Parliament Special Session : పార్లమెంట్ సమావేశాల్లో కాకరేపిన చంద్రబాబు అరెస్ట్ అంశం..
అక్రమంగా అసలు స్కామే జరగని దాంట్లో చంద్రబాబు ను అరెస్ట్ చేసారని ఎంపీ గల్లా జయదేవ్ చెప్పుకొచ్చారు
- By Sudheer Published Date - 05:43 PM, Mon - 18 September 23
స్కిల్ డెవలప్ మెంట్ కేసు (Skill Development Case)లో చంద్రబాబు ను అరెస్ట్ చేయడాన్ని పార్లమెంట్ సభలో (Parliament Special Session) టీడీపీ ఎంపీ లు తప్పుపట్టారు. అక్రమంగా అసలు స్కామే జరగని దాంట్లో చంద్రబాబు ను అరెస్ట్ చేసారని ఎంపీ గల్లా జయదేవ్ చెప్పుకొచ్చారు. ప్రధాని మోదీ జోక్యం చేసుకొని ఆయన బయటకు వచ్చేలా చూడాలని జయదేవ్ (MP Galla Jayadev) డిమాండ్ చేసారు.
గల్లాదేవ్ వ్యాఖ్యలపై వైసీపీ ఎంపీ కౌంటర్ ఇచ్చారు. చంద్రబాబు హాయాంలోనే స్కిల్ డెవలప్ మెంట్ స్కామ్ జరిగిందని, అన్ని ఆధారాలతోనే చంద్రబాబును అరెస్టు చేశారని ఎంపీ పీవీ మిథున్ రెడ్డి అన్నారు. మిథున్ రెడ్డి (YCP MP Midhun Reddy) కౌంటర్ ఇస్తుండగా.. గల్లా జయదేవ్ కలగజేసుకొనే ప్రయత్నం చేయగా ‘నువ్వు మాట్లాడావ్ ఇక కూర్చో’ అంటూ వైసీపీ ఎంపీ అన్నారు. దీంతో కాసేపు ఇరువురి మధ్య మాటల యుద్ధం నడించింది.
అంతకు ముందు చంద్రబాబు అరెస్టును ఖండిస్తూ పార్లమెంట్ ఆవరణంలోని గాంధీ విగ్రహం వద్ద టీడీపీ ఎంపీలు, మాజీ ఎంపీలు నిరసన వ్యక్తం చేశారు. ‘ సేవ్ ఆంధ్ర ప్రదేశ్’, ‘ వి వాంట్ జస్టిస్ ‘ అంటూ నినాదాలు చేశారు. ఈ నిరసన కార్యక్రమానికి టీడీపీ జాతీయ ప్రధాన కార్యదర్శి నారా లోకేష్ హాజరయ్యారు. రాష్ట్రంలో అధికార దుర్వినియోగంతో చంద్రబాబు అరెస్టు చేశారని ఆరోపించారు. ప్రజాస్వామ్యాన్ని అపహాస్యం చేయడం జగన్ ప్రభుత్వానికి తగదని ఎంపీ రాంమోహన్ అన్నారు. జగన్ పాలన వల్ల రాష్ట్రంలో ఏ వర్గం కూడా సంతోషంగా లేదని ఆరోపించారు. ప్రశ్నించే తత్వం ఉన్న యువతను దెబ్బతీస్తే తన అధికారానికి అడ్డు ఉండదని కుట్రతో లేని స్కిల్ డెవలప్మెంట్ స్కాం సృష్టించి క్రిమినల్ బుద్ధితో టీడీపీ అధినేత చంద్రబాబును సీఎం జగన్ ఇరికించారని ఆరోపించారు.
Read Also :Chandrababu : చంద్రబాబు నిజంగా ఓ విజన్ – ఇన్వెంటస్ ఎండి కన్వాల్ రేఖీ
Related News
Rana Daggubati : ఎన్నికల ముందు చంద్రబాబుని, గల్లా జయదేవ్ని పొగిడిన రానా..
తాజాగా రానా ఓ ఇంటర్వ్యూలో ఎన్నికల గురించి ప్రస్తావించకుండా వేరే సందర్భాలతో చంద్రబాబు, ఎంపీ గల్లా జయదేవ్ ని పొగిడారు.