Dussehra 2024 : 18 శక్తి పీఠాలు ఎలా ఏర్పడ్డాయి ? వాటి ప్రాశస్త్యం ఏమిటి ?

Also Read :North Korea Nuclear Weapons: అణ్వాయుధాల సంఖ్యను భారీగా పెంచుతాం : ఉత్తర కొరియా నియంత కిమ్

18 శక్తిపీఠాల వివరాలివీ.. 

• శాంకరి శక్తిపీఠం శ్రీలంక తూర్పు తీరంలో ట్రిన్‌కోమలీలో ఉంది. 17వ శతాబ్దంలో  పోర్చుగీసు వాళ్ల దాడుల్లో ఈ మందిరం దెబ్బతింది. ఇప్పుడు ఆ ప్రదేశంలో ఒక స్తంభం మాత్రమే ఉంది.
• కామాక్షి శక్తిపీఠం తమిళనాడులోని కాంచీపురంలో ఉంది. ఇక్కడ సతీదేవి వీపు భాగం పడిందని అంటారు.
• శృంఖల శక్తిపీఠం కోల్‌కతాకు 80 కిలోమీటర్ల దూరంలోని ప్రద్యుమ్ననగరంలో ఉంది. ఇక్కడ అమ్మవారి ఉదర భాగం పడిందని అంటారు. అక్కడి ప్రజలు అమ్మవారిని చోటిల్లామాతగా పిలుస్తారు. బెంగాల్‌లోని గంగాసాగర్ కూడా శక్తిపీఠమే అని అంటారు.
• చాముండి శక్తిపీఠం కర్ణాటకలోని క్రౌంచ పట్టణంలో మైసూరు, చాముండి పర్వతాలపై ఉంది. ఇక్కడ అమ్మవారి కురులు పడ్డాయని నమ్ముతారు.
• జోగులాంబ శక్తి పీఠం తెలంగాణలోని అలంపూర్‌లో ఉంది. సతీదేవి పైవరుస దంతాలు, దవడ భాగం ఇక్కడ పడ్డాయని అంటారు.
• భ్రమరాంబిక శక్తిపీఠం ఏపీలోని శ్రీశైలంలో  ఉంది. ఇక్కడే శివుడి ద్వాదశ జోతిర్లింగ క్షేత్రం కూడా ఉంది.
• మహాలక్ష్మి శక్తి పీఠం మహారాషట్రలోని  కొల్హాపూర్‌లో ఉంది. ఇక్కడ సతీదేవి కళ్లు పడ్డాయని అంటారు.
• ఏకవీరిక శక్తిపీఠం మహారాష్ట్రలోని మాహుర్యంలో ఉంది. సతీదేవి కుడిచేయి ఇక్కడ పడిందని అంటారు.
• మహాంకాళి శక్తిపీఠం మధ్యప్రదేశ్‌లోని ఉజ్జయినిలో ఉంది. ఇక్కడ సతీదేవి పైపెదవి ఊడిపడిందని అంటారు.
• పురుహూతిక శక్తిపీఠం ఏపీలోని  పిఠాపురంలో ఉంది. ఇక్కడ సతీదేవి పీఠభాగం పడిందని అంటారు.

Also Read :Apple iPhone 16 Series Launched: ఐఫోన్ ల‌వ‌ర్స్‌కు గుడ్ న్యూస్‌.. మార్కెట్లోకి వ‌చ్చేసిన ఐఫోన్ 16 సిరీస్‌, ధ‌ర ఎంతంటే..?

• గిరిజ శక్తిపీఠం ఒడిశాలోని జాజ్‌పూర్‌లో ఉంది. ఇక్కడ అమ్మవారి నాభి భాగం పడిందని నమ్ముతారు.
• మాణిక్యాంబ శక్తిపీఠం ఏపీలోని ద్రాక్షారామంలో ఉంది. ఇక్కడ సతీ దేవి ఎడమ చెంప భాగం పడిందని విశ్వసిస్తారు.
• కామరూప శక్తిపీఠం అసోంలోని గౌహతిలో ఉంది. ఇక్కడి నీలచల పర్వతశిఖరంపై సతీదేవి యోనిభాగం పడిందని నమ్ముతారు.
• మాధవేశ్వరి శక్తిపీఠం ఉత్తరప్రదేశ్‌లోని ప్రయాగలో ఉంది. ఈ ఆలయంలో విగ్రహం ఉండదు.
• వైష్ణవి శక్తిపీఠం హిమాచల్ ప్రదేశ్‌లోని జ్వాలాక్షేత్రంలో ఉంది. ఈ ఆలయంలో అమ్మవారి విగ్రహం ఉండదు. ఏడుజ్వాలలు వెలుగుతుంటాయి. ఇక్కడ అమ్మవారి నాలుక పడిందని నమ్ముతారు.
• మంగళ గౌరి శక్తిపీఠం బిహార్‌లోని గయలో ఉంది. ఇక్కడ సతీదేవి స్తనాలు పడినట్టు చెబుతారు.
• విశాలాక్షి శక్తిపీఠం యూపీలోని వారణాసిలో ఉంది. ఇక్కడ సతీదేవి చెవి భాగం పడిందని అంటారు.
• సరస్వతి శక్తిపీఠం పాక్ ఆక్రమిత కశ్మీరులోని ముజఫరాబాద్‌కు 150 కిలోమీటర్ల దూరంలో ఉంది.

గమనిక : కొందరు నిపుణులు చెప్పిన, వివిధ శాస్త్రాల్లో పేర్కొన్న అంశాల ఆధారంగా పైన ఉన్న సమాచారాన్ని అందించాం. దీనికి ఎలాంటి శాస్త్రీయ ఆధారాలు లేవనే విషయాన్ని రీడర్స్ గమనించాలి. దీన్ని ఎంత వరకు విశ్వసించాలనేది మీ వ్యక్తిగత విషయం.