Siddhu Jonnalagadda : తెలుసు కదా రివ్యూ!

సిద్ధు జొన్నలగడ్డ హీరోగా.. రాశీ ఖన్నా, శ్రీనిధి శెట్టి హీరోయిన్లుగా నటించిన తాజా చిత్రం ‘తెలుసు కదా’. స్టైలిష్ట్ నీరజ కోన ఈ సినిమాతో డైరెక్టర్ గా ఇండస్ట్రీకి పరిచయం అవుతున్నారు. పీపుల్‌ మీడియా ఫ్యాక్టరీ పతాకంపై టి.జి.విశ్వ ప్రసాద్, కృతి ప్రసాద్‌ సంయుక్తంగా నిర్మించారు. ప్రమోషనల్ కంటెంట్ తో అందరి దృష్టిని ఆకర్షించిన ఈ మూవీ.. శుక్రవారం (అక్టోబర్ 17) ప్రేక్షకుల ముందుకు వచ్చింది. ప్రీమియర్ షోలతో టాక్ బయటకు వచ్చింది. ఈ చిత్రానికి ఎలాంటి రెస్పాన్స్ వస్తోంది? సిద్ధు హిట్టు కొట్టాడా లేదా? అనేది ట్విట్టర్ రివ్యూలో చూసి తెలుసుకుందాం.

‘తెలుసు కదా’ సినిమాలో గన్ పట్టుకోకుండా, కత్తి పట్టుకోకుండా, ఒక్క చుక్క రక్తం కూడా చిందించకుండా ఎమోషనల్ వార్, సైకలాజికల్ వైలెన్స్ ని జనరేట్ చేసే వరుణ్ అనే పాత్రలో నటించానని సిద్ధు జొన్నలగడ్డ ప్రీ రిలీజ్ ఈవెంట్ లో చెప్పాడు. ప్రేక్షకులకు ఆయన ప్రామిస్ చేసినట్లుగానే, బిగ్ స్క్రీన్ పై సిద్ధు వన్ మ్యాన్ షో చూపించాడని సినిమా చూసినవారు సోషల్ మీడియాలో పోస్టులు పెడుతున్నారు. ప్రీమియర్స్ నుంచి ఎక్కువ శాతం ఈ చిత్రానికి పాజిటివ్ రెస్పాన్స్ వస్తోంది.

తెలుసు కదా’ అనేది ఒక క్రేజీ రొమాంటిక్ ఎమోషనల్ కామెడీ ఎంటర్టైనర్ అని తెలుస్తోంది. సినిమాలో సిద్ధు క్యారక్టరైజేషన్ కొత్తగా, డిఫరెంట్ గా ఉందని.. ఇంటర్వెల్ హైలైట్ గా ఉందని ట్విట్టర్ లో పోస్టులు కనిపిస్తున్నాయి. వరుణ్ క్యారక్టర్ లో బాధ, కోపం, గిల్ట్ వంటి భావోద్వేగాలను సిద్ధు పర్ఫెక్ట్ గా బ్యాలన్స్ చేశాడని ఓ నెటిజన్ ట్వీట్ చేశాడు. రొమాంటిక్ అండ్ ఎమోషనల్ సీన్, సినిమాటోగ్రఫీ, బీజీఎమ్, ఎడిటింగ్ ప్లస్ పాయింట్స్ అని పేర్కొన్నాడు. రాశీ ఖన్నా, శ్రీనిధి శెట్టి అందంగా కనిపించడంతో పాటుగా తమ నటనతో ఆకట్టుకుంటారని కామెంట్స్ చేస్తున్నారు.

ఇప్పటి వరకు సిద్ధూ కెరీర్ లో బెస్ట్ పర్ఫార్మన్స్ ఇదేనని మరొకరు పోస్ట్ పెట్టారు. సినిమాలో కాంఫ్లిక్ట్ నెక్స్ట్ లెవెల్ లో ఉందని, హర్ష కామెడీ బాగా వర్కౌట్ అయిందని, డైలాగ్స్, ఎమోషనల్ హైస్ చాలా బాగున్నాయని అంటున్నారు. ఓవరాల్ గా సినిమా ఫన్, ఎమోషన్స్, క్యారెక్టరైజేషన్, జెన్ జీ ప్రేమతో కూడిన ఈ సినిమా చాలా బాగుందని ఓ నెటిజన్ తన రివ్యూ ఇచ్చాడు. సెకండాఫ్ లో కొంచెం హర్ష కామెడీ యాడ్ చేస్తే ఇంకా బాగుందేదని, అయినప్పటికీ ఈ దీపావళికి ఫస్ట్ హిట్ పడిందని అన్నాడు.

అదే సమయంలో ‘తెలుసు కదా’ ఒక యావరేజ్ ఎంటర్టైనర్ అని ఓ నెటిజన్ అభిప్రాయపడ్డాడు. సిద్ధు జొన్నలగడ్డ ఇంకా టిల్లు హ్యాంగోవర్ నుంచి బయటకు రాలేదనే విషయం స్పష్టంగా కనిపిస్తుందని కామెంట్ చేశాడు. అయినప్పటికీ సెకండాఫ్ బాగుందని, ప్రధాన నటీనటుల పర్ఫార్మన్సెస్ బాగున్నాయని అన్నాడు.

రచయిత కోన వెంకట్ ఈ సినిమా గురించి పోస్ట్ చేస్తూ.. ”తెలుసుకదా’ అనేది చాలా యూనిక్ ట్రయాంగిల్ లవ్ స్టోరీ, ఇందులో కొన్ని అద్భుతమైన పర్ఫార్మన్స్ ఉన్నాయి. సిద్ధు జొన్నలగడ్డ వరుణ్ పాత్రలో చాలా బాగా చేశాడు. శ్రీనిధి శెట్టి, రాశీ ఖన్నాకి నా అభినందనలు. ముఖ్యంగా హర్ష చెముడుకి కంగ్రాట్స్. థమన్ అదరగొట్టాడు. అన్నింటికంటే ముఖ్యంగా నా సోదరి నీరజ కోన డైరెక్షన్ పట్ల నేను సంతోషంగా, గర్వంగా ఫీల్ అవుతున్నాను. పీపుల్ మీడియా ఫ్యాక్టరీ సూపర్ సినిమాని అందించారు” అని పేర్కొన్నారు.

ఓవరాల్ గా ట్విట్టర్ లో కనిపిస్తున్న పోస్టుల ప్రకారం, ‘తెలుసుకదా’ సినిమాకి పాజిటివ్ రెస్పాన్స్ వస్తోంది. సిద్ధు జొన్నలగడ్డ కెరీర్ బెస్ట్ ఇదేనని అంటున్నారు. ఈ సినిమా ఎలా ఉంది? ఎంత రేటింగ్ ఇవ్వొచ్చు? నటీనటులు పర్ఫార్మన్స్ ఎలా ఉంది? టెక్నికల్ విభాగాలు ఎలా పని చేశాయి? అనేది తెలియాలంటే ‘సమయం తెలుగు’ రివ్యూ వచ్చే వరకూ వేచి ఉండండి.