Mushroom: పుట్టగొడుగులతో కాన్సర్ తగ్గించుకోవచ్చని మీకు తెలుసా? అదెలా అంటే?

Mushroom

పుట్టగొడుగులు.. వీటిని ఇష్టపడని వారు ఉండరేమో. ఈ పుట్టగొడుగులు మామూలుగా పల్లెటూరు ప్రాంతాలలో పొలాల గట్టుపై ఎక్కువగా కనిపిస్తూ ఉంటాయి. వర్షాకాలంలో ముఖ్యంగా ఉరుములు బాగా వచ్చినప్పుడు ఈ పుట్టగొడుగులు ఎక్కువగా వస్తూ ఉంటాయి. కానీ ఇప్పుడు మనం సూపర్ మార్కెట్ వంటి వాటిలో ఏడాది పొడవునా లభిస్తున్నాయి. అయితే చాలా మంది వీటిని తినడానికి అస్సలు ఇష్టపడరు. కానీ వీటి వల్ల కలిగే ప్రయోజనాలు తెలిస్తే మాత్రం తినకుండా అసలు ఉండలేరు. ఎందుకు అంటే ఇవి ఆరోగ్యానికి ఎంతో మేలు చేస్తాయి.

పుట్ట గొడుగుల్లో సెలీనియం, ఎర్గోథియోనైన్ అనే యాంటీ ఆక్సిడెంట్లు, బి విటమిన్లు, రాగి ఉంటాయి. ఇవి ఎర్ర రక్త కణాల పెరుగుదలకు సహాయపడతాయట. అంతేకాదు వీటిలో పొటాషియం, ఐరన్, భాస్వరం లాంటి ఖనిజాలు కూడా ఉన్నాయి. పుట్టు గొడుగులు తింటే కొన్ని జబ్బులు మన జోలికి రావట. పుట్ట గొడుగుల్లోని యాంటీ ఆక్సిడెంట్లు క్యాన్సర్ లాంటి వ్యాధులను నివారించడంలో సహాయపడతాయని చెబుతున్నారు. ప్రోస్టేట్, పెద్దపేగు, రొమ్ము కాన్సర్ లను నివారించడంలో సహకరిస్తాయి. సెలీనియం క్యాన్సర్‌ ని నివారిస్తుందని చెబుతున్నారు. పుట్ట గొడుగుల్లో విటమిన్ డి, కోలిన్ ఉంటుంది. కొన్ని రకాల క్యాన్సర్‌ లను నివారించడంలో లేదా చికిత్స చేయడంలో విటమిన్ డి, కోలిన్ సహాయపడుతుందట. పుట్టగొడుగులు మెదడు ఆరోగ్యాన్ని ఎంతగానో కాపాడతాయట. వీటిని తినడం వల్ల మెదడు ఆరోగ్యం మెరుగుపడుతుందట.

ఇందులో ఉండే అనేక పోషకాలు మెదడు కణాలను యాక్టివ్ గా చేస్తాయని చెబుతున్నారు. అలాగే ఇవి జ్ఞాపక శక్తిని పెంచుతాయట. బ్రెయిన్‌ కి సంబంధించిన సమస్యలు రాకుండా ఉండాలంటే వారంలో ఒకసారి అయినా పుట్ట గొడుగులు తినడం మంచిది అని చెబుతున్నారు. కాగా పుట్టగొడుగుల్లో ఎర్గోథియోనైన్, గ్లుటాతియోన్‌లు అధిక సాంద్రతలో ఉంటాయి. ఈ యాంటీఆక్సిడెంట్లు కలిసి వృద్ధాప్య లక్షణాలకు కారణమయ్యే శారీరక ఒత్తిడి నుంచి రక్షిస్తాయట. పుట్ట గొడుగులు తినడం వల్ల షుగర్ బారిన పడే ముప్పు తగ్గుతుందట. వీటిలో ఉండే ఫైబర్ గ్లూకోజ్ స్థాయిలను తగ్గించడంలో సహాయపడుతుందట. పుట్టగొడుగులు విటమిన్ డి కి మంచి మూలం. ఎముకలను బలోపేతం చేయడంలో ఇవి సహాయపడతాయట. పుట్ట గొడుగులు తినడం వల్ల రోజువారీ విటమిన్ డి అవసరాన్ని తీర్చుకోవచ్చట. రోజుకు సుమారు 18 గ్రాముల పుట్టగొడుగులను తినాలని నిపుణులు చెబుతున్నారు. పుట్టగొడుగులు మంచివే కదా అని ఎక్కువగా తింటే మాత్రం కడుపు నొప్పి, వికారం, వాంతులు, విరేచనాలు, గ్యాస్ట్రిక్, కడుపు నొప్పి లాంటి సమస్యలు వస్తాయట.

Follow us