Actress Sreeleela: సినిమాలకు గ్యాప్ ఇచ్చి.. చదువుపై దృష్టి

Actress Sreeleela

Actress Sreeleela: పెళ్లిసందడి సినిమాతో తెలుగు చిత్రసీమకు పరిచయమైంది అందాల భామ శ్రీలీల. తొలి సినిమాతోనే మంచి నటిగా గుర్తింపు తెచ్చుకుంది. ఆ తర్వాత రవితేజతో ధమాకా చిత్రంలో జతకట్టి సక్సెస్ సాధించింది. ధమాఖా సక్సెస్ తో శ్రీలీలకు వరుస సినిమాలు క్యూ కట్టాయి. దీంతో ఈ అమ్మడు మూడు షిప్టులు వర్క్ చేసింది. డ్యాన్స్ అదరగొట్టేస్తుందనే పేరు తెచ్చుకుంది. అయితే గత సంవత్సరం శ్రీలీల నటించిన స్కంధ, ఆదికేశవ, ఎక్స్ ట్రార్డినరీ మేన్ చిత్రాలు వరుసగా ఫ్లాప్ అయ్యాయి. తాజాగా గుంటూరు కారం సినిమాతో ప్రేక్షకుల ముందుకు వచ్చింది.

ఈ సినిమాకి నెగిటివ్ రివ్యూలు, నెగిటివ్ టాక్ వచ్చింది. కలెక్షన్స్ మాత్రం బాగానే వచ్చాయి. ఫస్ట్ వీక్ లో 212 కోట్లు కలెక్ట్ చేసింది. ఈ సినిమా కోసం శ్రీలీల ఎగ్జామ్స్ కూడా వదిలేసి మరీ వర్క్ చేసింది. ఇంతకీ ఏ ఎగ్జామ్స్ అంటారా.. ఆమె ఎం.బి.బి.ఎస్ చదువుతోంది. అయితే.. వరుసగా తను నటించిన సినిమాలు ఫ్లాప్ అవ్వడంతో సినిమాకు బ్రేక్ ఇవ్వాలి అనుకుంటుందట. చదువు పై కాన్ సన్ ట్రేషన్ చేయాలి అనుకుంటుందట. ఈ అమ్మడు పవర్ స్టార్ కు జంటగా ఉస్తాద్ భగత్ సింగ్ మూవీలో నటిస్తుంది. ఈ సినిమా ఎప్పుడు సెట్స్ పైకి వస్తుందో క్లారిటీ లేదు.

అలాగే విజయ్ దేవరకొండ సినిమాలో నటించేందుకు ఓకే చెప్పింది. ఈ చిత్రానికి గౌతమ్ తిన్ననూరి డైరెక్టర్. ఈ సినిమా ఎప్పుడో స్టార్ట్ కావాలి కానీ.. విజయ్ ఫ్యామిలీ స్టార్ మూవీలో బిజీగా ఉండడం వలన ఇంకా సెట్స్ పైకి రాలేదు. ఈ రెండు సినిమాలు కాకుండా వేరే ఏ సినిమాకు ఓకే చెప్పలేదు. ఇక నుంచి ఎం.బి.బి.ఎస్ కంప్లీట్ చేసిన తర్వాతే సినిమాల గురించి ఆలోచించాలి అనుకుంటుందట. ఈ వార్త వైరల్ అయ్యింది. గుంటూరు కారం నెగిటివ్ రివ్యూలు వచ్చినా శ్రీలీల మాత్రం డ్యాన్సులు అదరగొట్టేసిందనే పేరు వచ్చింది. ఎగ్జామ్స్ కంప్లీట్ చేసిన తర్వాత అయినా మంచి పాత్రలకు అవకాశం ఉన్న సినిమాలను ఎంచుకుంటుందేమో చూడాలి.

Also Read: Constable Sex Change : మగువ నుంచి మగవాడై.. తండ్రయిన మహిళా కానిస్టేబుల్ !

Follow us