Pawan Kalyan : డబ్బు విషయంలో పవన్ కళ్యాణ్ ఎలాంటి ఫ్లాన్స్ చేరుకోరు – నిర్మాత కీలక వ్యాఖ్యలు
డబ్బు విషయంలో ఎలాంటి ఫ్లాన్స్ చేసుకోరని..పిల్లలు ఉన్నారు.. డబ్బులు సేవ్ చేసుకోండని నేను త్రివిక్రమ్ చెబితే..వారి లైఫ్ లీడ్ చేయడానికి కావాల్సినంత ధైర్యం ఇస్తానని పవన్ చెప్పారని శరత్ పేర్కొన్నారు
- By Sudheer Published Date - 04:41 PM, Sat - 4 May 24
పవన్ కళ్యాణ్ (Pawan Kalyan) ఈ పేరు చెపితే చాలు అభిమానుల్లో నిక్క బొడుచుకుంటాయి. అందరి హీరోలకు అభిమానులు ఉంటె..పవన్ కళ్యాణ్ కు మాత్రమే భక్తులు ఉన్నారు. చాలామంది అభిమానులు సినిమాలు చూసి అభిమానం పెంచుకుంటే..పవన్ కళ్యాణ్ వ్యక్తిత్వం నచ్చి అభిమానం పెంచుకున్నారు. కేవలం సినీ అభిమానులే కాదు చిత్రసీమలో చాలామందికి పవన్ కళ్యాణ్ అంటే ఎంతో ఇష్టం. కొంతమంది నేరుగా బయటపెడితే..కొంతమంది మాత్రం సమయం వచ్చినప్పుడే ఆ అభిమానాన్ని వ్యక్తం చేస్తుంటారు. ప్రస్తుతం పవన్ కళ్యాణ్ అసెంబ్లీ లో అడుగుపెట్టాలని ప్రతి ఒక్కరు కోరుకుంటున్నారు. చిత్రసీమలో అగ్ర హీరోగా..రోజుకు రెండు కోట్ల రెమ్యూనరేషన్ తీసుకునే సత్తా ఉన్న పవన్..వాటిని వదిలేసి ప్రజలకు సేవ చేయాలని పదేళ్లుగా కష్టపడుతున్నాడు. ఆ కష్టానికి ఈసారి ప్రతిఫలం దక్కుతుందని అంత భావిస్తున్నారు. గత ఎన్నికల్లో రెండు చోట్ల నిల్చుని ఓటమి చవిచూసిన పవన్..ఈసారి పిఠాపురం నుండి బరిలోకి దిగారు. ఇప్పటికే ఇక్కడ పవన్ విజయం ఖాయమని తేలిపోయింది. ఇదే తరుణంలో కొంతమంది పవన్ కళ్యాణ్ ఫై అనేక ఆరోపణలు చేస్తూ వస్తున్నారు. తాజాగా ఓ సినీ నటుడు , వైసీపీ నేత పవన్ కళ్యాణ్ నిర్మాతలను మోసం చేసాడని ఆరోపించారు.
We’re now on WhatsApp. Click to Join.
ఈ ఆరోపణల ఫై పవన్ కళ్యాణ్ స్నేహితుడు , నిర్మాత శరత్ మరార్ (sharat marar) స్పందించారు. తాజాగా ఓ ఇంటర్య్వూలో పవన్ కళ్యాణ్ గురించి శరత్ మరార్ మాట్లాడుతూ కొన్ని ఆసక్తికర విషయాలను షేర్ చేసాడు. పవన్ కల్యాణ్ నిర్మాతలను ఇబ్బంది పెడతారని రీసెంట్ ఆరోపణలు చేస్తున్నారు..అందులో ఏమాత్రం నిజం లేదని శరత్ మరార్ తెలిపారు. ఇంకా చెప్పాలంటే పవన్ నిర్మాతలను ఆదుకుంటారని చెప్పుకొచ్చారు. డబ్బు విషయంలో ఎలాంటి ఫ్లాన్స్ చేసుకోరని..పిల్లలు ఉన్నారు.. డబ్బులు సేవ్ చేసుకోండని నేను త్రివిక్రమ్ చెబితే..వారి లైఫ్ లీడ్ చేయడానికి కావాల్సినంత ధైర్యం ఇస్తానని పవన్ చెప్పారని శరత్ పేర్కొన్నారు. అంతే కాదు తన దగ్గర పని చేసే మహిళ వాళ్ల భర్త ఆమె మంగళ సుత్రాన్ని అమ్మి పేకాట ఆడాడు. ఈ విషయం తెలుసుకున్న పవన్ కల్యాణ్ ఆమెకు ధైర్యం చెప్పడమే కాకుండా .. ఆర్థిక సాయం కూడా చేశారని శరత్ మరార్ తెలిపారు. అప్పుడు ఆమె భర్తను పిలిపించి పవన్ కల్యాణ్ వార్నింగ్ ఇచ్చినట్టు ఆయన తెలిపారు. పవన్ కల్యాణ్ మంచి మనస్సున్న వ్యక్తి అని శరత్ మరార్ చెప్పుకొచ్చారు.
Read Also : Big shock For Congress : లోక్ సభ బరిలో నుండి తప్పుకున్న కీలక అభ్యర్థి
