PaniPuri: పానీపూరీ అతిగా తింటున్నారా.. అయితే మీకు ఈ ప్రమాదాలు తప్పవు?

Panipuri

పానీపూరీ.. ఈ పదార్థాన్ని ఇష్టపడని వారు ఉండరేమో. సాయంత్రం అయింది అంటే చాలు రోడ్డు సైడ్ పానీపూరి బండి దగ్గర గుంపులు గుంపులుగా చేరి మరి ఈ పానీపూరిని లొట్టలు వేసుకొని మరీ తినేస్తూ ఉంటారు. మరి ముఖ్యంగా నగర ప్రాంతాలలో అయితే విద్యార్థులు చిన్న పిల్లలు పెద్దలు అనే తేడా లేకుండా ఈ పానీపూరి బండి దగ్గర ఎక్కువగా కనిపిస్తూ ఉంటారు. పానీ పూరి అంటే పడి చచ్చేవాళ్ళు ఉన్నారు ఎటువంటి సందేహం లేదు. మరికొందరు అయితే రోజుకి కనీసం ఒక్క ప్లేట్ పానీపూరి అయినా తినండి ఊరుకోరు. సాయంత్రం పూట అలా సరదాగా వెళితే రోడ్డు పక్కనే ఉండే పానీ పూరీ బండి మనల్ని ఆకర్షిస్తుంది.

అయితే పానీ పూరి తింటున్న సమయంలో ఆహా ఓహో అంటూ లొట్టలు వేసుకొని మరి తింటూ ఉంటారు. కానీ ఆ తర్వాత వచ్చే ఆరోగ్య సమస్యల గురించి చాలామంది ఆలోచించరు. పానీ పూరి తినడం వల్ల ఎన్నో రకాల ఆరోగ్య సమస్యలు వస్తాయని తెలిసి కూడా వాటిని తినకుండా అసలు ఉండలేరు. పానీపూరీలను వర్షాకాలం శీతాకాలంలో అధికంగా తినడం వల్ల ఎన్నో రకాల అనారోగ్య సమస్యలు వస్తాయి. అంతేకాకుండా టైఫాయిడ్ లాంటి సీజనల్ వ్యాధులు కూడా వస్తాయి. పానీ పూరి లాంటి స్ట్రీట్ ఫుడ్ తింటే టైఫాయిడ్ ఎటాక్ చేస్తుంది. ఇక శీతాకాలంలో కూడా పానీ పూరీ వల్ల టైఫాయిడ్ వచ్చే అవకాశాలు ఎక్కువగా ఉన్నాయి. వీటిని అధికంగా తీసుకోవడం వల్ల అనేక వ్యాధులను మనం ఆహ్వానించినట్టే.

పిల్లలు వీటిని ఎక్కువగా తీసుకుంటే డీహైడ్రేషన్ అయ్యే అవకాశం ఉంటుందట. అలాగే విరేచనాలు, వాంతులు, కామెర్లు వచ్చే అవకాశం ఉందట. ఇంకా పానీ పూరీ వల్ల అల్సర్, జీర్ణక్రియ సమస్యలు వస్తాయట.. ఇంకా వీటిని తింటే ప్రేగులో మంట కూడా వచ్చే ప్రమాదం ఎక్కువగా ఉంటుంది. అందుకే ఎక్కువుగా వీటిని తినక పోవడమే మంచిది అంటున్నారు. ఒకవేళ తినాలి అనిపించినా కూడా ఎప్పుడో వారానికి ఒక్కసారి తినడం మంచిది.

Follow us