Pregnancy Diet Plan in Summer: వేసవిలో గర్భిణీలు ఎలాంటి ఆహారం తీసుకోవాలి. నిపుణులు ఏం చెబుతున్నారో తెలుసా?

Pregnancy Precautions Imresizer

9 నెలల గర్భం ప్రతి స్త్రీకి ప్రత్యేకమైనది. ఈ సమయంలో, స్త్రీలో శారీరకంగా, మానసికంగా అనేక మార్పులు సంభవిస్తాయి. ఈ ప్రయాణం చాలా అందంగా ఉన్నప్పటికీ, ఈ మార్పుల కారణంగా, చాలా సార్లు గర్భం సమస్యలకు కారణం అవుతుంది. ముఖ్యంగా వేసవి(Pregnancy Diet Plan in Summer) కాలంలో గర్భిణులకు ఇబ్బందులు ఎక్కువ. ఈ సీజన్ లో మహిళలకు మార్నింగ్ సిక్ నెస్ తో పాటు వాంతులు, అజీర్ణం, గ్యాస్ , ఆకలి మందగించడం వంటి సమస్యలు ఉంటాయి. ఈ సమస్యలను నివారించడానికి, ఆరోగ్యకరమైన జీవనశైలితో పాటు, ఆహారంలో జాగ్రత్తగా ఉండటం అవసరం. వేసవి కాలం ప్రారంభమైంది, కాబట్టి ఈ సమయంలో గర్భిణీలు తమ ఆహారంలో ఏయే అంశాలను చేర్చుకోవాలో తెలుసుకుందాం.

సీజనల్ పండ్లు తినండి:
ఎండాకాలంలో సీజనల్ పండ్లు అందుబాటులో ఉంటాయి. వేసవిలో శరీరాన్ని హైడ్రేట్ గా ఉంచడంలో సీజనల్ పండ్లు ఎంతగానో సహాయపడతాయి. ఈ పండ్లలో విటమిన్లు, మినరల్స్, ఫైబర్ అధికంగా ఉంటుంది. ఇవి రోజంతా శరీరానికి శక్తిని ఇస్తుంది. పండ్లను తీసుకోవడం వల్ల కడుపులో పెరుగుతున్న బిడ్డ వేగంగా అభివృద్ధి చెందుతుంది. సీజనల్ ఫ్రూట్స్ గర్భధారణ సమయంలో కూడా ఎసిడిటీ నుంచి ఉపశమనం కలిగిస్తాయి. వేసవి కాలంలో గర్భిణీలు పుచ్చకాయ, మామిడి, లిచి, పీచు వంటి వాటిని ఆహారంలో చేర్చుకోవాలని నిపుణులు చెబుతున్నారు.

ప్రోటీన్ తీసుకోవడం పెంచండి:
గర్భధారణ సమయంలో, పుట్టబోయే బిడ్డ సరైన అభివృద్ధికి ప్రోటీన్ తీసుకోవడం చాలా ముఖ్యం. ఈ సమయంలో, మీ ఆహారంలో చికెన్, మటన్, పప్పులు, పాల ఉత్పత్తులు, సోయాబీన్, ముతక ధాన్యాలు చేర్చండి.

నీరు తాగాలి:
ప్రెగ్నెన్సీ సమయంలో, స్త్రీలు కారంగా, ఉండే, ఘాటైన, వేయించిన ఆహారాల కోసం కోరికలను కలిగి ఉంటారు. ఇలాంటివి తినడం వల్ల గ్యాస్, మలబద్ధకం వంటి సమస్యలు ఇబ్బంది పెడతాయి. అటువంటి పరిస్థితిలో, గర్భిణీ స్త్రీలు తగినంత నీరు త్రాగటం అవసరం. ప్రెగ్నెన్సీ దశలో ఎక్కువ నీరు తాగలేని మహిళలు తమ ఆహారంలో ఆరోగ్యకరమైన ద్రవాన్ని చేర్చుకోవాలని నిపుణులు చెబుతున్నారు. నిమ్మరసం, కొబ్బరి నీళ్లు, మజ్జిగ, లస్సీ వంటి వాటిని ఆహారంలో భాగం చేసుకుంటే ఆరోగ్యంగా ఉండొచ్చు.

గింజలు, విత్తనాలు తినండి:
కడుపులో పెరుగుతున్న పిల్లల మానసిక వికాసానికి విత్తనాలు, గింజలు చాలా ముఖ్యమైనవి. నిజానికి, గింజలు మోనోఅన్‌శాచురేటెడ్, పాలీఅన్‌శాచురేటెడ్ లిపిడ్‌లను కలిగి ఉంటాయి, ఇవి పిండం అభివృద్ధిలో సహాయపడతాయి. గర్భిణీ స్త్రీలు రోజుకు కనీసం 20 నుండి 30 గ్రాముల గింజలు, విత్తనాలను తప్పనిసరిగా తినాలని నిపుణులు అంటున్నారు.

Follow us