PM Modi Visit Russia: ఐదేళ్ల తర్వాత రష్యాలో పర్యటించనున్న ప్రధాని మోదీ.. ఎప్పుడంటే..?
ప్రధాని నరేంద్ర మోదీ జూలై 8 నుంచి 10 వరకు రష్యా, ఆస్ట్రియాలో (PM Modi Visit Russia) పర్యటించనున్నారు.
- By Gopichand Published Date - 06:30 PM, Thu - 4 July 24
![PM Modi Visit Russia: ఐదేళ్ల తర్వాత రష్యాలో పర్యటించనున్న ప్రధాని మోదీ.. ఎప్పుడంటే..?](https://d1x8bgrwj9curj.cloudfront.net/wp-content/uploads/2024/05/modi-8.jpg)
PM Modi Visit Russia: ప్రధాని నరేంద్ర మోదీ జూలై 8 నుంచి 10 వరకు రష్యా, ఆస్ట్రియాలో (PM Modi Visit Russia) పర్యటించనున్నారు. ఆయన రెండు దేశాల్లో ఒక్కో రోజు ఉండనున్నారు. ఈ సమాచారాన్ని భారత విదేశాంగ మంత్రిత్వ శాఖ వెల్లడించింది. రష్యా అధ్యక్షుడు వ్లాదిమిర్ పుతిన్ ఆహ్వానం మేరకు 22వ భారత్-రష్యా వార్షిక సదస్సులో పాల్గొనేందుకు ప్రధాని మోదీ జూలై 8న మాస్కోలో ఉంటారని మంత్రిత్వ శాఖ తెలిపింది. ఇక్కడ రెండు దేశాల నేతలు ద్వైపాక్షిక సంబంధాలను సమీక్షించనున్నారు. వారు సమకాలీన ప్రాంతీయ, ప్రపంచ సమస్యలపై అభిప్రాయాలపై కూడా చర్చించనున్నారు.
జూలై 9న ఆస్ట్రియాకు బయల్దేరనున్నారు
ప్రధాని మోదీ జూలై 9న రష్యా నుంచి ఆస్ట్రియాకు బయల్దేరతారని, జూలై 10 వరకు అక్కడే ఉంటారని మంత్రిత్వ శాఖ తెలిపింది. గత 41 ఏళ్లలో భారత ప్రధాని ఆస్ట్రియాలో పర్యటించడం ఇదే తొలిసారి. ఆస్ట్రియా అధ్యక్షుడు అలెగ్జాండర్ వాన్ డెర్ బెలెన్, ఆస్ట్రియా ఛాన్సలర్ కార్ల్ నెహమ్మర్లతో మోదీ చర్చలు జరుపుతారు. ప్రధాన మంత్రి, ఛాన్సలర్ భారతదేశం.. ఆస్ట్రియా నుండి వ్యాపార ప్రముఖులను కూడా ఉద్దేశించి ప్రసంగిస్తారు.
Also Read: Rohit Sharma- Virat Kohli: కోహ్లీ, రోహిత్లకు బీసీసీఐ స్పెషల్ ట్రీట్.. వారి పేరు మీద విమానం..!
ప్రధాని 2019లో రష్యాలో పర్యటించారు
2019 తర్వాత ప్రధాని మోదీ 2024లో రష్యాకు అధికారిక పర్యటనకు వెళ్లనున్నారు. ఫిబ్రవరి 2022లో ఉక్రెయిన్పై రష్యా దాడి ప్రారంభమైన తర్వాత మోదీ తొలిసారిగా రష్యాలో పర్యటించనున్నారు. ఈ ఏడాది మేలో వరుసగా ఐదవసారి రష్యా అధ్యక్షుడిగా పుతిన్ ప్రమాణ స్వీకారం చేయగా, జూన్ 9న వరుసగా మూడోసారి భారత ప్రధానిగా మోదీ ప్రమాణ స్వీకారం చేసిన విషయం మనకు తెలిసిందే. ఈ సందర్భంగా పుతిన్.. మోదీకి ఫోన్లో శుభాకాంక్షలు తెలిపారు.
We’re now on WhatsApp : Click to Join
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![UK Elections: బ్రిటన్ ఎన్నికలు.. భారత సంతతికి చెందిన 28 మంది గెలుపు..!](https://d1x8bgrwj9curj.cloudfront.net/wp-content/uploads/2024/07/safeimagekit-Untitled-design-2-1_11zon.png)
UK Elections: బ్రిటన్ ఎన్నికలు.. భారత సంతతికి చెందిన 28 మంది గెలుపు..!
బ్రిటన్లో జరిగిన ఎన్నికల్లో (UK Elections) భారతీయ సంతతికి చెందిన 28 మంది ఎంపీలుగా ఎన్నికై రికార్డు సృష్టించారు.