Vastu Tips: వాస్తు దోషాలు తొలగి అదృష్టం కలిసిరావాలంటే ఈ బొమ్మ మీ ఇంట్లో ఉండాల్సిందే?

ప్రస్తుత రోజుల్లో వాస్తు శాస్త్రాన్ని నమ్మే వారి సంఖ్య అంతకంతకూ పెరుగుతూనే ఉంది. అయితే వాస్తు విషయంలో విషయంలో ఒక్కొక్కరిదీ ఒక్కో సెంటిమెంట్. చాలామంది వాస్తు విషయంలో ప్రత్యేకంగా శ్రద్ధ వహిస్తూ ఉంటారు. అటువంటి వారు ఇంట్లో అడుగడుగునా ఎక్కడ ఏం ఉండాలి, ఏం ఉండకూడదనే అని సందేహ పడుతూ ఉంటారు. ఇలాంటి వాటిలో ఇంట్లో తాబేలు పెట్టుకోవడం కూడా ఒకటి. తాబేలు ఇంట్లో ఉంటే వాస్తు దోషాలు తొలగిపోతాయని విశ్వసిస్తారు.

వాస్తుశాస్త్రం ప్రకారం తాబేలు ఇంట్లోకి ప్రవేశిస్తే వాస్తు దోషాలు తొలగిపోతాయని నిపుణులు చెబుతూ ఉంటారు. చైనా వాస్తు అని పిలిచే ఫెంగ్‌షుయ్ పద్ధతిలో తాబేలు ఎలా తన ఐదు అవయవాలను ఎలా అయితే లోపలికీ లాక్కొని శత్రువుల నుంచి తనను తాను రక్షించుకుంటుందో అదేవిధంగా వాస్తు శాస్త్రం ప్రకారం తాబేలు ఇంటే ఉంటే ఎలాంటి సమస్యల నుంచైనా రక్షిస్తుందని చెబుతారు. మరి ముఖ్యంగా సంపద, ఆయుష్షు, శుభాలకు సంకేతంగా చెబుతారు. లోహంతో తయారు చేసిన తాబేలును నీటితో నింపిన పాత్రలో ఉంచి ఇంట్లో ఉత్తరదిశలో లేదంటే ఉత్తర దిశ బెడ్ రూమ్ లో ఉంచాలి.

ఇలా చేయడం వల్ల శత్రువుల నుంచి విముక్తి లభిస్తుంది. అలాగే ఆదాయం పెరుగుతుంది. ఆరోగ్య పరంగా అనుకూలంగా ఉంటుంది. దిష్టి కూడా తొలగిపోతుంది. స్పటికంతో తయారు చేసిన తాబేలును ఇంట్లో ఉంచితే సంతోషం వెల్లివిరుస్తుంది
తాబేలుని తూర్పు దిశలో ఉంచితే అశాంతి, సమస్యలు తొలగిపోతాయి. బొమ్మ తాబేలు మాత్రమే కాదు బతికున్న తాబేలుని తీసుకొచ్చి అక్వేరియంలో పెట్టొచ్చు. వాస్తురీత్యా ఉత్తర దిక్కు బుధుడికి చెందినది. ఉత్తరం కుబేర స్థానంగా భావిస్తారు. జ్యోతిష్య శాస్త్రం ప్రకారం బుధుడికి అదిదేవుడు విష్ణువు. తాబేలుని నీటిలో ఉంచి ఉత్తర దిక్కువైపు ఉంచడం వల్ల బుధగ్రహ దోషాలు తొలగిపోతాయి. తాబేలు ఉన్న ఇంట్లో ఉంటే పిల్లల్లో జ్ఞానసంపద పెరుగుతుందని విశ్వసిస్తారు. ముఖ్యంగా ఇంట్లో వాస్తుదోషాలు ఏమైనా ఉంటే వాటికి తాబేలు ఉపశమనం లభిస్తుంది. ఆర్థిక సమస్యలు పరిష్కారం అవుతాయి.