Stunt master death: షూటింగ్‌లో విషాదం.. స్టంట్ మాస్టర్ మృతి

Cropped (6)

కోలీవుడ్ నటుడు విజయ్ సేతుపతి అతిథి పాత్రలో నటిస్తున్న ‘విడుదలై’ షూటింగ్‌లో విషాదం జరిగింది. చెన్నై శివారలో చిత్రీకరణ జరుగుతుండగా ప్రమాదవశాత్తు స్టంట్ మాస్టర్ సురేష్‌ ప్రాణాలు కోల్పోయాడు. షూటింగ్‌లో భాగంగా తాడుకు వేలాడుతున్న సురేష్‌ ప్రమాదవశాత్తు తాడు తెగిపోయి కిందపడ్డాడు. తీవ్రగాయాలైన అతన్ని ఆస్పత్రికి తరలించగా.. చికిత్స పొందుతూ మృతి చెందాడు. ఈ సినిమాకు వెట్రిమారన్ దర్శకత్వం వహిస్తున్నాడు.

వండలూరు సమీపంలో సినిమా సెట్‌పై 20 అడుగుల ఎత్తు నుంచి పడిపోవడంతో 54 ఏళ్ల స్టంట్ మాస్టర్ శనివారం మృతి చెందాడు. పోలీసులు తెలిపిన వివరాల ప్రకారం.. కోలీవుడ్‌లో మూడు దశాబ్దాల అనుభవం ఉన్న సురేష్‌ అసిస్టెంట్‌ స్టంట్‌ కొరియోగ్రాఫర్‌. అతడికి భార్య, పిల్లలు ఉన్నారు. దర్శకుడు వెట్రిమారన్‌ రాబోయే ‘విడుదలై’ చిత్రం షూటింగ్‌లో సురేష్ మరో లీడ్ స్టంట్ మాస్టర్‌కి సహాయం చేస్తున్నాడు.

సూరి ప్రధాన పాత్రలో నటించిన ఈ చిత్రంలో విజయ్ సేతుపతి అతిధి పాత్రలో నటిస్తున్నారు. ఈ మూవీకి సంబంధించిన యాక్షన్ చిత్రాలను తెరకెక్కిస్తున్న సమయంలోనే స్టంట్ మాస్టర్ సురేష్ ప్రమాదవశాత్తూ కిందపడిపోయారు. తీవ్ర గాయలాపాలైన ఆయనను చికిత్స నిమిత్తం సమీపంలోని ఆసుపత్రికి తరలించగా చికిత్స పొందుతూ మృతి చెందారు. స్టంట్ మాస్టర్ మృతితో తమిళ ఇండస్ట్రీలో విషాదం నెలకొంది.

Follow us