Red Onion Or White Onion: ఎర్ర ఉల్లిపాయ తెల్ల ఉల్లిపాయలో ఏది ఆరోగ్యానికి మంచిది?

Onions

మన వంటింట్లో ఉండే కూరగాయలలో ఉల్లిపాయ కూడా ఒకటి. ఉల్లిపాయలు ఎన్నో రకాల ఆరోగ్య ప్రయోజనాలు ఉన్నాయి అన్న విషయం తెలిసింది. కాగా మనకు ఎక్కువగా ఎర్ర ఉల్లిపాయలు మాత్రమే దొరుకుతూ ఉంటాయి. ఇక అప్పుడప్పుడు తెల్ల ఉల్లిపాయలు కూడా కనిపిస్తూ ఉంటాయి. అయితే చాలామంది రెండు ఉల్లిపాయలే కదా తేడా ఏముంటుంది అని అనుకుంటూ ఉంటారు. ఈ తెల్ల ఉల్లిపాయ ఎర్ర ఉల్లిపాయ లో ఏది మంచిది అని ప్రశ్నిస్తే తెల్ల ఉల్లిపాయ అని వైద్యులు చెబుతున్నారు.తెల్ల ఉల్లిపాయలతో మన శరీరానికి ఎంతో మేలు చేస్తాయి.

వాటిల్లో యాంటీ ఇన్ఫ్ మేటరి యాంటీబయాటిక్ గుణాలు చాలా ఉన్నాయి. ఆయుర్వేదంలో వీటికి ప్రత్యేక గుర్తింపు కూడా ఉంది అని పోషకాహార నిపుణురాలు డాక్టర్ రచనా అగర్వాల్ తెలిపారు. తెల్ల ఉల్లిపాయలతో కలిగే మరిన్ని ప్రయోజనాల గురించి ఇప్పుడు మనం తెలుసుకుందాం. తెల్ల ఉల్లిపాయల్లో యాంటీ బ్యాక్టీరియల్ గుణాలు ఉన్నాయి. దీనివల్ల ఇన్ఫెక్షన్లు తగ్గేందుకు సాయపడతాయి. కళ్లు, ముక్కు, చెవి ఇన్ఫెక్షన్లపై మంచి ప్రభావం చూపిస్తాయి.

అసిడిక్ స్వభావం కార్బొహైడ్రేట్లు ఉన్న పదార్థాలను దేశవాసులు ఎక్కువగా తీసుకుంటూ ఉంటారు. ఇవి అసిడిక్ గుణాన్ని కలిగి ఉంటాయి. దీనివల్ల అసిడిటీ సమస్య ఏర్పడుతుంది. అలాగే, మన శరీరం ఇన్ఫెక్షన్లకు గురయ్యే ప్రమాదం పెరుగుతుంది. తెల్ల ఉల్లిపాయలు ఆల్కలిన్ స్వభావంతో ఉంటాయి. కనుక అసిడిక్ స్వభావాన్ని తగ్గిస్తాయి. శ్వాసకోస సమస్యలకు తెల్ల ఉల్లిపాయలు మంచి ఔషధంగా పనిచేస్తాయి. ఊపిరితిత్తుల్లో వాపు గుణాన్ని తగ్గిస్తాయి. శ్వాస మెరుగ్గా ఉండేందుకు సాయపడతాయి. తెల్ల ఉల్లిపాయల రసాన్ని, కొంచెం తేనెతో కలిపి తీసుకుంటే దగ్గు నుంచి ఉపశమనం లభిస్తుంది. కాటన్ తీసుకుని ఉల్లిపాయల రసాన్ని ఛాతీ భాగంలో కూడా రాసుకోవచ్చు..కేశాలకూ తెల్ల ఉల్లిపాయలు మంచి చేస్తాయి. ఉల్లిపాయ రసాన్ని వెంట్రుక కుదుళ్లకు రాసుకోవచ్చు. తెల్ల, ఎర్ర ఉల్లిపాయల్లో చాలా వరకు సాధారణ పోషకాలు ఒకటే. కానీ, తెల్ల ఉల్లిపాయల్లో యాంటీబ్యాక్టీరియల్, యాంటీ ఇన్ ఫ్లమ్మేటరీ గుణాలు ఎక్కువగా ఉంటాయి. అలాగే, ఎర్ర ఉల్లిపాయలంత ఘాటుగా తెల్లవి ఉండవు. ఇంకా యాంటీ ఆక్సిడెంట్లు కూడా పుష్కలంగా లభిస్తాయి. ఫైబర్ కూడా ఉంటుంది. శరీరాన్ని చల్లబరుస్తుంది.

Follow us