Maharashtra : నేడు మ‌హారాష్ట్ర అసెంబ్లీలో బ‌ల‌ప‌రీక్ష‌

ముంబయి: ఏక్‌నాథ్ షిండే నేతృత్వంలోని మహారాష్ట్ర ప్రభుత్వం నేడు బలపరీక్షను ఎదుర్కొంటుంది, ఇక్కడ స్పీకర్‌గా బిజెపికి చెందిన రాహుల్ నార్వేకర్ ఎన్నికయ్యారు. మహా వికాస్ అఘాడి (MVA) పాలనను కూల్చివేసి, తిరుగుబాటు శివసేన ఎమ్మెల్యే షిండే నేతృత్వంలోని కొత్త ప్రభుత్వం అధికారంలోకి వచ్చిన రాష్ట్రంలో రాజ‌కీయ ప‌రిణామాలు వేగంగా మారాయి. రాష్ట్ర శాసనసభ స‌మావేశాలు రెండు రోజుల ప్రత్యేక సమావేశం జరిగింది. అంతకుముందు ఆదివారం సాయంత్రం మహారాష్ట్ర ముఖ్యమంత్రి ఏక్‌నాథ్ షిండే తన వర్గంలోని శివసేన ఎమ్మెల్యేలతో కలిసి ముంబైలోని ఒక హోటల్‌లో డిప్యూటీ సీఎం దేవేంద్ర ఫడ్నవీస్, బీజేపీ ఎమ్మెల్యేలు, ఇతర పార్టీ నేతలతో బ‌ల‌ప‌రీక్ష కోసం వ్యూహాన్ని రూపొందించారు.

“శివసేన-బీజేపీ కూటమి ప్రభుత్వం శాసనసభ ప్రత్యేక సమావేశాల రెండో రోజైన సోమవారం మెజారిటీ పరీక్షను ఎదుర్కోనుంది. ఈరోజు ఎమ్మెల్యేలందరి సమక్షంలో జరిగిన సమావేశంలో ప్రభుత్వ వ్యూహం ఏమిటనేదానిపై చర్చించినట్లు విశ్వసనీయ వర్గాలు తెలిపాయి. షిండే ప్రభుత్వం 166 ఓట్లతో మెజారిటీని నిరూపించుకుంటుందని ఫడ్నవీస్ ప్రకటించారు.

ప్రస్తుతం 288 మంది సభ్యుల మహారాష్ట్ర అసెంబ్లీలో బిజెపికి 106 మంది ఎమ్మెల్యేలు ఉన్నారు, షిండే 39 మంది తిరుగుబాటు శివసేన శాసనసభ్యులు, కొంతమంది స్వతంత్రులకు నాయకత్వం వహిస్తున్నారు. ఇటీవల శివసేన ఎమ్మెల్యే మరణించిన తర్వాత ప్రస్తుత అసెంబ్లీ బలం 287కి తగ్గింది, తద్వారా ప్ర‌స్తుతం మెజార్టీ సంఖ్య‌ 144 గా ఉంది. శివసేన అభ్యర్థి రాజన్ సాల్విని ఓడించి మహారాష్ట్ర శాసనసభ స్పీకర్‌గా బిజెపి అభ్యర్థి రాహుల్ నార్వేకర్ ఎన్నికైయ్యారు. దీంతో షిండే టీమ్‌తో పాటు, బీజేపీ కూడా ఆనందోత్సాహంలో ఉంది.

ఆసక్తికరంగా ఏక్‌నాథ్ షిండే, ఉద్ధవ్ ఠాక్రే నేతృత్వంలోని రెండు శివసేన వర్గాల మధ్య జరుగుతున్న పోరులో ఆదివారం స్పీకర్ ఎన్నిక సందర్భంగా ఇరుపక్షాలు తమ అభ్యర్థులకు అనుకూలంగా ఓటు వేయాలని పార్టీ ఎమ్మెల్యేలకు వేర్వేరు విప్‌లు జారీ చేశాయి. అయితే తరువాత వాటిని ఉల్లంఘించారని ఆరోపించారు. ఉద్ధవ్ ఠాక్రే శిబిరంలో ఉన్న శివసేన ఎంపీ అరవింద్ సావంత్ మాట్లాడుతూ, 39 మంది పార్టీ ఎమ్మెల్యేలు తమ విప్‌ను పాటించలేదని.. రాష్ట్ర అసెంబ్లీ నుండి తమపై అనర్హత వేటు వేయాలని కోరారు.