Aadavallu Meeku Johaarlu: `ఆడవాళ్ళు మీకు జోహార్లు` టీజర్ వ‌చ్చేసింది!

Aadavallu

యంగ్ అండ్ హ్యాపెనింగ్ హీరో శర్వానంద్ ఔట్ అండ్ ఔట్ ఫ్యామిలీ ఎంటర్‌టైనర్ `ఆడవాళ్ళు మీకు జోహార్లు`. ఈ వేసవిలో విడుదల కాబోతున్న చిత్రాల్లో ఒకటి. తిరుమల కిషోర్ దర్శకత్వం వహించిన ఈ సినిమా చాలా పాజిటివ్ రిపోర్ట్స్ తీసుకువస్తోంది. రీసెంట్ గా రిలీజ్ చేసిన టైటిల్ సాంగ్ కి అద్భుతమైన రెస్పాన్స్ వచ్చింది. చిత్రం నాన్-థియేట్రికల్ హక్కులు మేకర్స్‌కు భారీ ఆఫ‌ర్‌ తెచ్చిపెట్టాయి, ఈ సంద‌ర్భంగా ఆకట్టుకునే ప్రచార కంటెంట్, బృందం చేసిన భారీ ప్రచారానికి మేక‌ర్స్ ధ‌న్య‌వాదాలు తెలుపుతున్నారు. ఇప్పుడు ఆడవాళ్ళు మీకు జోహార్లు టీజర్ వ‌చ్చేసింది. ప్రధాన పాత్రలందరినీ పరిచయం చేయడంతో పాటు, సినిమా దేనికి సంబంధించినది అనేది వీడియోలో వెల్లడిస్తుంది. మహిళలు కుటుంబంపై ఆధిపత్యం చెలాయించడం వల్ల తన జీవితంలో ఎదురయ్యే అతిపెద్ద సమస్యను శర్వానంద్ వివరించడంతో టీజర్ ప్రారంభమవుతుంది.

తన కుటుంబంలోని 10 మంది మ‌హిళా స‌భ్యుల అంగీకారం పొందడం అంత సులభం కాదు. కాబట్టి, పెళ్లికి సరైన అమ్మాయిని వెతకడం అతనికి చాలా కష్టమనిపిస్తుంది. అప్పుడు, రష్మిక మందన్న అమ్మాయిని అతను కలుసుకుంటాడు, అన్ని మంచి లక్షణాల భ‌ర్త‌గా అత‌ను ఆమెకు క‌నిపిస్తాడు. అయితే, కథలో ట్విస్ట్ ఏమిటంటే, మ‌న వివాహం అసాధ్యం అని ఆమె చెబుతుంది. తిరుమల కిషోర్ అన్ని వర్గాల ప్రేక్షకులను ఆకట్టుకునేలా వర్కబుల్ సబ్జెక్ట్‌తో ముందుకు వచ్చారు. టీజర్ తగినంత వినోదాన్ని అందిస్తుంది, ఇందులో శర్వానంద్, రష్మిక మందన్న ఒకరితో ఒకరు అద్భుతమైన కెమిస్ట్రీని పంచుకున్నారు. శర్వానంద్ అందంగా కనిపించాడు. త‌న‌ పాత్రలో చాలా కూల్‌గా ఉన్నాడు. రష్మికకు స‌రైన పాత్ర వచ్చింది. త‌ను అందంగా కనిపించింది.

సుజిత్ సారంగ్ కెమెరా పనితనం ఆక‌ర్ష‌ణీయంగా వుంది. ఇందులో రాక్‌స్టార్ దేవి శ్రీ ప్రసాద్ టీజర్‌కు ఆహ్లాదకరమైన BGM అందించారు. ఆడవాళ్ళు మీకు జోహార్లు అనేది అన్ని ఇతర కమర్షియల్ ఎలిమెంట్స్‌తో కూడిన పర్ఫెక్ట్ ఫ్యామిలీ ఎంటర్‌టైనర్ అని ప్రత్యేకంగా చెప్పనవసరం లేదు. ఖుష్బు, రాధిక శరత్‌కుమార్, ఊర్వశి ముఖ్య పాత్రలు పోషిస్తున్న ఈ చిత్రంలో మ‌రి కొంత మంది న‌టీన‌టులు కూడా నటించారు. సుధాకర్ చెరుకూరి రిచ్ ప్రొడక్షన్ వాల్యూస్ తో భారీ ఎత్తున ఈ చిత్రాన్ని నిర్మిస్తున్నారు. ప్రముఖ సినిమాటోగ్రాఫర్ సుజిత్ సారంగ్ సినిమాటోగ్రఫీని నిర్వహిస్తుండగా, అనేక జాతీయ అవార్డులు గెలుచుకున్న శ్రీకర్ ప్రసాద్ ఎడిటర్. ఆడవాళ్ళు మీకు జోహార్లు శివ‌రాత్రి కానుక‌గా ఫిబ్రవరి 25నే థియేటర్లలో విడుదలకు సిద్ధమవుతోంది.

తారాగణం: శర్వానంద్, రష్మిక మందన్న, ఖుష్బు, రాధిక శరత్‌కుమార్, ఊర్వశి, వెన్నెల కిషోర్, రవిశంకర్, సత్య, ప్రదీప్ రావత్, గోప రాజు, బెనర్జీ, కళ్యాణి నటరాజన్, రాజశ్రీ నాయర్, ఝాన్సీ, రజిత, సత్యకృష్ణ, ఆర్‌సిఎం రాజు తదితరులు.

సాంకేతిక సిబ్బంది:
దర్శకుడు: తిరుమల కిషోర్
నిర్మాత: సుధాకర్ చెరుకూరి
బ్యానర్: శ్రీ లక్ష్మీ వెంకటేశ్వర సినిమాస్
సంగీత దర్శకుడు: దేవి శ్రీ ప్రసాద్
సినిమాటోగ్రఫీ: సుజిత్ సారంగ్
ఎడిటర్: శ్రీకర్ ప్రసాద్
ఆర్ట్ డైరెక్టర్: ఏఎస్ ప్రకాష్
కొరియోగ్రాఫర్: రాజుసుందరం మరియు శేఖర్ VJ
PRO: వంశీ-శేఖర్

Follow us