Baahubali 3 : ‘బాహుబలి-3’పై ఆ ప్రచారం అవాస్తవం- నిర్మాత

Baahubali3

ప్రపంచవ్యాప్తంగా తెలుగు సినిమా గౌరవాన్ని మరోస్థాయికి చేర్చిన ‘బాహుబలి’ (Bahubali) సిరీస్ ఇప్పుడు మళ్లీ థియేటర్లలోకి రానుంది. దర్శకుడు రాజమౌళి సృష్టించిన ఈ విజువల్ వండర్‌కి కొత్త రూపం ఇవ్వుతూ, నిర్మాతలు ‘బాహుబలి ది ఎపిక్’ పేరుతో ఈ నెల 31న ప్రేక్షకుల ముందుకు తీసుకురానున్నారు. ఇందులో ‘బాహుబలి: ది బిగినింగ్’ మరియు ‘బాహుబలి: ది కాన్‌క్లూజన్’ అనే రెండు భాగాలను కలిపి ఒకే ఎపిక్ మూవీగా చూపించనున్నారు. మొత్తం 3 గంటల 40 నిమిషాల రన్‌టైమ్ ఉండే ఈ చిత్రం, కొత్త ఎడిటింగ్, మెరుగైన విజువల్స్, డాల్బీ అట్మాస్ సౌండ్ వంటి సాంకేతిక అప్‌గ్రేడ్స్‌తో రీ-రిస్ట్ అవుతుండటం ప్రత్యేకత.

Revanth Reddy : బీసీలకు 42% రిజర్వేషన్లు: సుప్రీంకోర్టు నిరాకరణ, రేవంత్ ప్రభుత్వానికి పెద్ద గెలుపు

ఇదిలా ఉంటే, ఈ ఎపిక్ చివరలో ‘బాహుబలి 3’ గురించి ఏదైనా సూచన లేదా ప్రకటన ఉండబోతుందన్న వార్తలు సోషల్ మీడియాలో హాట్ టాపిక్ అయ్యాయి. అయితే నిర్మాత శోభు యార్లగడ్డ ఆ వార్తలను ఖండించారు. “బాహుబలి 3 గురించి ఆలోచన ఉంది కానీ దానికి చాలా వర్క్ కావాలి. ప్రస్తుతానికి ఎలాంటి అనౌన్స్మెంట్ లేదు. అయితే ప్రేక్షకులను ఆకట్టుకునే ఒక చిన్న సర్ప్రైజ్ మాత్రం ఉంటుంది” అని తెలిపారు. ఈ మాటలతో అభిమానుల్లో కొత్త ఆసక్తి రేకెత్తింది.

‘బాహుబలి’ ఫ్రాంచైజ్‌పై అభిమానుల్లో ఉన్న ప్రేమకు, సినిమా మేకర్స్ ఇచ్చిన కొత్త ప్రెజెంటేషన్ రూపం మరింత విలువ చేకూర్చనుంది. పెద్ద తెరపై ఈ ఎపిక్‌ను మళ్లీ చూడటం, మాహిష్మతి ప్రపంచంలో మరోసారి మునిగిపోవడం అభిమానులకు ఒక స్మృతుల పండుగగా మారబోతోంది. తాజా సాంకేతికతతో కొత్తగా రూపొందించిన ‘బాహుబలి ది ఎపిక్’ ప్రేక్షకులకు నూతన అనుభూతి ఇవ్వడం ఖాయం. ఈ రీ-రిస్ట్ సక్సెస్ అవుతే, భవిష్యత్తులో ‘బాహుబలి 3’ ప్రాజెక్ట్‌కి దారితీయవచ్చన్న ఊహాగానాలు కూడా వేడెక్కుతున్నాయి.

Follow us