Millets In Summer: ఎండాకాలంలో చిరుధాన్యాలు తింటే ఏం జరుగుతుందో తెలుసా?

చిరుధాన్యాల వల్ల ఎన్నో రకాల ఆరోగ్య ప్రయోజనాలు ఉన్నాయి అన్న విషయం అందరికీ తెలిసిందే. ప్రస్తుత రోజుల్లో ఫాస్ట్ ఫుడ్ జంక్ ఫుడ్స్ కి పూర్తిగా అలవాటు పడిపోయిన చాలామంది వాటి గురించి తెలియక వాటి వల్ల కలిగే ప్రయోజనాల గురించి తెలియక పక్కన పెట్టేస్తూ ఉంటారు. రాగులు, జొన్నలు, సజ్జలు, అరికెలు, కొర్రలు వంటివి చిరుధాన్యాల కిందకి వస్తాయి. వరి అన్నం కంటే ముందు ప్రజలు ఈ చిరుధాన్యాలనే ఎక్కువగా తినేవారు. పూర్వం రోజుల్లో ఈ చిరుధాన్యాలను ఎక్కువగా తినే వారు కాబట్టి వారు దీర్ఘాయుష్షుతో బలంగా పుష్టిగా ఉండేవారు. కానీ వీటిని రాను రాను చాలామంది వాడటం కూడా మానేశారు. ఈ మధ్యకాలంలో వైద్యులు ప్రభుత్వాలు వీటి గురించి సరైన అవగాహన కల్పిస్తుండడంతో చాలామంది వీటిని తినడానికి ఆసక్తిని చూపిస్తున్నారు.

కాగా ప్రతి రోజూ చిరుధాన్యాలు తినడం ద్వారా అనేక ఆరోగ్య ప్రయోజనాలు ఉంటాయి. మిల్లెట్స్ లోని పోషకాలు రుతువిరతి తర్వాత గుండె జబ్బులతో పోరాడటానికి మహిళలకు సహాయపడతాయి. అధిక రక్తపోటు, కొలెస్ట్రాల్ స్థాయిని కూడా నియంత్రిస్తుంది. పిత్తాశయ రాళ్లతో బాధపడే వారు కూడా దాని నుండి ప్రయోజనం పొందాలి. మిల్లెట్లలో ఫైబర్ ఫుష్కలంగా ఉంటుంది. ఇది ఆరోగ్యకరమైన జీర్ణక్రియను ప్రోత్సహిస్తుంది. చిరుధాన్యాలు మలబద్దకాన్ని నివారిస్తాయి. డయాబెటిస్ ను అదుపులో ఉంచుతాయి. ఇది రక్తంలో చక్కెర స్థాయిలను నియంత్రించడంలో, మధుమేహాన్ని నియంత్రించడంలో సహాయపడుతుంది. మిల్లెట్లలో యాంటీఆక్సిడెంట్లు, పైబర్ పుష్కలంగా ఉంటాయి.

ఇది కొలెస్ట్రాల్ స్థాయిలను తగ్గించడంలో, గుండె ఆరోగ్యాన్ని మెరుగుపరచడంలో సహాయపడుతుంది. చిరుధాన్యాల్లో గ్లూటెన్ ఉండదు. ఉదరకుహర వ్యాధి ఉన్నవారికి అద్భుతమైన ఎంపికగా ఉంటాయి. మిల్లెట్లలో కేలరీలు తక్కువగా ఉంటాయి. ఫైబర్ ఎక్కువగా ఉంటుంది. ఆరోగ్యకరమైన బరువును మెయింటైన్ చేయడంలో సహాయపడతాయి. కాగా వేసవిలో చిరుధాన్యాలు చెడిపోకుండా, కలుషితం కాకుండా సూర్యరశ్మి తగలని చోట నిల్వ చేయాలి. చల్లని, పొడి ప్రదేశంలో చిరుధాన్యాలను నిల్వ చేయాలి. చిరుధాన్యాల్లో ఫైబర్ ఎక్కువగా ఉంటుంది. వాటిని తీసుకోవడం వల్ల శరీరంలో నీటి శోషణ పెరుగుతుంది. డీహైడ్రేషన్ కు గురికాకుండా ఉండాలంటే పుష్కలంగా నీరు తాగాలి. అదేవిధంగా వేసవిలో చిరుధాన్యాలను ఎక్కువ పరిమాణంలో తీసుకోవడం వల్ల బరువు లేదా అసౌకర్యంగా అనిపిస్తుంది. చిరుధాన్యాలను మితంగా తీసుకోవాలి. అలాగే ఇతర ఆహారాలతో కలిపి తీసుకోవాలని వైద్యులు సూచిస్తున్నారు.