Chapathi-Ghee: మీకు కూడా చపాతీలపై నెయ్యి వేసుకుని తినే అలవాటు ఉందా.. అయితే ఇది కచ్చితంగా తెలుసుకోవాల్సిందే!

నెయ్యి వల్ల ఎన్ని రకాల ప్రయోజనాలు ఉన్నాయి అన్న విషయం మనందరికి తెలిసిందే. నెయ్యి ఆరోగ్యానికి ఎంతో మేలు చేస్తుంది. నెయ్యి తరచుగా తినడం వల్ల యా అనేక లాభాలను పొందడంతో పాటు ఎన్నో రకాల సమస్యల నుంచి కూడా బయటపడవచ్చు అని చెబుతున్నారు. ప్రతిరోజు ఒక టీ స్పూన్ నెయ్యి తినడం వల్ల ఎన్నో రోగాలు దూరంగా ఉంటాయి. ఇకపోతే చాలామందికి అన్నం లోకి అలాగే చపాతిలోకి దోశలోకి నెయ్యి వేసుకుని తినే అలవాటు ఉంటుంది. కొంతమంది చపాతీలోకి నెయ్యి వేసుకొని కూడా తింటూ ఉంటారు.

నెయ్యి చపాతీని మెత్తగా చేయడమే కాకుండా మనకు ఎన్నో ఆరోగ్య ప్రయోజనాలను కూడా కలిగిస్తుందట. నెయ్యిలో విటమిన్లు, ఖనిజాలు, యాంటీ ఆక్సిడెంట్లు పుష్కలంగా ఉంటాయట. దీనిలో ఉండే ఆరోగ్యకరమైన కొవ్వులు మన ఎముకలను, కండరాలను ఆరోగ్యంగా ఉంచడానికి సహాయపడతాయట. అలాగే ఇవి జీర్ణక్రియను మెరుగుపరచడానికి కూడా సహాయపడతాయట. నెయ్యిలో ఒమేగా 3 ఫ్యాటీ యాసిడ్స్, విటమిన్ ఎ, విటమిన్ డి, విటమిన్ ఇ, విటమిన్ కె లు పుష్కలంగా ఉంటాయట. ఇవి మన శరీరాన్ని ఆరోగ్యంగా ఉంచతాయట. అసలు చపాతీపై నెయ్యిని వేసుకుని తినడం వల్ల ఏం జరుగుతుందో ఇప్పుడు మనం తెలుసుకుందాం..

రోటీ లేదా చపాతీలో కొద్ది మొత్తంలో పిండి పదార్థాలు ఉంటాయట. ఇవి రక్తంలో చక్కెర స్థాయిలను పెంచుతుందట. కానీ నెయ్యిలో ఉండే ప్రోటీన్లు, ఆరోగ్యకరమైన కొవ్వులు రక్తంలో చక్కెర స్థాయిలను పెంచకుండా చేయడానికి సహాయపడతాయట. అందుకే మధుమేహులు చపాతీలో నెయ్యిని వేసుకుని తినాలని వైద్యులు చెబుతున్నారు. గోధుమ పిండిలో ఉన్న కొవ్వులో కరిగే విటమిన్లు, ఖనిజాలను బాగా గ్రహించడానికి నెయ్యి బాగా సహాయపడుతుందట. అందుకే చపాతీ పై నెయ్యిని వేసుకుని తినాలని చెబుతున్నారు. అదేవిధంగా బరువు తగ్గాలనుకునే వారికి నెయ్యిని ఆహారంలో చేర్చుకోవడం కూడా చాలా ప్రయోజనకరంగా ఉంటుందట. చపాతీపై నెయ్యి వేసుకుని తింటే ఆరోగ్యంగా బరువు తగ్గుతారట. ఇందుకోసం చపాతీపై నెయ్యిని రాసుకుని తినాలని చెబుతున్నారు.