Firecrackers Ban In Delhi : జనవరి 1 వరకు అన్ని బాణసంచాలపై బ్యాన్.. కీలక ప్రకటన

Firecrackers Ban In Delhi : ఢిల్లీ పర్యావరణ మంత్రి గోపాల్ రాయ్ కీలక ప్రకటన చేశారు. దేశ రాజధానిలో వాయు కాలుష్యాన్ని నియంత్రించేందుకుగానూ వచ్చే ఏడాది జనవరి 1 వరకు గ్రీన్ క్రాకర్స్‌ సహా అన్ని బాణసంచాల తయారీ, అమ్మకం, వినియోగంపై బ్యాన్ విధిస్తున్నట్లు ఆయన వెల్లడించారు.  చలికాలంలో ఢిల్లీలో వాయుకాలుష్యం విపరీతంగా పెరిగిపోతోందని.. బాణాసంచా పేల్చడం వల్ల అది మరింతగా పెరుగుతోందన్నారు. అందుకే గతేడాది మాదిరిగానే ఈసారి కూడా అన్ని రకాల పటాకుల ఉత్పత్తి, నిల్వ, అమ్మకం, వినియోగంపై పూర్తి నిషేధాన్ని అమలు చేస్తున్నట్లు గోపాల్ రాయ్ చెప్పారు. దీనివల్ల ఢిల్లీ ప్రజలకు కాలుష్యం నుంచి రక్షణ లభిస్తుందన్నారు. ఆన్‌లైన్‌లో లేదా ప్రత్యక్షంగా  పటాకుల డెలివరీ, అమ్మకాలపై బ్యాన్ అమల్లో ఉంటుందన్నారు. దీపావళి పండుగను ప్రజలు దీపాలు వెలిగించి, మిఠాయిలు పంచి జరుపుకోవాలని కోరుకుంటున్నట్లు ఢిల్లీ పర్యావరణ మంత్రి గోపాల్ రాయ్ చెప్పారు. మనం పండుగను ఆడంబరంగా జరుపుకోవాలే కానీ.. కాలుష్యం వెదజల్లేలా(Firecrackers Ban In Delhi) జరుపుకోవద్దన్నారు.

Also Read :Jayam Ravi : విడాకుల లిస్ట్ లో మరో హీరో.. భార్యతో విడిపోయిన తమిళ హీరో..