2026లో వృశ్చికరాశి జాతకంలో చేయాల్సిన పరిహారాలు ఇవే !

Vrishchika

జ్యోతిష్యం ప్రకారం, వృశ్చిక రాశి వారికి అంగారకుడు అధిపతిగా ఉంటాడు. కుజుడి ప్రభావంతో ఈ రాశి వారికి ధైర్యం, కోపం చాలా ఎక్కువగా ఉంటాయి. ఈ కారణంగా వీరు అద్భుతమైన నాయకత్వ సామర్థ్యాలను కలిగి ఉంటారు. ఇదిలా ఉండగా కొత్త ఏడాది ప్రారంభంలో వృశ్చిక రాశి నుంచి కుజుడు రెండో ఇంట్లో, రాహువు నాలుగో స్థానంలో, శని పంచమ స్థానంలో, గురుడు మొదటి, అష్టమ స్థానంలో జూన్ 2న తొమ్మిదో స్థానంలో సంచారం చేయనున్నాడు. కేతువు దశమ స్థానంలో సంచారం చేయనున్నాడు. కుజుడు జనవరి 16 నుంచి ఫిబ్రవరి 24వ తేదీ వరకు మూడో స్థానంలో సంచారం చేయనున్నాడు. ఈ సమయంలో వృశ్చిక రాశి వారికి శుభప్రదమైన ఫలితాలు రానున్నాయి. కెరీర్ పరంగా ఊహించని విధంగా ప్రయోజనాలు కలగనున్నాయి. ఉద్యోగులకు ప్రమోషన్లు లభించే అవకాశం ఉంది. ఈ సందర్భంగా కెరీర్, వ్యాపారం, కుటుంబం, ఆరోగ్యం, ఆర్థిక పరంగా 2026 సంవత్సరంలో ఎలాంటి ఫలితాలు రానున్నాయో ఇప్పుడు తెలుసుకుందాం…

ఆర్థిక పరిస్థితి..

వృశ్చిక రాశి వారికి కొత్త ఏడాది 2026లో ఆర్థిక పరంగా అద్భుతమైన ప్రయోజనాలు కలగనున్నాయి. ఈ రాశి నుంచి గురుడు పంచమ స్థానంలో సంచారం చేసే సమయంలో ఆకస్మిక ధన లాభం కలగనుంది. ఈ కాలంలో మీ ఆదాయం పెరిగే అవకాశం ఉంది. రాహువు అష్టమ స్థానం నుంచి సంచారం చేసే సమయంలో మీకు రావాల్సిన బకాయిలు తిరిగి పొందే అవకాశం ఉంది. అయితే రాహువు, కేతువు ప్రభావంతో అనవసరమైన ఖర్చులు పెరగొచ్చు. అయితే ఓపికతో, సరైన ప్రణాళికతో పెట్టుబడి పెట్టడం వల్ల మీ ఆదాయం పెరుగుతుంది. ఈ సమయంలో మీరు దానధర్మాలు, మతపరమైన కార్యకలాపాలపై ఎక్కువగా ఖర్చు చేస్తారు.

కెరీర్ పరంగా..

కొత్త ఏడాది 2026లో వృశ్చిక రాశి వారికి కెరీర్ పరంగా శుభ ఫలితాలు రానున్నాయి. ఈ రాశి నుంచి సూర్యుడు దశమ స్థానంలో సంచారం చేసే సమయంలో కెరీర్ పరంగా మంచి పురోగతి లభిస్తుంది. ఉద్యోగులకు ప్రమోషన్ లభించే అవకాశం ఉంది. ప్రభుత్వం, రాజకీయ రంగాల్లో ఉండే వారికి ఉన్నత పదవులు లభించే అవకాశం ఉంది. జూన్ 2 నుంచి అక్టోబర్ 31వ తేదీ వరకు గురుడు ఉన్నత స్థానంలో ఉండటం వల్ల అద్భుత ప్రయోజనాలు కలగనున్నాయి. రాహువు అనుగ్రహంతో కెరీర్‌కు సంబంధించిన విషయాలలో శుభప్రదంగా ఉంటుంది. అయితే కొన్ని విషయాల్లో గోప్యత పాటించాలని గుర్తుంచుకోండి. లేదంటే కార్యాలయంలో ఉద్యోగులకు ఇబ్బందులు ఎదురుకావొచ్చు.

వ్యాపార పరంగా..

వృశ్చిక రాశి వారికి కొత్త ఏడాది 2026లో వ్యాపార రంగంలో శుభ ఫలితాలు రానున్నాయి. ఈ కాలంలో మీ కష్టానికి తగిన ఫలితాలు రానున్నాయి. రియల్ ఎస్టేట్ రంగాల్లో ఉండే వ్యక్తులకు అద్భుతమైన ఫలితాలు రానున్నాయి. ఏప్రిల్ నుంచి జూన్ వరకు సమయం అనుకూలంగా ఉంటుంది. మీరు ఊహించిన విధంగా లాభాలు రానున్నాయి.

