Acidity: ఎసిడిటీ సమస్య సతమతమవుతున్నారా.. ఈ ఐదు చిట్కాలు పాటించాల్సిందే?

ఈ రోజుల్లో చిన్నవారి నుంచి పెద్దవారి వరకు చాలామంది కడుపుకు సంబంధించిన అనేక రకాల సమస్యలతో బాధపడుతున్న విషయం మనందరికీ తెలిసిందే. మరి ముఖ్యంగా గ్యాస్, ఎసిడిటీ, కడుపునొప్పి, జీర్ణసమస్యలు లాంటి ఉదర సమస్యలతో బాధపడుతున్నారు. సమయానికి ఆహారం తినకపోవడం వల్ల ఎసిడిటీ వస్తుంది. మద్యపానం, ధూమపానం కూడా ఎసిడిటీకి కారణం. అధికంగా మసాలాలు తినడం పొట్టలో అసౌకర్యానికి కారణం అవుతుంది. ఒకవేళ మీరు ఎసిడిటీ సమస్యతో బాధపడుతుంటే మీ ఇంట్లో వాటిని పాటిస్తూ ఆ సమస్యల నుంచి ఉపశమనం పొందవచ్చు. ఇందుకోసం ఐదు రకాల ఆహార పదార్థాలు తీసుకోవడం మంచిది.. అవేంటంటే.

తులసి ఆకులు: తులసి ఆకుల్లో కార్మినేటివ్ లక్షణాలు ఉంటాయి. ఇది జీర్ణ వ్యవస్థను మెరుగుపరుస్తుంది. కొన్ని తులసి ఆకులను నమలడం వల్ల కడుపులో శ్లేష్మం ఉత్పత్తి అవుతుంది. ఇది మంటను తగ్గించే లక్షణాలను తగ్గిస్తుంది. విపరీతమైన కడుపు ఆమ్లం ఉత్పత్తి చేయడం వల్ల ఏర్పడే సమస్యలను తులసి ఆకుల ద్వారా నయం చేస్తుంది. తులసి ఆకులను నీటిలో మరిగించి ఆ నీటిని తాగినా మంచి ఫలితం ఉంటుంది.

గోరు వెచ్చని నీరు : జీర్ణక్రియను సులభతరం చేయడానికి పొట్ట లైనింగ్‌ను శాంత పరచడానికి గ్యాస్ట్రిక్ ఆమ్లాలపై ట్యాబ్‌ను ఉంచడానికి యాసిడ్ రిఫ్లక్స్ లక్షణాలను తగ్గించడానికి వేడి నీరు బాగా ఉపయోగపడతాయి. గోరు వెచ్చని నీటిని తాగడం వల్ల ఎసిడిటీ నుండి ఉపశమనం లభిస్తుంది.

బెల్లం : బెల్లంలో మెగ్నీషియం ఉంటుంది. ఇది జీర్ణక్రియను మెరుగుపరచడంలో ఉపయోగపడుతుంది. యాసిడ్ రిఫ్లక్స్ ఉబ్బరాన్ని తగ్గించేటప్పుడు పేగుల ఆరోగ్యాన్ని మెరుగుపరుస్తుంది. ఆకలి లేకపోవడాన్ని కూడా బెల్లం ద్వారా సరిచేయవచ్చు. కాబట్టి ప్రతిరోజు చిన్న బెల్లం ముక్కను తినడం అలవాటు చేసుకోవాలి.

మజ్జిగ : మజ్జిగ ఆరోగ్యానికి ఎంతో మేలు చేస్తుంది. ఎసిడిటీకి అద్భుతమైన విరుగుడుగా మారుతుంది. మజ్జిగలో లాక్టిక్ యాసిడ్ ఉంటుంది. లాక్టిక్ యాసిడ్ కడుపులోని ఆమ్లాలను ఎదుర్కోవడంలో సహాయపడతాయి. ఇవి తాగడం వల్ల తక్షణ ఉపశమనం లభిస్తుంది.

సోంపు విత్తనాలు : ఈ సోంపు విత్తనాల వల్ల ఎన్నో రకాల ఆరోగ్య ప్రయోజనాలు ఉన్న విషయం మనందరికీ తెలిసిందే. మరి ముఖ్యంగా జీర్ణక్రియ సమస్యలన్నింటికీ సోంపు విత్తనాలు చక్కగా పని చేస్తాయి. సోంపు గింజలు కండరాలు, పేగులను సడలించడంలో సహాయపడతాయి.