Alcohol In Winter: చలికాలంలో వెచ్చదనం కోసం మందుని తెగ తాగేస్తున్నారా.. అయితే ఇది తెలుసుకోవాల్సిందే?

Alcohol In Winter

శీతాకాలం మొదలైంది. చలి తీవ్రత రోజురోజుకీ పెరుగుతూనే ఉంది. ఇకపోతే ఈ చల్లటి వాతావరణంలో ప్రతి ఒక్కరూ వెచ్చగా ఉండడం కోసం వేడివేడి పదార్థాలలో తింటూ తాగుతూ ఉంటారు. అయితే కొంతమంది మందుబాబులు చలికాలంలో వెచ్చదనం కోసం ఆల్కహాల్ ఎక్కువగా సేవిస్తూ ఉంటారు. ఆల్కహాల్ వెచ్చగా ఉంటుందని దాన్ని తీసుకోవడం వల్ల చాలా మంచిదని చెబుతూ ఉంటారు. అయితే చలికాలంలో వెచ్చదనం కోసం మందు తాగే వారు తప్పకుండా కొన్ని విషయాలను గుర్తుంచుకోవాలని చెబుతున్నారు నిపుణులు. మరి చలికాలంలో మద్యం ఎక్కువగా సేవిస్తే ఏం జరుగుతుందో ఇప్పుడు మనం తెలుసుకుందాం.. చలికాలంలో శరీరాన్ని వెచ్చగా చేస్తుందని, చల్లటి వాతావరణంలో ఉపశమనంగా ఉంటుందని కొందరు మందు తాగేస్తుంటారు.

అయితే, శరీరానికి ఆల్కహాల్ చాలా తక్కువ సమయం వరకే కాస్త వెచ్చగా ఉంచగలదు. ఈ ఎఫెక్ట్ చాలా తక్కువ స్థాయిలో ఉంటుంది. తాగిన కాసేపు శరీరం వెచ్చగా ఉన్నట్టు ఫీల్ అవుతుంది. ఆల్కహాల్ వల్ల రక్తనాళాల్లో వచ్చే కదలికల వల్లే చర్మానికి కొంచం హీట్‍ గా ఉంటుంది. అయితే కాసేపటికే బాడీ చాలా చల్లబడిపోతుంది. శరీరంలో వేడి తగ్గిపోయేలా ఆల్కహాల్ చేస్తుంది. బాడీ వణుకు వచ్చేలా చేస్తుంది. అందుకే శరీర వెచ్చదనం కోసం ఆల్కహాల్ పెద్దగా ఉపయోగపడదు. వెచ్చదనం కోసమైతే దీని బదులు హెర్బల్ టీలు చాలా మంచిదని చెబుతున్నారు. అయితే చలికాలంలో వెచ్చదనం కోసం మద్యం సేవిస్తే మాత్రం అది రిస్క్ అని అంటున్నారు. తాగడం ఎక్కువగా అలవాటు అయ్యి అదే రేంజ్‍లో అతిగా మాత్రం అలవాటు కంటిన్యూ అయ్యే అవకాశాలు ఉంటాయట. అందుకే చలికాలంలో ఆల్కహాల్ ఎక్కువగా తీసుకోకుండా ఉండాలని, లేకపోతే మద్యానికి బానిసయ్యే రిస్క్ ఉంటుందని చెబుతున్నారు.

అతిగా మద్యం తాగితే ఆరోగ్యానికి అనేక రకాలుగా చేటు జరుగుతుందట. సుదీర్ఘ కాలిక వ్యాధుల రిస్క్ పెరుగుతుందని, చాలా విధాలుగా ఆరోగ్యానికి దెబ్బపడుతుందని చెబుతున్నారు. కాగా ఆల్కహాల్‍ లోని ప్రమాదకరమైన పదార్థాలు ఆరోగ్యానికి తీవ్రంగా దెబ్బ తీస్తాయట. ఆల్కహాల్ ఎక్కువగా తాగే వారికి చాలా రకాల క్యాన్సర్ల రిస్క్ పెరుగుతుందని, ముఖ్యంగా పేగు, ఛాతి సహా మరిన్ని క్యాన్సర్ల ప్రమాదం ఎక్కువవుతుందని చెబుతున్నారు. మద్యం ఎక్కువగా సేవిస్తే కాలేయం పనితీరు ఘోరంగా దెబ్బ తింటుందట. ఫ్యాటీ లివర్, స్టియాటోసిస్ సహా అనేక రకాల సమస్యలు వస్తాయని, లివర్ డ్యామేజ్ అవుతుందని దీంతో ఓవరాల్ ఆరోగ్యం పాడవుతుందని చెబుతున్నారు. మద్యం ఎక్కువగా తాగితే శరీరంలో రోగ నిరోధక శక్తి తగ్గిపోతుందని,తరచూ వ్యాధుల బారిన పడే అవకాశాలు ఉంటాయి. చలికాలంలో ఈ రిస్క్ మరింత అధికం అవుతుందని చెబుతున్నారు. ఇది గుండె మెదడుపై తీవ్ర ప్రభావాన్ని చూపిస్తుందట. బ్లడ్ ప్రెజర్ కూడా పెరుగుతుందని, బరువు అధికమయ్యే అవకాశం ఉంటుందని ఆరోగ్య నిపుణులు చెబుతున్నారు.

Follow us