అమావాస్య రోజు వచ్చే సూర్య గ్రహణం లో పాటించాల్సిన జాగ్రత్తలు ఇవే..!
- Author : Vamsi Chowdary Korata
Date : 16-02-2026 - 3:35 IST
Published By : Hashtagu Telugu Desk
ఈ ఏడాదిలో రెండు సూర్య గ్రహణాలు, రెండు చంద్రగ్రహణాలు ఉన్నాయి. అయితే ఫిబ్రవరి 17వ తేదీ మంగళవారం రోజున తొలి సూర్యగ్రహణం 2026 సంభవించనుంది. అయితే ఈ సూర్య గ్రహణం మన భారతదేశంలో కనిపించదు కాబట్టి సూతక కాలం పాటించాల్సిన అవసరం లేదు. కానీ ఈ సూర్య గ్రహణం రోజే అంటే ఫిబ్రవరి 17వ తేదీ ఉదయం 9 గంటలకు చంద్రుడు కుంభ రాశిలోకి ప్రవేశించనున్నాడు. ఆ తర్వాత శతభిష నక్షత్రంలోకి సంచారం చేస్తాడట. దీని వల్ల కొన్ని రాశుల వారికి ఆర్థిక సమస్యలు, అనారోగ్య సమస్యలు సంభవించే అవకాశం ఉందట. ఈ నేపథ్యంలో సూర్య గ్రహణం 2026 సమయంలో ఎలాంటి విషయాలు పాటించాలో తెలుసుకుందాం..
ఈ ఏడాది ఫిబ్రవరి 17వ తేదీ మంగళవారం రోజు సంభవించేటువంటి తొలి సూర్య గ్రహణం 2026 (Surya Grahan) అనేది అమావాస్య మంగళవారంతోపాటు ధనిష్ఠ నక్షత్రంతో కూడిన ఈ సూర్య గ్రహణం ( Surya Grahan 2026 ) చాలా విశిష్టమైనదిగా పండితులు చెబుతున్నారు. ఈ దనిష్ఠ నక్షత్రంతో చంద్రుడితో పాటు రవి కూడా ఉన్నట్లువంటి సందర్భంగా ఏర్పడుతున్న సూర్య గ్రహణం (Solar Eclipse 2026). అయితే ఈ సూర్య గ్రహణం 2026 మన భారతదేశానికి కనిపించదు. కానీ ఈ గ్రహణం కుంభ రాశిలో ఏర్పడుతున్న కారణం చేత ప్రపంచవ్యాప్తంగా కొన్ని రాశుల వారిపై కొంత ప్రభావం చూపవచ్చు అని కూడా చెబుతున్నారు. అయితే ఈ సూర్య గ్రహణం 2026 + అమావాస్య రోజు ఏం చేయాలో ఇప్పుడు తెలుసుకుందాం..
సూర్య గ్రహణం 2026 + అమావాస్య రోజు..
సూర్య గ్రహణం, అమావాస్య, మంగళవారం రోజు రావడం ఎంతో విశేషమైనది. ఈరోజున ఇంట్లోనే ఉండి పూజలు, దానధర్మాలు చేయడం అత్యంత శ్రేష్ఠం. ఇక గ్రహణం ముగిసిన తర్వాత ఇల్లు శుభ్రం చేసుకుని ఇష్టదేవతారాధన చేయాలి. అనంతరం పితృతర్పణాలు విడవడం, ప్రత్యేక పూజలు ఆచరించడం శుభప్రదం. ఇక ఈ సూర్య గ్రహణం సమయంలో సూర్యుడికి నమస్కరించుకుని.. సూర్య మంత్రాలు పఠించడం లేదా ఓం నమః శివాయ అనే శివ పంచాక్షరీ మంత్రం లేదా విష్ణు సహస్రనామం, గాయత్రీ మంత్రం వంటివి పఠించడం ఎంతో మంచిది.
సూర్య గ్రహణం, అమావాస్య ఒకే రోజు వచ్చాయి కాబట్టి ఈరోజున కుదిరితే నదీ స్నానం చేయడం ఆ తర్వాత పితృదేవతలకు పిండ ప్రధానం చేయడం పుణ్యప్రదంగా చెబుతారు. పితృ కార్యాలు నిర్వహించడం వల్ల పితృ దేవతల ఆశీస్సులు పుష్కలంగా ఉండటమే కాకుండా కుటుంబ సుఖ సంతోషాలు ఉంటుందట. ఇక ఈ గ్రహణ సమయంలో జుట్టు కత్తిరించుకోవడం, నిద్రపోవడం, దంతాలు తోముకోవడం, సుఖభోగాల్లో పాల్లొనడం వంటివి చేయకూడదు. ఈరోజున పేదలకు, బ్రాహ్మణులకు వస్త్రదానం, అన్నదానం వంటివి చేయడం చాలా మంచిది. ఇలా చేయడం వల్ల దోషాలు తొలగిపోతాయని నమ్ముతారు.
ఇక ఈ గ్రహణం రోజు గర్భిణీ స్త్రీలు జాగ్రత్తగా ఉండాలని.. కత్తి, చాకు వంటి పదునైన వస్తువులకు దూరంగా ఉండాలని పెద్దలు చెబుతారు. భగవన్నామ స్మరణ చేయడం మంచిది. ముఖ్యంగా ఈ సూర్య గ్రహణం సమయంలో తులసి మొక్కకు దూరంగా ఉండాలి. గ్రహణం ముగిసిన తర్వాత తలస్నానం చేసి తులసి మొక్కకు నీళ్లు పోసి.. దీపం పెట్టడం ఎంతో శుభప్రదమని పండితులు చెబుతున్నారు.
Follow us
