చేసి ప్రచారం చేస్తున్నారనే విషయమై విమర్శలు వస్తున్నాయి. దీంతో కేంద్ర ప్రభుత్వం ఈ విషయమై వార్నింగ్ ఇచ్చింది. రామ మందిర ప్రారంభోత్సవ కార్యక్రమానికి సంబంధించి తప్పుడు, నిరాధారమైన ప్రచారం చేస్తే సహించబోమని మీడియా సంస్థలకు కేంద్రం వార్నింగ్ ఇచ్చింది.

ఓ ప్ర‌క‌ట‌న ప్రకారం.. సమాచార ప్రసార మంత్రిత్వ శాఖ ఒక సలహాను జారీ చేసింది. రెండు వర్గాల మధ్య ఎలాంటి ఉద్రిక్తతను సృష్టించే వార్తలను నివారించాలని అన్ని మీడియా సంస్థలకు సూచించింది. రామమందిరం ప్రాణ ప్రతిష్ఠ వేడుకకు సంబంధించి సోషల్ మీడియాలో అనేక తప్పుడు వార్తలు చక్కర్లు కొడుతున్నాయని ఉత్తర్వుల్లో పేర్కొన్నారు. తమ అనుచరులను పెంచుకునేందుకు అయోధ్య భద్రతతో ఆడుకోవద్దని సామాన్యులకు విజ్ఞప్తి చేస్తున్నారు.

Also Read: Abhijit Muhurtam: అభిజిత్ ముహూర్తంలో పిల్లల పుట్టుక ఎలాంటి శుభ ఫలితాలను ఇస్తుందో తెలుసా..?

Information & Broadcasting Ministry, GoI, has issued a ‘Media Advisory’, asking all media, Indian and foreign, including digital and social media, to refrain from publishing, broadcasting, telecasting or amplifying any content linked to or about Shri Ram Janmbhoomi Mandir in… pic.twitter.com/mWDiE8lF3p

— Kanchan Gupta (Hindu Bengali Refugee)🇮🇳 (@KanchanGupta) January 20, 2024

జారీ చేసిన సూచనల ప్రకారం.. శాంతిభద్రతలకు భంగం కలిగించే లేదా ఏదైనా ప్రభుత్వ ఉత్తర్వులను ఉల్లంఘించే ప్రమాదం ఉన్న అటువంటి సమాచారాన్ని సోషల్ మీడియాలో షేర్ చేయవద్దు. ఈ సూచనలు దేశంలోని అన్ని మీడియా సంస్థలకు, భారతదేశం వెలుపల నిర్వహించే రిపోర్టింగ్, ప్ర‌సారానికి సంబంధించిన మీడియాకు సమానంగా వర్తిస్తాయని కేంద్రం పేర్కొంది.

సమాచార మరియు ప్రసార మంత్రిత్వ శాఖ ప్రకారం.. ప్రస్తుత భారతీయ నియమాల ప్రకారం వేడుక సమయంలో ఆలయం, విగ్రహం, గుంపు, అయోధ్య మొదలైన వాటికి సంబంధించి తమ ప్లాట్‌ఫారమ్‌లలో అలాంటి వార్తలు ప్రచురించబడకుండా చూసుకోవడానికి ప్రతి ఒక్కరూ సహేతుకమైన ప్రయత్నాలు చేయాల్సి ఉంటుందని పేర్కొంది. ఏ విధమైన శాంతిభద్రతల సమస్యను సృష్టించవచ్చు. ఈ సమయంలో అయోధ్యకు ప్రజలు పెద్ద సంఖ్యలో వ‌స్తుంటారు. ఆలయం, అయోధ్య, ఇతర అంశాలకు సంబంధించిన లైవ్ వీడియోలు, సమాచారాన్ని సోషల్ మీడియాలో పోస్ట్ చేస్తున్నారు. జనవరి 22న రామ్‌లల్లా విగ్రహ ప్రతిష్ఠ జరగనుంది.

We’re now on WhatsApp. Click to Join.