Trisha : అలా విడిచిపెట్టలేక అక్కడ సినిమాలు వదిలేశా అంటున్న త్రిష..!

Trisha సౌత్ స్టార్ హీరోయిన్ త్రిష రెండు దశాబ్ధాల నుంచి తన ఫాం కొనసాగిస్తుంది. తెలుగులో నీ మనసు నాకు తెలుసు సినిమాతో తెరంగేట్రం చేసిన త్రిష ఇప్పటికీ తన గ్లామర్ తో నటనతో మెప్పిస్తూ వస్తుంది. తనకు ఇంతటి ప్రేమ చూపిస్తున్న సౌత్ ఆడియన్స్ మీద ఎప్పుడు కృతజ్ఞత చూపిస్తుంది త్రిష. అయితే 20 ఏళ్ల కెరీర్ లో అమ్మడు కేవలం ఒకే ఒక్క హిందీ సినిమా చేసింది. అది కూడా 2010లో అక్షయ్ కుమార్ తో చేసిన ఖట్టా మీఠా మాత్రమే. ఆ సినిమా తర్వాత మళ్లీ బాలీవుడ్ వైపు చూడలేదు.

అయితే ఆ సినిమా ఆశించిన స్థాయిలో ఫలితాన్ని అందుకోకపోవడమే త్రిష హిందీ సినిమాలు కొనసాగించలేదని అనుకున్నారు. కానీ రీసెంట్ ఇంటర్వ్యూలో తను బాలీవుడ్ వెళ్లకపోవడానికి కారణం చెప్పింది త్రిష. హిందీలో ఆఫర్ వచ్చినా ఇక్కడ నుంచి అక్కడకి వెళ్లాలంటే ఇక్కడ చాలా వాటిని వదిలి వెళ్లాల్సి వస్తుంది. అలా వదిలి వెళ్లడం ఇష్టం లేకనే బాలీవుడ్ ఆఫర్లను కాదని చెప్పానని అన్నది త్రిష.

అంతేకాదు అప్పటికే సౌత్ లో మంచి ఫాం లో ఉన్న తను అక్కడికి మకాం మార్చి మళ్లీ కెరీర్ ప్రారంభించే ఓపిక లేదని ఆమె వెల్లడించింది. అయితే బాలీవుడ్ వెళ్లకపోయినా త్రిష తెలుగులో తమిళ భాషల్లో సూపర్ స్టార్ డం తెచ్చుకుంది. కోలీవుడ్ లో అయితే త్రిష ఇప్పటికీ సూపర్ ఫాం లో ఉంది. అక్కడ స్టార్ సినిమాల్లో అవకాశాలు అందుకుంటూ దూసుకెళ్తుంది.

ఆఫ్టర్ లాంగ్ గ్యాప్ త్రిష మళ్లీ వరుస తెలుగు సినిమాలు చేస్తుంది. ప్రస్తుతం మెగాస్టార్ చిరంజీవి తో విశ్వంభర సినిమా చేస్తున్న అమ్మడు ఆ సినిమా తర్వాత వెంకటేష్ 76వ సినిమాలో కూడా నటిస్తుందని టాక్.

Also Read : Rajamouli : RRR కాంబో రిపీట్ చేయబోతున్నారా.. మహేష్ కోసం రాజమౌళి మాస్టర్ ప్లాన్..!