Cold And Cough Syrup : 20 మంది పిల్లలు మృతి.. సర్కార్ నిర్లక్ష్యమే కారణమా?

మధ్యప్రదేశ్ రాష్ట్రాన్ని కుదిపేసిన కొల్డిఫ్ కాఫ్ సిరప్ (Cold And Cough Syrup) ఘటనపై కొత్త వివరాలు వెలుగులోకి వస్తున్నాయి. ఈ సిరప్ సేవించి 20 మంది చిన్నారులు ప్రాణాలు కోల్పోవడం దేశవ్యాప్తంగా ఆందోళన కలిగించింది. ముఖ్యంగా ఈ మరణాలు సెప్టెంబర్ 19న నమోదైనప్పటికీ, ప్రభుత్వం చర్యలు తీసుకోవడంలో తీవ్ర ఆలస్యం చేసింది. మొదట్లో దీనిని సాధారణ ఘటనగా చూపించే ప్రయత్నం జరిగినప్పటికీ, తల్లిదండ్రులు మరియు స్థానిక వైద్యులు సిరప్‌నే కారణమని బలంగా ఆందోళన వ్యక్తం చేశారు. అయినప్పటికీ, ఆరోగ్య శాఖ అధికారులు మొదటి దశలో స్పందించకపోవడం, మరణాల వెనుక కారణాలపై నిర్లక్ష్య ధోరణి కనబరిచడం ప్రజల్లో ఆగ్రహానికి దారితీసింది.

‎Donate: దాన ధర్మాలు కుడి చేతితోనే ఎందుకు చేయాలి.. ఎడమ చేయి ఉపయోగిస్తే ఏమవుతుందో తెలుసా?

అసలు విషయం ఏమిటంటే, మరణాల తరువాత తీసుకున్న సిరప్ శాంపిల్స్‌ను సెప్టెంబర్ 29న ఛింద్వాడా నుంచి భోపాల్ ల్యాబ్‌కి రిజిస్టర్డ్ పోస్ట్ ద్వారా పంపారు. రెండు మూడు గంటల్లో చేరవలసిన 300 కిలోమీటర్ల ప్రయాణం మూడు రోజులు పట్టడం ఆశ్చర్యకరం. ఈ ఆలస్యం వెనుక ఉన్న నిర్లక్ష్యం ప్రభుత్వ వ్యవస్థలోని సామర్థ్యలేమిని బహిర్గతం చేసింది. మరోవైపు, ల్యాబ్ రిపోర్ట్ రాకముందే అక్టోబర్ 1, 3 తేదీల్లో రాష్ట్ర ఆరోగ్య శాఖ మంత్రి ప్రజల ముందుకు వచ్చి ఆ సిరప్ సేఫ్ అని ప్రకటించడం మరింత వివాదాస్పదమైంది. ఇది కేవలం సమాచారం లోపమే కాకుండా, ప్రజల ప్రాణాలను లెక్కచేయని వైఖరికి సంకేతంగా మారింది.

ఈ సంఘటన దేశంలోని డ్రగ్ నియంత్రణ వ్యవస్థపై కూడా పెద్ద ప్రశ్నలు లేవదీస్తోంది. ఒక చిన్నారి ప్రాణం కూడా విలువైనదే అయినా, ఇక్కడ 20 మంది పిల్లలు ప్రాణాలు కోల్పోయినా అధికార యంత్రాంగం కదలకపోవడం విచారకరం. సిరప్ సేఫ్టీ టెస్టుల్లో ఆలస్యం, సాక్ష్యాల దోపిడీ, మరియు రాజకీయ ఒత్తిళ్ల నేపథ్యంలో నిజం దాచిపెట్టే ప్రయత్నం జరిగినట్లు ఆరోపణలు వినిపిస్తున్నాయి. కేంద్ర ప్రభుత్వం ఈ కేసులో సమగ్ర విచారణ జరిపి, బాధ్యులపై కఠిన చర్యలు తీసుకోవాల్సిన అవసరం ఉంది. ఈ ఘటన చిన్నారుల ప్రాణాలను మాత్రమే కాదు, ప్రజల వైద్య వ్యవస్థపై ఉన్న విశ్వాసాన్నీ తీవ్రంగా దెబ్బతీసింది.