Potato: బంగాళదుంపలు ఎక్కువగా తింటే ఏం జరుగుతుందో తెలుసా?

Potato

ఆలుగడ్డలు.. వీటిని బంగాళదుంపలు ఉర్లగడ్డలు అని కూడా పిలుస్తూ ఉంటారు. ఒక్కొక్క ప్రదేశంలో ఒక్కొక్క పేరుతో పిలుస్తుంటారు. ఇకపోతే చాలామంది వీటిని తినడానికి ఎక్కువగా ఇష్టపడుతూ ఉంటారు. ప్రత్యేకించి వీటితో తయారు చేసిన స్నాక్ ఐటమ్స్ ని, కర్రీలను ఎక్కువగా తినడానికి ఇష్టపడుతూ ఉంటారు. అయితే బంగాళదుంపలు తినడం మంచిదే కానీ అలా అని ఎక్కువగా తింటే మాత్రం సమస్యలు తప్పవు అని చెబుతున్నారు. బంగాళదుంపలు ఎక్కువగా తింటే అనారోగ్య సమస్యలు ఎదుర్కోవాల్సి వస్తుందట. మరి ఎలాంటి సమస్యలు వస్తాయో ఇప్పుడు మనం తెలుసుకుందాం..

వీటిలో పిండి పదార్థాలు, కార్భోహైడ్రేట్లు ఎక్కువ మొత్తంలో ఉంటాయట. ఎక్కువ మొత్తంలో బంగాళాదుంపలను తినడం వల్ల అదనపు కొవ్వులు లేదా నూనెలతో తయారు చేసిన వాటిని తినడం వల్ల మీరు బరువు పెరిగే అవకాశం ఉందని చెబుతున్నారు. ఆలు గడ్డల్లో గ్లైసెమిక్ ఇండెక్స్ ఎక్కువగా ఉంటుంది. అంటే వీటిని ఎక్కువగా తింటే మీ రక్తంలో చక్కెర స్థాయిలు పెరిగే అవకాశం కూడా ఉంది. అందుకే డయాబెటీస్ పేషెంట్లు వీటిని ఎక్కువగా తినడం మంచిది కాదని చెబుతున్నారు. బంగాళాదుంపలను ఎక్కువగా తినడం వల్ల దాని తొక్కతో సహా తింటే మీలో ఫైబర్ కంటెంట్ ఎక్కువ కావచ్చు.

ఫైబర్ ను ఎక్కువగా తీసుకోవడం వల్ల గ్యాస్, కడుపు ఉబ్బరం, విరేచనాలతో సహా జీర్ణ సమస్యలు వస్తాయట. బంగాళాదుంపలను ఎక్కువ మొత్తంలో తీసుకోవడం వల్ల ముఖ్యంగా డీప్ ఫ్రైడ్ లేదా అనారోగ్యకరమైన కొవ్వులతో తయారు చేసిన వాటిని తింటే గుండె జబ్బులు, ఊబకాయం వంటి దీర్ఘకాలిక వ్యాధులు వచ్చే ప్రమాదం పెరుగుతుందని ఆరోగ్య నిపుణులు చెబుతున్నారు. కేవలం బంగాళాదుంపల ద్వారానే రోజువారి కేలరీలను తీసుకుంటే మీలో పోషకాలు లోపించే అవకాశం ఉంది. బంగాళాదుంపల్లో పొటాషియం, విటమిన్ సి వంటి ముఖ్యమైన పోషకాలను అందిస్తుంది. కానీ వీటిలో ప్రోటీన్, ఆరోగ్యకరమైన కొవ్వులు, విటమిన్లు, ఖనిజాలు వంటి సమతుల్య ఆహారంలో ఉండే ఇతర ముఖ్యమైన పోషకాలు ఉండకపోవచ్చని చెబుతున్నారు.

Follow us