Dragon Fruit Benefits: డ్రాగన్ ఫ్రూట్ తో ఆరోగ్య లాభాలెన్నో.. ప్రయోజనాలు కూడా..!
డ్రాగన్ ఫ్రూట్ మొక్కను హైలోసెరియస్ కాక్టస్ అని అంటారు. ఈ పండు పువ్వులు కేవలం రాత్రి పూటనే పూస్తాయి. ఈ పండును పిటాయా, పిటాహయ అని కూడా పిలుస్తారు.
- By Gopichand Published Date - 08:30 AM, Mon - 17 October 22
డ్రాగన్ ఫ్రూట్ మొక్కను హైలోసెరియస్ కాక్టస్ అని అంటారు. ఈ పండు పువ్వులు కేవలం రాత్రి పూటనే పూస్తాయి. ఈ పండును పిటాయా, పిటాహయ అని కూడా పిలుస్తారు. ఈ పండు ఆకారం డ్రాగన్ మాదిరిగా ఉందని డ్రాగన్ ఫ్రూట్ అని పిలుస్తున్నారు. గడిచిన కొన్ని సంవత్సరాల నుంచి ఈ పండు క్రేజ్ బాగా పెరిగిపోయింది. ఈ పండు ఎక్సోటిక్ గా ఉన్నా ప్రస్తుతం ఇది ప్రపంచం మొత్తంలో అన్ని ప్రదేశాలలో దొరుకుతుంది.
ఈ పండులో ప్రస్తుతం రెండు రకాలు ఉన్నాయి. మొదటిది ఎర్ర తోలు కలిగి, లోపలి భాగంలో మాత్రం తెల్లని గుజ్జు, నల్ల గింజలు ఉంటాయి. వీటిలోనే కొన్ని ఎర్ర గుజ్జు, నల్లని విత్తనాలు కలిగి ఉంటాయి. ఇక రెండో వెరైటీలో పండు పైభాగం పసుపు రంగులో, పండు లోపలి గుజ్జు తెల్లగా, నల్లని విత్తనాలు ఉంటాయి. డ్రాగన్ ఫ్రూట్ ఎక్కువగా అమెరికా, ఆస్ట్రేలియాలలో పండుతుంది. డ్రాగన్ ఫ్రూట్ తినడం వల్ల మనకు ఎలాంటి లాభాలు కలుగుతాయో తెలుసుకుందాం.
డ్రాగన్ ఫ్రూట్ లో మంచి పోషక విలువలు ఉంటాయి. డ్రాగన్ ఫ్రూట్ బ్లడ్ షుగర్ లెవెల్స్ లను తగ్గించటంలో సహాయపడుతుంది. డ్రాగన్ ఫ్రూట్లో ఫైబర్ పుష్కలంగా ఉంటుంది. ఇది జీర్ణ సమస్యలను పోగొడుతుంది. గ్యాస్, అసిడిటీ, మలబద్దకం తగ్గుతాయి. తిన్న ఆహారం సరిగ్గా జీర్ణమవుతుంది. డ్రాగన్ ఫ్రూట్స్ తినడం వల్ల శరీరంలో ఉన్న చెడు కొలెస్ట్రాల్ పోతుంది. మంచి కొలెస్ట్రాల్ పెరుగుతుంది. అధిక బరువు తగ్గుతారు. గుండె సమస్యలు రాకుండా ఉంటాయి. వీటిల్లో ఉండే ఒమెగా 3 ఫ్యాటీ యాసిడ్లు గుండె ఆరోగ్యానికి మేలు చేస్తాయి. డ్రాగన్ ఫ్రూట్లో యాంటీ ఆక్సిడెంట్లు కూడా సమృద్ధిగానే ఉంటాయి. ఇవి శరీర రోగ నిరోధక వ్యవస్థను పటిష్టం చేస్తాయి. ఇన్ఫెక్షన్ల నుంచి మనల్ని రక్షిస్తాయి. క్యాన్సర్ కణాలను నాశనం చేస్తాయి. దీంతో క్యాన్సర్ వ్యాధుల బారిన పడకుండా జాగ్రత్తగా ఉండవచ్చు. మన శరీరంలో ఐరన్ స్థాయిని పెంచటంలో సహాయపడుతుంది.
ఎముకల ఆరోగ్యానికి సహాయపడుతుంది. డ్రాగన్ ఫ్రూట్లో విటమిన్ సి కూడా ఎక్కువగా ఉంటుంది. ఇది శరీర రోగ నిరోధక వ్యవస్థను మెరుగు పరుస్తుంది. దంతాలు, చిగుళ్ల సమస్యలు పోతాయి. శ్వాసకోశ సమస్యల నుంచి ఉపశమనం లభిస్తుంది. డ్రాగన్ ఫ్రూట్ వల్ల చర్మం కాంతివంతంగా, మృదువుగా మారుతుంది. దీంతో వృద్ధాప్య ఛాయలు అంత త్వరగా రావు.రక్త సరఫరా మెరుగుపడుతుంది. బీపీ కంట్రోల్ అవుతుంది. హార్ట్ సమస్యలు, హార్ట్ ఎటాక్లు, స్ట్రోక్స్ రాకుండా ఉంటాయి.
Related News
Ayushman Bharat Card: మీకు ఆయుష్మాన్ భారత్ కార్డు ఉందా..? లేకుంటే దరఖాస్తు చేసుకోండిలా..!
ఈ పథకం కింద ప్రజలు క్యాన్సర్, కిడ్నీ, గుండె, డెంగ్యూ, మలేరియా డయాలసిస్, మోకాలు, తుంటి మార్పిడి వంటి అనేక వ్యాధులకు ప్రభుత్వ, ప్రభుత్వేతర ఆసుపత్రులలో ఉచితంగా చికిత్స పొందవచ్చు.