Female Infertility: స్త్రీలలో వంధ్యత్వానికి ప్రధాన కారణాలివే
వంధ్యత్వం (Infertility) అనేది ప్రపంచ సమస్య. వాస్తవానికి వంధ్యత్వానికి ఏ ఒక్కరూ పూర్తి బాధ్యులు కాదు. దీనికి 40% మేర పురుషులు కారణం అవుతుండగా.. 40% మేర స్త్రీలు, మిగితా 20% మేర ఇద్దరూ సమానంగా కారణం అవుతున్నారు. కాబట్టి వంధ్యత్వం అనేది ఏ ఒక్కరి వల్లో రాదని గుర్తుంచుకోవాలి.
- By Hashtag U Published Date - 04:45 PM, Sun - 22 January 23
వంధ్యత్వం (Infertility) అనేది ప్రపంచ సమస్య. వాస్తవానికి వంధ్యత్వానికి ఏ ఒక్కరూ పూర్తి బాధ్యులు కాదు. దీనికి 40% మేర పురుషులు కారణం అవుతుండగా.. 40% మేర స్త్రీలు, మిగితా 20% మేర ఇద్దరూ సమానంగా కారణం అవుతున్నారు. కాబట్టి వంధ్యత్వం అనేది ఏ ఒక్కరి వల్లో రాదని గుర్తుంచుకోవాలి. దీనికి సంబంధించి స్త్రీ లేదా పురుషుడు ఎవరిపైనా నింద మోపడం సరికాదు. “మదర్స్ ల్యాప్ IVF సెంటర్” న్యూ ఢిల్లీ నుండి మెడికల్ డైరెక్టర్ ,ఇన్ఫెర్టిలిటీ స్పెషలిస్ట్ డాక్టర్ శోభా గుప్తా ఈవిషయాన్ని చెప్పారు. మన దేశంలోని మహిళల్లో కొందరికి వంధ్యత్వం రిస్క్ ను తెస్తున్న కొన్ని అంశాలను ఆమె వివరించారు. అవేంటో ఇప్పుడు చూద్దాం..
ఎండోమెట్రియోసిస్
ప్రధానంగా 25 మరియు 40 సంవత్సరాల వయస్సు గల యువతులలో ఎండోమెట్రియోసిస్ కనిపిస్తుంది. సాధారణంగా గర్భాశయం లోపలి భాగంలో ఎండోమెట్రియం ఉంటుంది. అయితే అది అండాశయాలు, యోని పైభాగంలో కనిపిస్తే ఎండోమెట్రియోసిస్ సమస్య వచ్చినట్టు. ఇది అంతర్గత మచ్చలు, నడుము నొప్పి, బాధాకరమైన పీరియడ్స్, బాధాకరమైన సంభోగం వంటి వాటికి దారి తీస్తుంది. వెరసి వంధ్యత్వానికి కారణమయ్యే దీర్ఘకాలిక శోథ ప్రతిచర్యను ప్రేరేపిస్తుంది.
ఫైబ్రాయిడ్స్: స్త్రీలలో ఫైబ్రాయిడ్లు సర్వసాధారణం. కొందరికి చాలా కాలం పాటు ఫైబ్రాయిడ్లు అనేక కణితులుగా ఉంటాయి. అయితే బయటికి లక్షణాలను చూపించవు. ఫైబ్రాయిడ్ కణితులలో కొన్ని క్యాన్సర్ గడ్డలుగా కూడా మారుతయి. డెలివరీ టైంలో మహిళల్లో తొలగించబడిన 1,000 ఫైబ్రాయిడ్లలో 1 క్యాన్సర్ సంకేతాలను చూపుతుంటుంది.
థైరాయిడ్: ఇండియన్ థైరాయిడ్ సొసైటీ ప్రకారం.. PMS ఉన్న మహిళల్లో 70% మంది థైరాయిడ్ గ్రంధికి సంబంధించిన సమస్యను కలిగి ఉంటారు. బహుశా ఇది కూడా వంధ్యత్వానికి ఒక కారణమై ఉండొచ్చు. థైరాయిడ్ హార్మోన్లు సెల్యులార్ ప్రక్రియలను నియంత్రిస్తాయి. కాబట్టి అండోత్సర్గము, సంతానోత్పత్తి కూడా అసాధారణ థైరాయిడ్ పనితీరు వల్ల ప్రభావితమవుతాయి.
ఫెలోపియన్ ట్యూబ్లో అడ్డంకులు: అండాలు , స్పెర్మ్లను ప్రసారం చేయడానికి ఫెలోపియన్ ట్యూబ్లు అవసరం. ఒక ప్రాంతంలో లేదా బహుశా ప్రతి వైపు ట్యూబ్ అడ్డుపడినప్పుడు సహజ గర్భధారణ సాధ్యం కాదు. లైంగికంగా సంక్రమించే అంటువ్యాధుల కారణంగా కొంతమందికి ఈ అడ్డంకి ఏర్పడుతుంటుంది.
పెల్విక్ ఇన్ఫ్లమేటరీ డిసీజ్ (PID): దీనికి సకాలంలో చికిత్స చేయకుండా వదిలేస్తే అది వంధ్యత్వానికి దారి తీస్తుంది. PID ఉన్న ప్రతి పది మంది మహిళల్లో ఒకరు వంధ్యత్వానికి గురవుతారని అంచనా వేయబడింది .
పాలీసిస్టిక్ ఓవరీ సిండ్రోమ్ (PCOS): పాలిసిస్టిక్ అండాశయాలు 8 మిమీ పరిమాణంలో చాలా హానిచేయని తిత్తులను కలిగి ఉంటాయి. తరచుగా PCOS సమస్యతో బాధపడే వారిలో పాలిసిస్టిక్ అండాశయాలు అండాలను విడుదల చేయలేవు. అంటే అండోత్సర్గము జరగదు. ఫలితంగా వంధ్యత్వం చుట్టుముట్టే ముప్పు ఉంటుంది.
మద్యపానం, ధూమపానం: ఈ కారణాలు కూడా స్త్రీలలో సంతానోత్పత్తిని నెగెటివ్ గా ప్రభావితం చేస్తాయి.
Related News
Iron: ఐరన్ వల్ల ఇన్ని ఆరోగ్య ప్రయోజనాలున్నాయా.. తెలుసుకుంటే మిస్ అవ్వరు
Iron: ఇనుము శరీరానికి రక్షణ కవచంగా పరిగణించబడుతుంది. ఇది శరీరానికి బలాన్ని ఇస్తుంది. అనేక వ్యాధుల నుండి రక్షిస్తుంది. ఎర్ర రక్త కణాలలో కనిపించే హిమోగ్లోబిన్లో ఇనుము ఒక ముఖ్యమైన భాగం. హిమోగ్లోబిన్ ఊపిరితిత్తుల నుండి ఇతర అవయవాలకు ఆక్సిజన్ను రవాణా చేయడం. అటువంటి పరిస్థితిలో, ఇనుము లోపం ఉంటే, మొత్తం వ్యవస్థ కదిలిస్తుంది. ఐరన్ కూడా రోగనిరోధక శక్తిని పెంచుతుంది కాబట్టి, దాన