NTR : ఎన్.టి.ఆర్ తో జోడీ.. ఆ ఇద్దరిలో ఎవరు..?
NTR యంగ్ టైగర్ ఎన్.టి.ఆర్ ప్రస్తుతం దేవర సినిమాతో బిజీగా ఉన్నాడు. కొరటాల శివ డైరెక్షన్ లో తెరకెక్కుతున్న దేవర సినిమాను అంచనాలకు మించి ఉండేలా
- By Ramesh Published Date - 12:15 PM, Sat - 29 June 24
NTR యంగ్ టైగర్ ఎన్.టి.ఆర్ ప్రస్తుతం దేవర సినిమాతో బిజీగా ఉన్నాడు. కొరటాల శివ డైరెక్షన్ లో తెరకెక్కుతున్న దేవర సినిమాను అంచనాలకు మించి ఉండేలా చూస్తున్నారు. దేవర 1 సెప్టెంబర్ 27న రిలీజ్ లాక్ చేశారు. సినిమాలో ఎన్.టి.ఆర్ విశ్వరూపం ప్రతి అభిమానిని ఖుషి చేస్తుందని అంటున్నారు. ఇక ఈ సినిమాతో పాటుగా ఎన్.టి.ఆర్ హృతిక్ రోషన్ తో వార్ 2 సినిమా చేస్తున్నాడని తెలిసిందే. బాలీవుడ్ లో తారక్ చేస్తున్న తొలి సినిమా ఇదే అవ్వడంతో ఈ ప్రాజెక్ట్ మీద కూడా భారీ హైప్ ఏర్పడింది.
ఇక ఎన్.టి.ఆర్ నెక్స్ట్ లైన్ లో ప్రశాంత్ నీల్ ఉన్నాడు. కె.జి.ఎఫ్, సలార్ 1 తర్వాత తారక్ తో ప్రశాంత్ నీల్ సినిమాకు రెడీ అవుతున్నాడు. ఇప్పటికే కథ పూర్తి కాగా సినిమా త్వరలోనే సెట్స్ మీదకు వెళ్తుందని అంటున్నారు. ఐతే ఈ సినిమాలో ఎన్.టి.ఆర్ కు జోడీగా స్టార్ హీరోయిన్ నటిస్తుందని అంటున్నారు. ఎన్.టి.ఆర్ కు జతగా నేషనల్ క్రష్ రష్మిక లేదా అలియా భట్ ఈ ఇద్దరిలో ఒకరు నటించే ఛాన్స్ ఉన్నట్టు తెలుస్తుంది.
ఎన్.టి.ఆర్ తో రష్మిక ఇప్పటివరకు చేయలేదు. ఈ కాంబినేషన్ అదిరిపోతుందని అంటున్నారు ఆడియన్స్. ఐతే ఆర్.ఆర్.ఆర్ లో అలియా ఎన్.టి.ఆర్ సీన్స్ ఉన్నా ఈసారి ఇద్దరు జోడీగా నటిస్తే చూడాలని ఫ్యాన్స్ కోరుతున్నారు. మొత్తానికి ఎన్.టి.ఆర్ ప్రశాంత్ నీల్ సినిమా సెట్స్ మీదకు వెళ్లకముందే కాస్టింగ్ తోనే సూపర్ క్రేజ్ తెచ్చేస్తున్నారు.
