Devshayani Ekadashi 2025 : యోగనిద్రలోకి శ్రీ విష్ణువు..ఎందుకు..? ప్రాముఖ్యత ఏంటి..?

దేవశయని ఏకాదశి (Devshayani Ekadashi) అనే పేరుతో ప్రాచీన హిందూ ధర్మంలో విశేష స్థానం ఉన్న ఈ రోజును ఆషాఢ మాసంలోని శుక్ల పక్ష ఏకాదశినాడు జరుపుకుంటారు. ఈ ఏడాది జూలై 6న దేవశయని ఏకాదశి వ్రతం ఆచరించనున్నారు. పంచాంగం ప్రకారం, జూలై 5న సాయంత్రం 6:58 నుండి ఏకాదశి తిథి ప్రారంభమై, జూలై 6 రాత్రి 9:14 నిమిషాల వరకు ఉంటుంది. ఉదయ తిథి నిబంధనల ప్రకారం జూలై 6న వ్రతాన్ని పాటిస్తారు. ఈ రోజు నుంచి శ్రీ మహావిష్ణువు యోగనిద్రలోకి వెళ్లతారని, క్షీరసాగరంలో విశ్రాంతి తీసుకుంటారని భక్తుల నమ్మకం.

Kavitha – KTR : కేటీఆర్ తో మీరు క్లోజ్ గా ఉంటారా..? కవిత చెప్పిన సమాధానం ఇదే !

దేవశయని ఏకాదశితో చాతుర్మాసం ప్రారంభమవుతుంది. ఇది నాలుగు నెలలు ఆషాఢ, శ్రావణ, భాద్రపద, ఆశ్వయుజ మాసాలు కొనసాగుతుంది. ఈ కాలాన్ని దేవతల విశ్రాంతి కాలంగా పరిగణిస్తారు. అందువల్ల ఈ సమయంలో వివాహాలు, గృహప్రవేశాలు, యజ్ఞాలు వంటి శుభకార్యాలను చేయకూడదని శాస్త్రాలు పేర్కొంటాయి. సాధువులు, సన్యాసులు ఈ కాలంలో ప్రయాణం చేయకుండా ఒకే చోట ఉండి తపస్సు, పఠనాలు, ధ్యానం చేస్తారు. ఇది ఆధ్యాత్మిక అభివృద్ధికి అనుకూలమైన సమయం.

ఈ ఏకాదశి వ్రతం గొప్ప ఫలితాలను అందించే పవిత్రమైన రోజు. మాంధాత అనే ధర్మవంత రాజు ఈ వ్రతాన్ని ఆచరించి తన రాజ్యంలో కరువును తొలగించాడని పురాణగాథ చెబుతుంది. మరో కథలో, బలి చక్రవర్తికి విష్ణువు పాతాళ లోకంలో నాలుగు నెలల పాటు ఉండే వరం ఇచ్చినప్పుడు, అదే దేవశయనంగా గుర్తించబడింది. భక్తుల నమ్మకం ప్రకారం ఈ రోజున ఏకాగ్రతతో ఉపవాసంతో శ్రద్ధగా వ్రతం చేస్తే పాపాలు తొలగి, మోక్షం లభిస్తుందని భావిస్తారు. అందువల్ల దేవశయని ఏకాదశికి హిందూ ధర్మంలో అత్యంత ప్రాముఖ్యత ఉంది.