PM Modi To Russia: ప్రధాని మోదీని రష్యాకు ఆహ్వానించిన అధ్యక్షుడు పుతిన్..!

PM Modi Wishes Putin

PM Modi To Russia: రష్యా పర్యటనలో ఉన్న విదేశాంగ మంత్రి ఎస్ జైశంకర్ బుధవారం అధ్యక్షుడు వ్లాదిమిర్ పుతిన్‌తో సమావేశమయ్యారు. ఈ సందర్భంగా ఇరువురు నేతలు ఉక్రెయిన్ యుద్ధంతోపాటు పలు అంశాలపై చర్చించారు. వచ్చే ఏడాది రష్యాలో పర్యటించాల్సిందిగా ప్రధాని నరేంద్ర మోదీ (PM Modi To Russia)ని అధ్యక్షుడు పుతిన్‌ ఆహ్వానించారు. పుతిన్ జైశంకర్‌తో మాట్లాడుతూ.. రష్యాలో మా మిత్రుడు ప్రధాని నరేంద్ర మోదీని చూడటం మాకు చాలా ఇష్టం. ప్రపంచంలో చాలా కల్లోలం జరుగుతోందని, అయినప్పటికీ రష్యా- భారత్ మధ్య సంబంధాలు మరింత బలపడుతున్నాయని ఆయన అన్నారు. భారతదేశ ప్రజలు వేగంగా అభివృద్ధి చెందుతున్నారన్నారు.

ఉక్రెయిన్ యుద్ధంలో నెలకొన్న పరిస్థితులపై ప్రధాని నరేంద్ర మోదీకి పలుమార్లు తెలియజేసినట్లు పుతిన్ తెలిపారు. ఈ సంక్షోభానికి శాంతియుత పరిష్కారాన్ని మోదీ కోరుకుంటున్నారని నాకు తెలుసు. నేను మోడీతో ఈ సమస్యను చర్చించాలనుకుంటున్నాను. పుతిన్ విదేశాంగ మంత్రితో మాట్లాడుతూ.. వచ్చే ఏడాది సార్వత్రిక ఎన్నికల కారణంగా భారతదేశ క్యాలెండర్ బిజీగా ఉన్నట్లు కనిపిస్తోంది. అయితే ఎవరు గెలిచినా రష్యా- భారత్ మధ్య సంబంధాలు స్థిరంగానే ఉంటాయన్నారు.

Also Read: Vivo X100 Series Launch: భారత మార్కెట్లోకి రాబోతున్న వివో X100 ఫోన్.. విడుదల అయ్యేది అప్పుడే?

జైశంకర్ రష్యాలో భారత రాయబారిగా కూడా ఉన్నారు. బుధవారం అధ్యక్షుడు పుతిన్‌తో జరిగిన సమావేశంలో అంతర్జాతీయ అంశాలు, భారత్-రష్యా సంబంధాలు, వాణిజ్యం, ఉక్రెయిన్ సమస్యపై భారత్ వైఖరిపై ఇరువురు నేతల మధ్య చర్చ జరిగింది. రెండు దేశాల మధ్య వాణిజ్యం చమురు, బొగ్గు- ఇంధన సంబంధిత ఉత్పత్తులకే పరిమితం కాదని, హైటెక్ విషయాలలో కూడా సంబంధాలు పురోగమిస్తున్నాయని రష్యా చెప్పింది. పుతిన్ మాట్లాడుతూ.. ప్రపంచంలో కొనసాగుతున్న అశాంతి మధ్య, మా మిత్రుడు భారతదేశం, ఆసియాలోని దాని ప్రజలతో సంబంధాలు మెరుగుపడుతున్నాయని చెప్పడానికి మేము సంతోషిస్తున్నామన్నారు.

We’re now on WhatsApp. Click to Join.

విదేశాంగ మంత్రి ఎస్ జైశంకర్ బుధవారం రష్యా విదేశాంగ మంత్రి సెర్గీ లావ్‌రోవ్‌తో సమావేశమయ్యారు. ఇరువురి మధ్య ద్వైపాక్షిక సమావేశం జరిగింది. ఈ సమయంలో ఐక్యరాజ్యసమితి భద్రతా మండలిలో భారతదేశానికి శాశ్వత స్థానానికి లావ్‌రోవ్‌ మద్దతు ఇచ్చారు. G20కి అధ్యక్షత వహించడం ద్వారా భారతదేశం తన విదేశాంగ విధానం బలాన్ని నిరూపించుకుందని ఆయన అన్నారు. అంతకుముందు మంగళవారం జైశంకర్ మాస్కోలో భారతీయ కమ్యూనిటీ ప్రజలతో సమావేశమయ్యారు.

Follow us