Trisha Marriage: త్వరలో త్రిష పెళ్లి.. మలయాళ నిర్మాతతో ఏడడుగులు!

తమిళ, తెలుగు చిత్ర పరిశ్రమల్లో గుర్తింపు తెచ్చుకున్న నటి త్రిష కృష్ణన్ మరోసారి అందరి దృష్టినీ ఆకర్షించింది. మణిరత్నం ఇతిహాసం పొన్నియిన్ సెల్వన్ 2 లో కుందవై పాత్రలో ఆమె పాత్రకు విస్తృత ప్రశంసలు అందుకుంది. ఇప్పుడు ఆమె మలయాళ నిర్మాతతో త్వరలో వివాహం చేసుకోబోతున్నట్లు పుకార్లు వినిపిస్తున్నాయి. అధికారిక ప్రకటన వెలువడే అవకాశం ఉన్నప్పటికీ, ప్రస్తుతానికి ఖచ్చితమైన సమాచారం అందుబాటులో లేదు.

గతంలో, త్రిషకు నిర్మాతగా మారిన పారిశ్రామికవేత్త వరుణ్ మణియన్‌తో నిశ్చితార్థం జరిగింది. అయితే ఆ తర్వాత పెళ్లి ఆగిపోయింది. అయితే ఆ సమయంలో త్రిష కృష్ణన్ తెలుగు నటుడు రానా దగ్గుబాటితో సంబంధంలో ఉన్నట్లు నివేదికలు సూచించాయి. ఇటీవల ఒక ఇంటర్వ్యూలో, త్రిష పెళ్లి గురించి సీరియస్‌గా పరిగణించలేదని చెప్పింది. ఒత్తిడి కారణంగానే వివాహం చేసుకోలేనని, పెళ్లి తర్వాత చాలామంది విడాకులు తీసుకుంటున్నారని సన్నిహితుల వద్ద వాపోయింది.

తాను సరైన వ్యక్తిని కలుసుకోలేదని త్రిష ఈ సందర్భంగా చెబుతోంది. పొన్నియన్ సెల్వన్: II విజయం తరువాత త్రిష అనేక చిత్రాల ప్రాజెక్ట్‌లతో బిజీ షెడ్యూల్‌ను కలిగి ఉంది. ఆమె లోకేష్ కనగరాజ్ దర్శకత్వం వహించిన తమిళ యాక్షన్ థ్రిల్లర్ “లియో” లో కనిపించనుంది. వీటితో పాలు పలు సినిమాలు సైన్ చేసింది ఈ బ్యూటీ.

Also Read: Megastar Tribute: భారతీయ సినీ చరిత్ర లోనే నాగేశ్వర్ రావు ఓ దిగ్గజ నటుడు: చిరంజీవి