ChatGPT : ప్రపంచవ్యాప్తంగా చాట్‌జీపీటీ సేవల్లో అంతరాయం..

Interruption in chatgpt services worldwide.

ChatGPT: ఆర్టిఫిషియల్ ఇంటెలిజెన్స్ (AI)చాట్‌జీపీటీ మోరాయిస్తున్నట్లు వార్తలొస్తున్నాయి. చాలామంది దీని సేవలను యాక్సెస్‌ చేయలేకపోతున్నట్లు సోషల్‌ మీడియాలో పోస్టులు చేస్తున్నారు. మొదటిసారి ఉదయం 10 గంటల సమయంలో 1,400 మంది యూజర్లు డౌన్‌డిక్టేటర్‌ వంటి ప్లాట్‌ఫామ్‌లపై చాట్‌బాట్లలో ఇబ్బందులపై ఫిర్యాదులు చేశారు. వీటిల్లో చాలా వరకు చాట్‌ జీపీటీకి సంబంధించినవే. ఇది అమెరికా, భారతదేశం, అనేక ఇతర దేశాల వినియోగదారులపై ప్రభావం చూపుతోంది. నివేదించబడిన వినియోగదారులలో, 92 శాతం మంది వినియోగదారులు ChatGPT అంతరాయం సమస్యను ఎదుర్కొంటున్నారు. 7 శాతం మంది వినియోగదారులు వెబ్‌సైట్‌ను ఉపయోగించడంలో సమస్య ఎదుర్కొంటున్నారు. 1 శాతం మంది వినియోగదారులు APIతో సమస్యలను నివేదించారు.

Read Also: Upasana Konidela : ఏపీ మహిళల కోసం ఉపాసన కీలక నిర్ణయం

అయితే ఈ అంతరాయం పై చాట్‌జీపీటీ స్పందించింది. సదరు ఏఐ మోడల్‌లో సమస్యలు తలెత్తిన విషయాన్ని తమ పేజీలో అంగీకరించింది. ఈవిషయాన్ని 9.58కి గుర్తించినట్లు.. దీని రికవరీ కోసం పనిచేస్తున్నామని పేర్కొంది. 10.14కు పరిస్థితి కొంత మెరుగుపడిందని వెల్లడించింది. ఇక ఏపీఐ, సోర కూడా మెరుగైనట్లు చెప్పింది. ఈ సంస్థ తాత్కాలిక పునరుద్ధరణ గురించి చెప్పినా.. సమస్యకు కారణాన్ని మాత్రం వెల్లడించలేదు. అదే సమయంలో ఏపీఐ, సోరలో కూడా ఇలాంటి పరిస్థితే ఉంది. ప్రపంచవ్యాప్తంగా చాలా కార్యకలాపాలకు చాట్‌ జీపీటీ కీలకం కావడంతో వేగంగా పరిస్థితి సాధారణ స్థితికి చేరుతుందని వినియోగదారులు ఆశిస్తున్నారు.

కాగా, అంతకుముందు డిసెంబర్ 27, 2024న, ChatGPTలో పెద్ద అంతరాయం ఏర్పడింది. దీని గురించి వేలాది మంది వినియోగదారులు ఫిర్యాదు చేశారు. ఆ సమయంలో, 91 మంది వినియోగదారులు ChatGPTతో సమస్యలను నివేదించారు. అయితే 7 శాతం మంది వినియోగదారులు వెబ్ బ్రౌజర్‌తో సమస్యలను కలిగి ఉండగా 2 శాతం మంది APIతో సమస్యలను కలిగి ఉన్నారు. OpenAI భారతదేశంలో అత్యధిక వినియోగదారులను కలిగి ఉంది. ఈ కారణంగా.. ఈ అంతరాయం కారణంగా పెద్ద సంఖ్యలో భారతీయ వినియోగదారులు ప్రభావితమయ్యారు.

Read Also: YS Jagan : 9 నెలల్లో రికార్డు అప్పులు.. ప్రజలపై మోసం

Follow us