Swift: ఈ నటి దగ్గర లంబోర్గిని ఉన్నప్పటికీ స్విఫ్ట్ వాడుతోంది ఎందుకు..?
Swift: హీరోలు, హీరోయిన్లు విలాసవంతమైన జీవితాన్ని గడుపుతారు. వారు ధరించే దుస్తులు, వారు నడిపే కార్లు, వారు కలిగి ఉన్న బంగ్లాలు అన్నీ చాలా ఖరీదైనవి.
- Author : Kavya Krishna
Date : 10-07-2025 - 4:03 IST
Published By : Hashtagu Telugu Desk
Swift: హీరోలు, హీరోయిన్లు విలాసవంతమైన జీవితాన్ని గడుపుతారు. వారు ధరించే దుస్తులు, వారు నడిపే కార్లు, వారు కలిగి ఉన్న బంగ్లాలు అన్నీ చాలా ఖరీదైనవి. సెలబ్రిటీలు ఉపయోగించే ఒకే ఒక్క వాచ్ ధరతో సామాన్యుడు ధనిక జీవితాన్ని గడపవచ్చు. అయితే, కొంతమంది ధనిక జీవితాన్ని ఆస్వాదిస్తారు , అప్పుడప్పుడు తమ సింప్లిసిటీతో ప్రేక్షకుల హృదయాలను గెలుచుకుంటారు. ఇప్పుడు ఒక నటి అందరి హృదయాలను గెలుచుకుంది. ఆమె శ్రద్ధా కపూర్. ఇటీవల కల్కి దర్శకుడు నాగ్ అశ్విన్ చిన్న కారు వాడుతున్నాడని వార్తలు వచ్చాయి. వెయ్యి కోట్లు వసూలు చేసిన చిత్రానికి దర్శకుడు అయినప్పటికీ, అతను ఇప్పటికీ చిన్న కారులోనే తిరుగుతున్నాడు. ఈ విషయంలో నటి శ్రద్ధా కపూర్ అందరి హృదయాలను గెలుచుకుంది.
శ్రద్ధా కపూర్ హిందీలో చాలా సినిమాలు చేసి ప్రేక్షకులను ఆకట్టుకుంది. తెలుగులో కూడా నటించింది. ప్రభాస్ ప్రధాన పాత్రలో నటించిన ‘సాహో’ చిత్రం ద్వారా ఆమె తెలుగు ప్రేక్షకులకు పరిచయం అయింది. భారీ కలెక్షన్లు సాధించి సాహో కొత్త రికార్డు సృష్టించింది. శ్రద్ధా కపూర్ ఇటీవల ‘స్త్రీ 2’ చిత్రంలో నటించింది. ఈ చిత్రం హిట్ అయింది. ఈ చిత్రం రూ. 900 కోట్లు వసూలు చేసింది. తన 15 ఏళ్ల సినీ కెరీర్లో ‘ఆషికి 2’, ‘బాఘి’, ‘హాఫ్ గర్ల్ఫ్రెండ్’, ‘స్త్రీ’ వంటి చిత్రాల్లో నటించిన శ్రద్ధా, సాహో చిత్రంలో ప్రభాస్ సరసన మెరిసింది.
ఇదిలా ఉండగా, శ్రద్ధా కపూర్ మారుతి సుజుకి స్విఫ్ట్ కారును ఉపయోగిస్తుందనే వార్త సోషల్ మీడియాలో వైరల్ అవుతోంది. దీని గురించి ఇంటర్నెట్లో చర్చ జరుగుతోంది. ఈ విషయం గురించి నెటిజన్లు గూగుల్లో సర్చ్ చేస్తున్నారు. ఆమెకు ఎన్ని కార్లు ఉన్నాయో కూడా వారు ఆరా తీస్తున్నారు. శ్రద్ధా కపూర్ వద్ద మారుతి సుజుకి స్విఫ్ట్, లంబోర్గిని, రేంజ్ రోవర్, మెర్సిడెస్ బెంజ్ మూడు మోడళ్లు, ఆడి క్యూ7 , టయోటా ఫార్చ్యూనర్ ఉన్నాయని గూగుల్ చెబుతోంది.
Alimony : వరకట్నం నేరం అయితే, భరణం అడగడం చట్టబద్ధమైనదేనా?
Follow us
