Deverakonda & Sukumar: పుష్ప 2 ఫలితంపైనే సుకుమార్ విజయ్ ప్రాజెక్ట్?

Vijay Devarakonda Sukumar

విజయ్ దేవరకొండ ప్రస్తుతం తన ఫోకస్ మొత్తం లైగర్ మీద పెట్టేశాడు. ఆగస్ట్ 25న ఈ చిత్రం రాబోతోంది. ప్రమోషన్స్‌లో భాగంగా దేశమంతా చుట్టేస్తున్నాడు. ఆ తరువాత మళ్లీ పూరి జగన్నాథ్ కాంబోలోనే జన గణ మన అనే చిత్రం చేస్తున్నాడు. దాంతో పాటు శివ నిర్వాణ దర్శకత్వంలో క్యూట్ లవ్ స్టోరీని చేస్తున్నాడు. సమంత, విజయ్ కలిసి నటిస్తున్న ఈ చిత్రం పేరు ఖుషి.

ఇక ఈ చిత్రాలు ఇలా ఉండగానే.. గత ఏడాది విజయ్ ఓ ప్రాజెక్ట్ ప్రకటించిన సంగతి తెలిసిందే. మన లెక్కల మాస్టారు సుకుమార్ విజయ్ దేవరకొండతో ఓ చిత్రాన్ని చేయబోతోన్నట్టు ప్రకటించాడు. అయితే ఈ ప్రాజెక్ట్ గురించి ఇది వరకు ఎన్నో రూమర్లు వచ్చాయి. మధ్యలో ఈ ప్రాజెక్ట్ అటకెక్కిందనే రూమర్లు వచ్చాయి. అయితే ఇప్పుడు ఈ సినిమా మీద విజయ్ ఓపెన్ అయ్యాడు.

లైగర్ ప్రమోషన్స్‌లో భాగంగా విజయ్ మాట్లాడుతూ ఈ విధంగా అనేశాడు. సుకుమార్ పుష్ప 2 సినిమాను కంప్లీట్ చేశాకే.. మా సినిమాను మొదలుపెడతాం అని చెప్పుకొచ్చాడు. అయితే పుష్ప 2 ఇంకా మొదలేకాలేదు. ఈ చిత్రం వచ్చే ఏడాది థియేటర్లోకి వస్తుందో లేదో అనేది కూడా తెలియదు. ఈ ఏడాది చివర్లోకెల్లా పుష్ప పార్ట్ 2 మొదలుకానుందని తెలుస్తోంది.

అయితే ఈ సినిమా ఫలితంతోనే విజయ్ ప్రాజెక్ట్ స్థాయి కూడా ఉంటుందని తెలుస్తోంది. మరి విజయ్ అప్పటికి తన క్రేజ్‌ ఏ వరకు వెళ్తుందో చూడాలి. లైగర్ సినిమాతో విజయ్ పాన్ ఇండియా స్టార్‌గా ఎదిగితే.. సుకుమార్ ప్రాజెక్ట్ ఇంకో రేంజ్‌లో ఉంటుందని అర్థమవుతోంది.

Follow us