Coffee: నెలరోజుల పాటు కాఫీ మానేస్తే ఏం జరుగుతుందో మీకు తెలుసా?

మనలో చాలామందికి కాఫీలు, టీలు తాగే అలవాటు ఉండే ఉంటుంది. ఉదయం లేచిన దగ్గర నుంచి రాత్రి పడుకునే వరకు చాలాసార్లు కాఫీ టీ తాగుతూ ఉంటారు. రోజులో కనీసం ఒక్కసారైనా కాఫీ లేదా టీ తాగనిదే రోజు కూడా గడవదు. రోజుకు కనీసం ఒక్కసారైనా కాఫీ తాగాల్సిందే అని చాలామంది అంటూ ఉంటారు. అలాంటిది నెలరోజుల పాటు కాఫీ మానేస్తే ఏం జరుగుతుందో ఇప్పుడు మనం తెలుసుకుందాం.. కాఫీ టీలు తాగడం మంచిదే కానీ అలా అని ఎక్కువగా తాగితే మాత్రం సమస్యలు తప్పవు అని చెబుతున్నారు.
కాఫీకి ఒక్కసారి అలవాటు పడితే చాలు దీన్ని తాగకుండా అస్సలు ఉండరు.

ఎందుకంటే దీని టేస్ట్ అంత అద్బుతంగా ఉంటుంది. అందులోనూ కాఫీని తాగితే ఆ వెంటనే ఎనర్జీ వస్తుంది. హుషారుగా మారిపోతారు. కాఫీలో ఉండే కెఫిన్ మనల్ని ఎనర్జిటిక్ గా మార్చుతుంది. తలనొప్పిని కూడా దూరం చేస్తుంది. అలసట ఇట్టే తగ్గిపోతుంది. అంతేకాదు దీనితో కూడా కొన్ని ఆరోగ్య ప్రయోజనాలు కలుగుతాయట. నెల రోజులపాటు కాఫీ తాగడం మానేస్తే ఏం జరుగుతుంది అన్న విషయానికి వస్తే.. కాఫీలో కెఫిన్ కంటెంట్ పుష్కలంగా ఉంటుంది. ఇది మనకు నిద్రమత్తు లేకుండా చేస్తుంది. అంటే ఇది మనకు నిద్ర లేకుండా చేస్తుంది. కాఫీలోని కెఫిన్ కంటెంట్ మన నిద్ర విధానాలకు ఆటంకం కలిగిస్తుంది. అందుకే సాయంత్రం 6 తర్వాత కాఫీని అసలే తాగకూడదని చెబుతున్నారు.

అయితే ఒక నెల రోజుల పాటు మీరు కాఫీని తాగకుండా ఉంటే మీరు ఎంతో ప్రశాంతంగా, కంటినిండా నిద్రపోతారని నిపుణులు చెబుతున్నారు. అలాగే టైం టూ టైం కాఫీని తాగేవారు ఉన్నారు. వారికీ వారు సమయానికి కాఫీని తాగకపోతే ఏమీ తోచదు. కొందరికైతే తలనొప్పి కూడా వస్తుంది. అయితే ఒక నెల పాటు ఎలాగోలా కాఫీకి దూరంగా ఉంటే వీరు కెఫిన్ పై ఆధారపడే అలవాటు తగ్గుతుందట. అంటే మీరు కాఫీ లేకుండా కూడా ఉండగలుగుతారట. నెమ్మదిగా మీరు కాఫీలు మానేస్తారు అని చెబుతున్నారు. ఒక నెల పాటు కాఫీని తాగకుండా ఉండటం వల్ల మీ రక్తపోటు స్థాయిలు నియంత్రణలో ఉంటాయట. ఇలా ఉండటం వల్ల యాంగ్జైటీ తగ్గుతుందట. అంతేకాదు కొంతమందికి జీర్ణక్రియ కూడా మెరుగుపడుతుందని చెబుతున్నారు. కాఫీకి అలవాటు పడితే ఎప్పుడు పడితే అప్పుడు దీన్ని తాగాలనిపిస్తుంది. దీనివల్ల మీ డబ్బు బాగా ఖర్చు అవుతుంది. అయితే ఒక నెల రోజుల పాటు కాఫీ లేకుండా ఉంటే మీకు ఎంతో డబ్బు సేవ్ అవుతుందట. రోజుకు కనీసం ఒక 20 రూపాయలు చొప్పున వేసుకున్న నెలకు 600 రూపాయలు సేవింగ్ అవుతుందని చెబుతున్నారు. మీకు రోజూ కాఫీ తాగే అలవాటు ఉంటే దీన్ని మానేయడం వల్ల తలనొప్పి, చిరాకు, అలసట వంటి సమస్యలు వస్తాయి. కాఫీ తక్షణమే ఎనర్జీని ఇస్తుంది. అయితే కాఫీని మానేయడం వల్ల మీరు బలహీనంగా, అలసటగా ఉంటారు. కాఫీ లేకుండా ఉండటానికి శరీరం సర్దుబాటు చేసుకునేంత వరకు ఇలాగే ఉంటుంది.