Cow Milk: చిన్నపిల్లలకు ఆవు పాలు ఎందుకు తాగించరో మీకు తెలుసా?

Cow Milk

చాలామంది స్త్రీలు డెలివరీ అయిన తర్వాత పిల్లలకు పాలు సరిపడక గేదె పాలు లేదా ఆవు పాలు తాగిస్తూ ఉంటారు. కొందరు ప్రత్యేకించి ఆవుపాలను మాత్రమే తాగించాలని చెబుతూ ఉంటారు. కానీ కొంతమంది పెద్దలు ఆవు పాలు అంత మంచిది కాదు గేదె పాలు మంచివి వాటిని తాగించాలి అని చెబుతూ ఉంటారు. ఇంతకీ మరి చిన్నపిల్లలకు ఆవుపాలు మంచివా లేకపోతే గేదె పాలు మంచివా? ఈ విషయం గురించి వైద్యులు ఏం చెబుతున్నారో ఇప్పుడు మనం తెలుసుకుందాం.. నవజాత శిశువుకు ఆవు పాలు అంత ప్రయోజనకరంగా ఉండవని ఆరోగ్య నిపుణులు చెబుతున్నారు.

నిజానికి నవజాత శిశువులు ఆవు పాలలో ఉన్న ప్రోటీన్, ఖనిజాల మొత్తాన్ని జీర్ణించుకోలేరు. ఇది వారి ఆరోగ్యంపై చెడు ప్రభావాన్ని చూపిస్తుందట. ఆవు పాలలో ఎక్కువ మొత్తంలో సంక్లిష్ట ప్రోటీన్ ఉంటుంది. ఈ ప్రోటీన్ పుట్టిన వెంటనే దూడ నిలబడటానికి, నడవడానికి సహాయపడుతుందట. కానీ ఈ సంక్లిష్ట ప్రోటీన్ చిన్న పిల్లల మూత్రపిండాలపై చెడు ప్రభావాన్ని చూపిస్తుందని చెబుతున్నారు. అయితే నిజానికి పిల్లల జీర్ణ వ్యవస్థ ఈ ప్రోటీన్ ను సరిగా జీర్ణం చేసుకోలేదట. ఈ పాలను తాగితే డయేరియాతో పాటుగా మూత్రపిండాలు దెబ్బతినడంతో వంటి సమస్యలు వస్తాయి. అలాగే పిల్లల మలంలో రక్తం కూడా పడుతుందని అందుకే ఆవు పాలు చిన్న పిల్లలకు తాగించకూడదని వైద్యులు చెబుతున్నారు.

ఆవు పాలలో విటమిన్ సి, ఐరన్ తో పాటుగా ఇతర పోషకాలు ఉండవు. దీనివల్ల శిశువు ఎదుగుదల దెబ్బతింటుంది. పుట్టిన వెంటనే పిల్లలకు ఆవు పాలు తాగించడం వల్ల వారిలో ఇనుము లోపం ఏర్పడుతుంది. ఇది రక్తహీనత సమస్యను తెస్తుందని చెబుతున్నారు. అలాగే ఆవు పాలలో విటమిన్ సి ఉండదు. దీనివల్ల వారి రోగనిరోధక శక్తి బలహీనంగా మారుతుంది. విటమిన్ సి మన రోగనిరోధక శక్తిని పెంచుతుంది. ఇది పిల్లలను అనారోగ్యనికి గురికాకుండా రక్షిస్తుందని ఆరోగ్య నిపుణులు చెబుతున్నారు. ఆవు పాలలో మీ బిడ్డకు అవసరమైన పోషకాలు అంతగా ఉండవు. ఆవు పాలలో నీళ్లు కలపడం వల్ల బిడ్డకు సరైన మొత్తంలో కొవ్వు కూడా అందదు. దీంతో పిల్లలు హెల్తీగా కూడా ఉండరని వైద్యులు చెబుతున్నారు.

అదేవిధంగా ఆవు పాలను తాగడం వల్ల పిల్లలు ఊబకాయం బారిన పడే ప్రమాదం ఎక్కువగా ఉంటుందట నిజానికి ఆవు పాలలో మంచి మొత్తంలో ఫాస్ఫేట్, ప్రోటీన్ ఉంటుందట. దీని వల్ల పిల్లలు బరువు బాగా పెరిగిపోతారని చెబుతున్నారు. అలాగే శరీరంపై అదనపు కొవ్వు పేరుకుపోవడం వల్ల వారి ఎదుగుదల కూడా ఆగిపోవడం మొదలవుతుందని చెబుతున్నారు. తల్లిపాలు రాకపోతే, ఒక సంవత్సరం కంటే తక్కువ వయస్సు ఉన్న బిడ్డకు ఫార్ములా పాలను తాగించడం మంచిదని, సింపుల్ గా చెప్పాలంటే ఏడాది తర్వాతే పిల్లలకు ఆవు పాలను తాగించడం మంచిదట..

Follow us