Vasthu Tips: ఈ వస్తువులు మీ ఇంట్లో ఆ దిశలో పెడితే చాలు.. కాసుల వర్షం కురవాల్సిందే!

వాస్తు శాస్త్రంలో దిశలను ముఖ్యమైన వాటిగా పరిగణిస్తూ ఉంటారు. ముఖ్యంగా చాలా మంది వాస్తు ప్రకారంగా ఏవైనా పనులు చేసేటప్పుడు దిశలను తప్పనిసరిగా గుర్తుంచుకుంటూ ఉంటారు. అలాగే వాస్తు ప్రకారంగా మన ఇంట్లో కొన్ని రకాల వస్తువులను సరైన దిశలో అమర్చడం వల్ల అంతా మంచి జరుగుతుందని ముఖ్యంగా ఉత్తర దిశలో కొన్ని వస్తువులను పెడితే డబ్బుకు లోటు ఉండదు అంటున్నారు పండితులు. మరి ఉత్తర దిశలో ఎలాంటి వస్తువులు పెట్టాలి అన్న విషయానికి వస్తే.. వాస్తు శాస్త్రంలో ఉత్తరదిశను ఎంతో పవిత్రంగా భావిస్తారు.

వాస్తు శాస్త్రం ప్రకారం ఉత్తర దిశను సానుకూల శక్తికి ప్రవేశ ద్వారంగా భావిస్తారు. అంతేకాదు ఈ దిశను దేవతల దిశ అని కూడా పిలుస్తుంటారు. ఈ దిశలో సంపదకు అధిపతి అయిన కుబేరుడు నివసిస్తుంటారని చెబుతుంటారు. అలాగే ఈ దిశను లక్ష్మీదేవి ఆవాసంగా కూడా భావిస్తారు. డబ్బులు, నగల లాకర్ లు ఉత్తర దిశలోనే ఉండాలని వాస్తు శాస్త్రం చెబుతోంది. ఈ దిశ కుబేరుడు, లక్ష్మీదేవి అనుగ్రహాన్ని మీకు కలిగిస్తుంది. అందుకే ఈ దిశలోనే లక్ష్మీదేవి విగ్రహాన్ని లేదా చిత్రాన్ని ప్రతిష్ఠించి పూజ చేయాలి. ఇలా చేయడం వల్ల లక్ష్మీదేవి సంతోషంగా ఉంటుంది. అలాగే వీరు ఎలాంటి ఆర్థిక ఇబ్బందులను ఎదుర్కోరని జ్యోతిష్యులు చెబుతున్నారు.

మనీ ప్లాంట్ మొక్క గురించి మనందరికీ తెలిసిందే. ఇంట్లో మనీ ప్లాంట్ ను పెంచడం వల్ల సంపదకు ఎలాంటి కొదవ ఉండదని, సంపద మరింత పెరుగుతుందని నమ్ముతారు. అలాగే సనాతన ధర్మంలో పవిత్రంగా భావించే తులసిని ఉత్తర దిశలో ఉంచడం వల్ల కూడా ప్రయోజనకరంగా ఉంటుందని జ్యోతిష్యులు చెబుతున్నారు. వాస్తు ప్రకారం ఇంటి వంటగది కూడా ఉత్తర దిశలోనే ఉంచాలి. వంటగది ఈ దిశలో ఉండటం వల్ల మీకు ఆహార కొరత అనేదే ఉండదట. అలాగే మీ ఇంటి వంటగది ఉత్తర దిశలోని గోడలకు లేత నీలం రంగును వేయాలని చెబుతున్నారు.