Black Pepper : నల్ల మిరియాలతో బాడీలోని సమస్యలకు చెక్..ఎలా పనిచేస్తాయంటే?

Black pepper : సాధారణంగా నల్ల మిరియాలను మనం వంటలలో మాత్రమే ఉపయోగిస్తామని అనుకుంటాం. కానీ ఆయుర్వేదంలో దీనికి ప్రత్యేక స్థానం ఉంది. నల్ల మిరియాలలో చాలా ఔషధ గుణాలు దాగి ఉన్నాయి. ఇవి శరీరం లోపల రోగ నిరోధక శక్తిని పెంచడమే కాకుండా, వివిధ రకాల ఆరోగ్య సమస్యలను నివారించడంలో కూడా సహాయపడతాయి. ముఖ్యంగా జ్వరం, దగ్గు, జలుబు, కఫం వంటి సమస్యలకు నల్ల మిరియాలు ఒక అద్భుతమైన ఇంటి వైద్యం.

PM Modi : భారత్ తయారు చేసిన చిన్న చిప్ ప్రపంచాన్ని మార్చే శక్తి కలిగి ఉంది: ప్రధాని మోడీ

జ్వరం, దగ్గు, జలుబు తగ్గడానికి సహాయం

జ్వరం, జలుబు, దగ్గు వచ్చినప్పుడు చాలామంది మందుల కోసం పరుగులు పెడతారు. కానీ నల్ల మిరియాలను ఉపయోగించి ఈ సమస్యలను తగ్గించుకోవచ్చు. ఒక చెంచా తేనెలో చిటికెడు నల్ల మిరియాల పొడిని కలిపి రోజుకు రెండు సార్లు తీసుకుంటే దగ్గు, గొంతు నొప్పి తగ్గుతాయి. అలాగే, జలుబు ఉన్నప్పుడు వేడి పాలలో నల్ల మిరియాల పొడిని కలిపి తాగడం వల్ల త్వరగా ఉపశమనం లభిస్తుంది. శరీరంలో రోగ నిరోధక శక్తిని పెంచి, జ్వరానికి కారణమయ్యే వైరస్‌లను ఎదుర్కోవడానికి ఇది సహాయపడుతుంది. అంతేకాకుండా ఇన్ ఫెక్షన్లను దూరం చేయడంలో చాలా హెల్ప్ చేస్తుంది.

కఫం సమస్యకు సులభ పరిష్కారం

చలికాలంలో కఫం సమస్య చాలా సాధారణంగా కనిపిస్తుంది. నల్ల మిరియాలు కఫంను తొలగించడంలో అద్భుతంగా పని చేస్తాయి. కఫం ఎక్కువగా ఉన్నప్పుడు, ఒక గ్లాసు నీటిలో కొన్ని నల్ల మిరియాలు, కొద్దిగా అల్లం ముక్కలు వేసి మరిగించి ఆ నీటిని తాగాలి. ఇలా చేయడం వల్ల ఊపిరితిత్తులలో పేరుకుపోయిన కఫం సులభంగా బయటకు వస్తుంది. ఇది శ్వాస నాళాలను శుభ్రం చేసి, శ్వాస తీసుకోవడం సులభతరం చేస్తుంది. అస్తమా ఉన్న వారికి చాలా సాయపడుతుంది.

జీర్ణశక్తిని పెంచే నల్ల మిరియాలు

నల్ల మిరియాలు కేవలం జలుబు, దగ్గులకే కాదు, జీర్ణశక్తిని మెరుగుపరచడంలో కూడా గొప్పగా పని చేస్తాయి. ఇందులో ఉండే ‘పైపెరిన్’ (Piperine) అనే రసాయనం జీర్ణ ఎంజైములను ప్రేరేపిస్తుంది. భోజనం తరువాత కొద్దిగా నల్ల మిరియాల పొడిని మజ్జిగలో వేసి తాగడం వల్ల అజీర్తి, గ్యాస్ వంటి సమస్యలు తగ్గుతాయి. ఇది శరీరంలో పోషకాలు పూర్తిగా గ్రహించబడటానికి కూడా సహాయపడుతుంది.

శరీరానికి బలం, రక్షణ

నల్ల మిరియాలు యాంటీఆక్సిడెంట్లు, యాంటీ ఇన్ఫ్లమేటరీ గుణాలను కలిగి ఉంటాయి. ఇవి శరీరంలోని కణాలను దెబ్బతీసే ఫ్రీ రాడికల్స్‌తో పోరాడుతాయి. ఇది క్యాన్సర్, గుండె జబ్బులు వంటి తీవ్రమైన వ్యాధులను నివారించడానికి కూడా కొంతవరకు సహాయపడుతుంది. రోజువారీ ఆహారంలో నల్ల మిరియాలను చేర్చుకోవడం వల్ల శరీరం బలంగా, ఆరోగ్యంగా తయారవుతుంది. కాబట్టి, కేవలం రుచి కోసమే కాకుండా, ఆరోగ్యం కోసం కూడా నల్ల మిరియాలను ఉపయోగించడం మంచిది.

Kim Jong Un : బుల్లెట్ ప్రూఫ్‌ రైలులో చైనాకు కిమ్‌.. అమెరికాకు బలమైన సంకేతం