Health Benefits of Ginger: చలికాలంలో అల్లాన్ని పచ్చిగా తీసుకుంటే ఎటువంటి ప్రయోజనాలు కలుగుతాయో మీకు తెలుసా?

Health Benefits Of Ginger

అల్లం వల్ల అనేక ఆరోగ్య ప్రయోజనాలు ఉన్నాయి అన్న విషయం మనందరికి తెలిసిందే. ప్రతి ఒక్కరి ఇంట్లో అల్లం తప్పనిసరిగా ఉంటుంది. అల్లంలేని వంటిల్లు ఉండదు. ఇది మంచి రుచిని ఇవ్వడమే కాకుండా ఎన్నో ఆరోగ్య ప్రయోజనాలను కూడా అందిస్తుందట. కూరల రూపంలోనే కాకుండా పచ్చిగా తిన్నా కూడా అనేక ప్రయోజనాలు కలుగుతాయట. మరి అల్లం పచ్చిగా తింటే ఎలాంటి ప్రయోజనాలు కలుగుతాయి అన్న విషయానికి వస్తే.. చలికాలంలో చాలామంది జీర్ణ సమస్యలతో ఇబ్బంది పడుతుంటారు. కాబట్టి పచ్చి అల్లం తినడం వల్ల ఆ సమస్య నుంచి ఉపశమనం పొందవచ్చట. చలికాలంలో పెద్దల నుంచి పిల్లలవరకు ఇమ్యూనిటీ తగ్గుతూ ఉంటుంది.

ఆ సమయంలో మీరు అల్లాన్నీ తీసుకుంటే రోగనిరోధక శక్తి పెరుగుతుందట. జలుబు, ఫ్లూ వంటి లక్షణాలు కూడా తగ్గుతాయట. అల్లం లోని యాంటీ ఇన్​ఫ్లమేటరీ లక్షణాలు చలికాలంలో వచ్చే కీళ్ల నొప్పులను కూడా దూరం చేస్తాయి. ఆర్థ్రరైటిస్ వంటి సమస్యలు ఉన్నవారికి ఇది మంచి ప్రయోజనాలు అందిస్తుంట. అలాగే పీరియడ్స్ సమయంలో వచ్చే నొప్పుల నుంచి ఉపశమనం అందిస్తుందట. అలాగే అల్లం శరీరంలో కొలెస్ట్రాల్ స్థాయిలను కంట్రోల్ చేస్తుందట. దీనివల్ల గుండె ఆరోగ్యం మెరుగుపడుతుందట. అంతే కాకుండా బీపీని అదుపులో ఉంచి హార్ట్ ఎటాక్స్ వంటివి రాకుండా కాపాడుతుందని చెబుతున్నారు. చలికాలంలో బద్ధకంగా ఉండడం వల్ల శరీరంలో రక్తప్రసరణ ఉండదట. ఇది లేకుంటే మీరు యాక్టివ్​ గా ఉండలేరట. పైగా నీరసం వస్తుందట.

స్కిన్​ టోన్ కూడా మారిపోతుందని చెబుతున్నారు. జుట్టు ఎక్కువగా రాలిపోతుందట. అయితే అల్లం శరీరంలో రక్తప్రసరణను మెరుగు చేసి మీరు యాక్టివ్​ గా ఉండేలా హెల్ప్ చేస్తుందట. వింటర్​లో పగలు సమయం తక్కువగా ఉంటుంది. దీనివల్ల వర్క్​ చేయడంలో ఇబ్బందులు పెరిగి ఒత్తిడి ఎక్కువ అవుతుంది. అలాంటప్పుడు కాస్త అల్లాన్ని చప్పరిస్తే ఒత్తిడి నుంచి ఉపశమనం ఉంటుందట. అలాగే అల్లంలోని యాంటీబాక్టిరియల్, యాంటీ వైరల్ లక్షణాలు చలికాలంలో వచ్చే ఇన్​ఫెక్షన్లను దూరం చేస్తాయట. అంతే కాకుండా వీటిలోని యాంటీ క్యాన్సర్​ లక్షణాలు వివిధ రకాల క్యాన్సర్లను దూరం చేస్తాయట.

బరువు తగ్గాలనుకునేవారు అల్లాన్ని తమ డైట్​ లో తీసుకోవచ్చట. ఇది మెటబాలీజంను పెంచి శరీరంలో కేలరీలు కరిగేలా చేస్తూ ఉండిz బరువు తగ్గడంలో హెల్ప్ చేస్తుందట. చలికాలంలో బరువు తగ్గడం కష్టమనుకునేవారు తమ రెగ్యూలర్ వ్యాయమాలు డైట్​ లతో పాటు దీనిని కూడా కలిపి తీసుకుంటే మంచి ఫలితాలు ఉంటాయట. ఆరోగ్య సమస్యలు లేనివారు హెల్తీగా ఉండేందుకు 1 నుంచి రెండు అంగుళాల అల్లాన్ని తినవచ్చట. ఒకవేళ మీరు జలుబు, ఫ్లూ నుంచి ఉపశమనం కోసం తినాలకుంటే 2 నుంచి 3 అంగుళాలు తీసుకోవచ్చట. జీర్ణ సమస్యలను తగ్గించుకునేందుకు అర అంగుళం తింటే సరిపోతుంది. అయితే అల్లం ఫ్రెష్​గా ఉండాలి. పైన తొక్క తీసేసి చిన్నగా కట్ చేసుకుని తేనెతో కలిపి రోజూ తినవచ్చని చెబుతున్నారు.

Follow us