Ban : భారత్ కు చైనా ఉత్పత్తులు బ్యాన్..రైతులకు కష్టాలు తప్పవా..?

Fertilizer Supply

పహల్గామ్ ఉగ్రదాడి(Pahalgam terror attack)కి ప్రతీకారంగా భారత్ పాకిస్థాన్ పై ‘ఆపరేషన్ సింధూర్’(operation sindoor)ను చేపట్టి, అనేక కఠిన ఆంక్షలు విధించిన సంగతి తెలిసిందే. ముఖ్యంగా సింధు జలాల పంపిణీ నిలిపివేత వంటి చర్యలు అంతర్జాతీయంగా చర్చకు దారితీశాయి. అయితే ఈ నేపథ్యంలో, పాకిస్థాన్ మిత్రదేశంగా ఉండే చైనా(China), ఇప్పుడు మౌనంగా భారత్ పై ప్రతీకారం తీర్చుకుంటున్నట్లు సంకేతాలు వెలువడుతున్నాయి. పాక్‌పై భారత్ ఎలా ఆంక్షలు విధించిందో, అదే రీతిలో చైనా కూడా భారత్‌పై ఆర్థిక పరంగా ఒత్తిడి తేవడానికి రంగంలోకి దిగినట్లు విశ్లేషకులు అభిప్రాయపడుతున్నారు.

Lukewarm Water Benefits: ఈ సీజ‌న్‌లో గోరువెచ్చ‌ని నీరు తాగ‌డం వ‌ల్ల క‌లిగే ప్ర‌యోజ‌నాలు ఇవే!

ప్రస్తుతం చైనా భారత్‌కు కీలకంగా ఎగుమతి చేసే ఎరువుల సరఫరా పూర్తిగా నిలిపివేసిన నేపథ్యంలో, ఇరు దేశాల వాణిజ్య సంబంధాల్లో తీవ్రతరమైన ఉద్రిక్తతలు తలెత్తే అవకాశం ఉంది. దేశవ్యాప్తంగా పంటల సీజన్ కొనసాగుతున్న తరుణంలో, ఈ ఎరువుల సరఫరా ఆగిపోవడం వల్ల రైతులు తీవ్ర ఇబ్బందులు ఎదుర్కొంటున్నారు. ముఖ్యంగా పండ్లు, కూరగాయల సాగుకు ఉపయోగించే ప్రత్యేకమైన ఎరువులు ఎక్కువగా చైనా నుంచే దిగుమతి అవుతుండటంతో, దిగుబడిపై ప్రభావం పడే ప్రమాదం ఉంది. రైతులు ఈ ఎరువులను ఉపయోగించి అధిక దిగుబడి సాధిస్తున్నందున, చైనా చర్య వల్ల వ్యవసాయ రంగం అస్తవ్యస్తమయ్యే పరిస్థితి ఏర్పడింది.

భారత్ ఏటా దాదాపు 1.5 లక్షల టన్నుల నుంచి 1.6 లక్షల టన్నుల వరకూ చైనా నుంచి ఎరువులను దిగుమతి చేసుకుంటుంది. వీటిలో 80 శాతం కీలకమైన ఎరువులు చైనాపై ఆధారపడినవే. సాధారణంగా జూన్ నుంచి డిసెంబర్ వరకు ఈ ఎరువుల దిగుమతులు జరుగుతుంటాయి. ఇవి భారత మట్టిలో మానవీయతను (soil fertility) పెంచే గుణం కలిగినవని శాస్త్రజ్ఞులు కూడా చెబుతున్నారు. అయితే ఇటీవల అంతర్జాతీయ సంబంధాలలో ఉద్రిక్తతలు, రాజకీయ అనిశ్చితి కారణంగా చైనా ఎరువుల ఎగుమతిని నిలిపివేయడం వల్ల రైతాంగంలో ఆందోళన మొదలైంది. ఇది కేవలం వాణిజ్య సంబంధాలకే కాదు, వ్యవసాయ రంగానికి కూడా పెద్ద షాక్‌గా మారే అవకాశముంది.

Follow us