Sweet: భోజనం తర్వాత స్వీట్ తినే అలవాటు ఉందా.. అయితే ఇది మీకోసమే!

మనలో చాలామందికి భోజనం తిన్న తర్వాత చాలామందికి స్వీట్ తినే అలవాటు ఉంటుంది. భోజనం చేసిన తర్వాత కొంచెం స్వీట్ అయిన సరే తప్పకుండా తింటూ ఉంటారు. అయితే భోజనం తర్వాత స్వీట్ తినడం అన్నది చాలా ప్రమాదకరం అని చెబుతున్నారు. భోజనం తర్వాత పొరపాటున కూడా స్వీట్ అస్సలు తినకూడదట. ఇది అనేక సమస్యలకు దారి తీస్తుందని చెబుతున్నారు. భోజనం తర్వాత స్వీట్ తింటే ఏం జరుగుతుందో ఇప్పుడు మనం తెలుసుకుందాం..

కాగా డెసర్ట్స్ లో షుగర్ క్వాంటిటీ చాలా ఎక్కువగా ఉంటుంది. అంతేకాకుండా ఫ్యాట్ శాతం కూడా ఎక్కువగా ఉంటుంది. కాబట్టి రోజూ రాత్రి భోజనం తర్వాత చిన్న ముక్క స్వీట్ తిన్నా కూడా బరువు పెరగడం ఖాయం. కాబట్టి బరువు పెరగకూడదు అనుకునేవారు వీటికి దూరంగా ఉండటమే మంచిదని చెబుతున్నారు. అలాగే స్వీట్స్ లో షుగర్ కంటెంట్ ఎక్కువగా ఉంటుంది. కాబట్టి రాత్రి సమయంలో అది కూడా భోజనం తర్వాత స్వీట్ తినడం వల్ల బ్లడ్ లో షుగర్ లెవల్స్ పెరిగిపోతాయట. కాబట్టి రాత్రి స్వీట్ కి దూరంగా ఉండటమే మంచిదని చెబుతున్నారు. రాత్రి భోజనం తర్వాత స్వీట్లు తినడం వల్ల తిన్న ఆహారం సరిగా జీర్ణం అవ్వదట. దీనివల్ల బ్లోటింగ్ సమస్య రావడం కడుపులో మంట వంటి సమస్యలు ఎదురవుతాయని చెబుతున్నారు. రాత్రి సమయంలో స్వీట్ తింటే.. వెంటనే బ్రష్ చేసుకోవాలట.

ఇలా చేసుకోకపోతే పళ్లు పాడైపోతాయట. టూత్ కి క్యావిటీస్ అన్నీ వచ్చేస్తాయి. కాబట్టి పళ్లు పాడవ్వకుండా ఉండాలంటే రాత్రి బ్రష్ చేసుకోవడం చాలా అవసరం అని చెబుతున్నారు. రాత్రి పడుకోవడానికి ముందు స్వీట్స్ తింటే ముఖ్యంగా షుగర్ ఎక్కువగా ఉండే స్వీట్స్, కెఫిన్ ఎక్కువగా ఉండే ఆహారాలు తీసుకుంటే సరిగా నిద్ర కూడా పట్టదట. దీని కారణంగా నిద్రలేని సమస్య వస్తుందని చెబుతున్నారు. ఎప్పుడో ఒకసారి రాత్రిపూట స్వీట్ తింటే పర్లేదు కానీ తరచూ దీన్ని అలవాటుగా చేసుకుంటే మాత్రం శరీరంలో ఫ్యాట్ పెరిగిపోవడంతో పాటు టైప్ 2 డయాబెటిస్ వస్తుందట. మూడ్ స్వింగ్స్ రావడం, నైట్ క్రేవింగ్స్ పెరిగిపోవడం బ్యాలెన్సడ్ డైట్ కూడా తీసుకోలేరు. అనారోగ్యకరమైన ఆహారాలు ఎక్కువగా తీసుకుంటే ఆరోగ్య సమస్యలు వస్తాయని చెబుతున్నారు.