On One Nation One Time: “వన్ నేషన్ – వన్ టైమ్” కు కేద్రం ప్రతిపాదన

Central Govt proposal for "One Nation - One Time".

On One Nation One Time: “వన్ నేషన్ – వన్ టైమ్”ను కేంద్ర ప్రభుత్వం త్వరలో దేశవ్యాప్తంగా అమలు చేయబోతుంది. ఈ క్రమంలోనే వినియోగదారుల వ్యవహారాల మంత్రిత్వ శాఖ ఫిబ్రవరి 14 లోపు ప్రజల నుంచి అభిప్రాయాన్ని కోరింది. భారత ప్రామాణిక సమయాన్ని తప్పనిసరి చేయడానికి ప్రభుత్వం నియమాలను రూపొందించింది. లీగల్ మెట్రాలజీ (ఇండియన్ స్టాండర్డ్ టైమ్) రూల్స్, 2024 సమయపాలన పద్ధతులను ప్రామాణీకరించడానికి ఒక చట్టపరమైన చట్రాన్ని ఏర్పాటు చేయడం లక్ష్యంగా పెట్టుకుంది.

ప్రభుత్వం విడుదల చేసిన సమాచారం ప్రకారం.. సమయపాలనను ప్రామాణీకరించే ప్రయత్నంలో భాగంగా ప్రభుత్వం అన్ని అధికారిక, వాణిజ్య వేదికల్లో భారత ప్రామాణిక సమయం (IST) ప్రత్యేక వినియోగాన్ని తప్పనిసరి చేస్తూ సమగ్ర నియమాలను రూపొందించింది. ఈ ఫ్రేమ్‌వర్క్ చట్టపరమైన, పరిపాలనా, వాణిజ్య, అధికారిక పత్రాలకు ISTని ఏకైక సమయ సూచనగా నిర్దేశిస్తుంది. ముసాయిదా నియమాల ప్రకారం.. వాణిజ్యం, రవాణా, ప్రజా పరిపాలన, చట్టపరమైన ఒప్పందాలు, ఆర్థిక కార్యకలాపాలతో సహా అన్ని రంగాల్లో IST తప్పనిసరి సమయ సూచనగా ఉంటుంది. దీని ప్రధాన నిబంధనల్లో అధికారిక, వాణిజ్య ప్రయోజనాల కోసం IST కాకుండా ఇతర సమయ సూచనలపై నిషేధం ఉన్నాయి.

వ్యూహాత్మక, వ్యూహేతర రంగాలకు నానోసెకండ్ కచ్చితత్వంతో కచ్చితమైన సమయం అవసరమని ప్రభుత్వ సీనియర్ అధికారి ఒకరు తెలిపారు. ఖగోళ శాస్త్రం, నావిగేషన్, శాస్త్రీయ పరిశోధన వంటి ప్రత్యేక రంగాలకు మినహాయింపులు అనుమతించబడతాయి. టెలికాం, బ్యాంకింగ్, రక్షణ, 5G, కృత్రిమ మేథస్సు వంటి అభివృద్ధి చెందుతున్న సాంకేతికతలతో సహా కీలకమైన జాతీయ మౌలిక సదుపాయాల్లో కచ్చితమైన సమయపాలనను నిర్ధారించే ప్రయత్నాల్లో భాగంగా ఈ ప్రతిపాదన వచ్చింది. ఇక, వీటికి ముందుగా ప్రభుత్వ అనుమతి పొందాల్సి ఉంటుంది. వినియోగదారుల వ్యవహారాల శాఖ, జాతీయ భౌతిక ప్రయోగశాల, భారత అంతరిక్ష పరిశోధన సంస్థ (ఇస్రో) సహకారంతో సమయం నిర్మాణం, పంపిణీ వ్యవస్థను బలోపేతం చేస్తున్నాయి.

Read Also: Mohammed Siraj Dating: బాలీవుడ్ సింగర్‌తో సిరాజ్ డేటింగ్.. కానీ ట్విస్ట్ ఏంటంటే..!

Follow us