విద్యా జీవితంలో..

వృశ్చిక రాశి వారికి కొత్త ఏడాది 2026లో విద్యా రంగంలో అనేక ప్రయోజనాలు కలగనున్నాయి. మరోవైపు బుధుడు, గురుడి ప్రభావంతో మీ తెలివితేటలు, అభ్యాస సామర్థ్యం పెరుగుతాయి. దీంతో మీరు పోటీ పరీక్షల్లో రాణిస్తారు. జనవరి 16 నుంచి ఫిబ్రవరి 24వ తేదీ వరకు కుజుడు ఉచ్ఛ స్థితిలో మూడో స్థానంలో సంచారం చేసే సమయంలో విద్యార్థులకు గొప్ప విజయాలు దక్కే అవకాశం ఉంది. అంతేకాదు ఏప్రిల్ 3 నుంచి మే 10వరకు కుజుడు పంచమ స్థానంలో సంచారం చేసే సమయంలో మీరు ఉన్నత విద్యను పొందడంలో విజయం సాధిస్తారు. దీంతో పాటు ఉద్యోగ పరీక్షల్లోనూ మంచి విజయం సాధిస్తారు. ఈ కాలంలో మీరు కష్టపడి పనిచేస్తారు. మీరు చాలా క్రమశిక్షణతో ఉంటారు.

ఆరోగ్య పరంగా..
వృశ్చిక రాశి వారికి కొత్త ఏడాది 2026లో ఆరోగ్య పరంగా అనుకూలంగా ఉంటుంది. కుజుడి ప్రభావంతో మీ శక్తి, సామర్థ్యాలు పెరుగుతాయి. అయితే కుజుడు, రాహువు సంచారం చేసే సమయంలో మీ ఆరోగ్యంపై ప్రత్యేక శ్రద్ధ వహించాలి. ఏప్రిల్ 3 నుంచి జూన్ 20వ తేదీ వరకు కోపం, ఒత్తిడి ఆరోగ్యంపై ప్రతికూల ప్రభావాన్ని చూపుతాయి. రాహువు అష్టమ స్థానంలో సంచారం చేసే సమయంలో ఆకస్మిక ఆరోగ్య సమస్యలను కలిగిస్తుంది. క్రమం తప్పకుండా వ్యాయామం చేస్తూ, మానసిక ప్రశాంతతను కాపాడుకోవడం చాలా అవసరం. ముఖ్యంగా శీతాకాలంలో రక్తపోటు, చక్కెర, కొలెస్ట్రాల్, బరువు చూసుకోవడం చాలా ముఖ్యం.

వివాహం, ప్రేమ జీవితంలో..

వృశ్చిక రాశి వారికి 2026 ఆంగ్ల నూతన సంవత్సరంలో ప్రేమ, వైవాహిక జీవితంలో సంతోషంగా ఉంటుంది. ఈ రాశి నుంచి పంచమ స్థానంలో గురుడు సంచారం చేసే సమయంలో మీ పిల్లల వైపు నుంచి కొన్ని శుభవార్తలు వింటారు. మీ ప్రేమ జీవితంలో ఆనందంగా ఉంటుంది. అయితే శని దేవుని ప్రభావంతో మీ ప్రేమ సంబంధాలలో కొంత దూరం ఉండొచ్చు. అయితే జూన్ 2 తర్వాత గురుడు ఉచ్చ రాశి అయిన కర్కాటకంలో ప్రవేశించినప్పుడు మీ పరిస్థితులు మెరుగుపడతాయి. మీ కుటుంబ సంబంధాలలో గౌరవం లభిస్తుంది. మీ బంధువులతో సంబంధాలు మెరుగుపడతాయి. అయితే రాహువు, కేతువు ప్రభావంతో మీ సంబంధాల్లో కొన్ని ఇబ్బందులు ఎదురవుతాయి. కాబట్టి ఇలాంటి సమయాల్లో కొంత సంయమనం పాటించాలి.

ఏ పరిహారాలు పాటించాలంటే..

* వృశ్చికరాశి వారు కొత్త ఏడాదిలో ప్రతిరోజూ శివ నామస్మరణ చేయాలి.
* ప్రతిరోజూ లేదా ఆదివారం రోజున తప్పనిసరిగా సూర్య భగవానుడికి నీటిని అర్ఘ్యం సమర్పించాలి.
* మీ శక్తి సామర్థ్యాల మేరకు పేదలకు పాలు, చక్కెర దానం చేయాలి.
* మంగళవారం రోజున హనుమాన్ చాలీసా పఠించడం వల్ల శుభ ఫలితాలొస్తాయి.

Follow us