Unstoppable Show: ‘చిరు’కు సై.. ‘బాలయ్య’కు నై!
నందమూరి నటసింహం బాలకృష్ణ హోస్ట్ గా ఆహా ఓటిటి ప్లాట్ ఫామ్ లో చేసిన 'అన్స్టాపబుల్' షో కి ప్రేక్షకులు బ్రహ్మరంథం పట్టిన సంగతి తెలిసిందే. బాలయ్య తన కెరీర్ లోనే ఫస్ట్ టైమ్ హోస్ట్ గా ఈ షో చేశారు. 'అన్స్టాపబుల్' షో..
- By Balu J Published Date - 11:47 PM, Thu - 10 February 22
నందమూరి నటసింహం బాలకృష్ణ హోస్ట్ గా ఆహా ఓటిటి ప్లాట్ ఫామ్ లో చేసిన ‘అన్స్టాపబుల్’ షో కి ప్రేక్షకులు బ్రహ్మరంథం పట్టిన సంగతి తెలిసిందే. బాలయ్య తన కెరీర్ లోనే ఫస్ట్ టైమ్ హోస్ట్ గా ఈ షో చేశారు. ‘అన్స్టాపబుల్’ షో.. ఇంటర్ నెట్ మూవీ డేటా బేస్ లోనూ టాప్ త్రీలో నిలించింది. దీన్ని బట్టే మనం అర్దం చేసుకోవచ్చు బాలయ్య టాక్ షోకి ఎంత ఆదరణ దక్కిందో అనేది. ‘అన్స్టాపబుల్’ టాక్ షో ద్వారా టాలీవుడ్ ఇండస్ట్రీకి చెందిన టాప్ సెలబ్రెటీలను పిలిచి, వారిని ఇంటర్వ్యూ చేశారు బాలయ్య. షో కి వచ్చిన వారిని, వారివారి పర్సనల్ లైఫ్ కి సంబంధించిన ప్రశ్నలు సంధిస్తూ… బాలకృష్ణ తన ప్రత్యేకతను చాటుకున్నారు. అలానే మరోపక్క కామెడీని కూడా పండించారు. అంతలా బాలయ్య బాబు తన మార్క్ ను చూపించారు.
ఇకపోతే, ‘అన్స్టాపబుల్’ సీజన్ వన్ ముగిసింది. చివరిగా మహేష్ బాబు ఇంటర్వ్యూ తో ‘అన్స్టాపబుల్’ టాక్ షో సీజన్ వన్ ను ముగించారు. ఈ క్రమంలో ‘అన్స్టాపబుల్’ సీజన్ 2 ను మరింత గ్రాండ్ గా ప్లాన్ చేయాలని నిర్మాత అల్లు అరవింద్ డిసైడ్ అయ్యారని టాక్. అందులో భాగంగానే రెండో సీజన్ ను బాలకృష్ణ స్థానంలో మెగాస్టార్ చిరంజీవి చేత చేయించాలని ప్లాన్ చేస్తున్నట్లు సమాచారం. చిరంజీవి హోస్ట్ గా చేస్తే అన్ స్టాపబుల్ సీజన్ 2 కు మరింత క్రేజ్ వస్తుందని అల్లు అరవింద్ భావిస్తున్నారట. ఒకవేళ చిరు గనుక ఓకే అంటే… వెంటనే నాగార్జున, వెంకటేష్, రాజశేఖర్, సుమన్, ప్రభాస్ లాంటి హీరోలతో పాటు ప్రముఖ టాప్ డైరెక్టర్లను సీజన్ టూ లోకి తీసుకు రావడానికి ఆలోచన చేస్తున్నట్లు టాక్ వినిపిస్తోంది. “అన్స్టాపబుల్” సీజన్ వన్ లోనే బాలకృష్ణ హోస్ట్ గా చేస్తున్న సమయంలోనే, చిరంజీవితో ఒక ఎపిసోడ్ ప్లాన్ చేశారట. కాకపోతే అదే సమయంలో బాలకృష్ణ భుజానికి గాయం కావడం… మరోవైపు అదే టైమ్ లో మెగాస్టార్ చిరంజీవి సైతం బిజీ కావడంతో… ఆ ఎపిసోడ్ కుదరలేదట. ఒకవేళ అదే గనుక కుదిరి, చిరంజీవి గెస్ట్ గా వచ్చి ఉంటే… ‘అన్స్టాపబుల్’ సీజన్ వన్ కే హైలైట్ గా ఆ ఎపిసోడ్ నిలిచేదని అనుకుంటున్నారు.
ఇకపోతే ‘అన్స్టాపబుల్’ సీజన్ వన్ లో బాలకృష్ణ పేరుకు తగ్గట్టు తనదైన శైలిలో ఆద్యంతం టాక్ షోను రక్తి కట్టించారు. బాగా సక్సెస్ కూడా అయింది. మరి ‘అన్స్టాపబుల్’ సీజన్ 2 లో చిరంజీవి ని హోస్ట్ గా తీసుకుంటే… అది ఎంతవరకు సక్సెస్ అవుతుందో అన్నది చూడాలి. కాకపోతే ‘అన్స్టాపబుల్’ సీజన్ 2 కోసం మెగాస్టార్ ను హోస్ట్ గా తీసుకోవాలని నిర్మాత అల్లు అరవింద్ ప్లాన్ చేస్తున్నారని టాక్ మాత్రమే నడుస్తోంది. అందులో ఎంత నిజముందో తెలియాలంటే.. మరికొన్ని రోజులు వేచి చూడాలి.
Related News
Praja Rajyam party: ప్రజారాజ్యం నాశనం కావడానికి కారణం అతనే: పవన్
ప్రజారాజ్యం ... మెగాస్టార్ చిరంజీవి స్థాపించిన పార్టీ ఇది. ఓ పదిహేనేళ్ళ క్రితం ఈ పేరుకు ఉన్న బ్రాండ్ ఇమేజ్ గురించి ప్రత్యేకంగా చెప్పాల్సిన అవసరం లేదు. టీడీపీ, కాంగ్రెస్ ఏలుతున్న రోజులవి. 2008 ఆగస్టు 26న ఎన్నో ఆశలు, ఆశయాలతో స్థాపించారు మెగాస్టార్ చిరు. ప్రజారాజ్యంలో యువరాజ్యం సగభాగం. యువరాజ్యానికి పవన్ కళ్యాణ్ అధ్యక్షుడిగా ఉన్నారు.