ఇక యాటిట్యూడ్ స్టార్ పని అయిపోయినట్లే..ఎందుకంటే అసలైన లేడీ టైగర్ దిగింది !!

Chandrahas Sandhya

Chandrahas : ‘యాటిట్యూడ్ స్టార్’గా సోషల్ మీడియాలో విపరీతమైన ట్రోలింగ్‌కు గురవుతున్న హీరో చంద్రహాస్ చుట్టూ వివాదాలు ముదురుతున్నాయి. ఆయన నటించిన ‘బరాబర్ ప్రేమిస్తా’ సినిమా విడుదలైన తరుణంలో, ప్రీ-రిలీజ్ ఈవెంట్‌లో ఆయన పాడిన అభ్యంతరకరమైన పాట, ఆపై ఒక జర్నలిస్టుపై చేసిన అమర్యాదకర వ్యాఖ్యలు పెద్ద దుమారాన్నే రేపాయి. ఈ క్రమంలో జర్నలిస్టు పోలీసులకు ఫిర్యాదు చేయగా, ఇప్పుడు ఈ వ్యవహారంలోకి కాంగ్రెస్ మహిళా నేత, సామాజిక అంశాలపై గళం విప్పే సంధ్యా రెడ్డి ప్రవేశించడం సంచలనంగా మారింది. అనసూయ-శివాజీ వివాదంలో తనదైన శైలిలో స్పందించి పాపులర్ అయిన సంధ్యా రెడ్డి, ఇప్పుడు చంద్రహాస్ తీరుపై నిప్పులు చెరిగారు.

నీ తండ్రి పేరు చెడగొట్టకు

చంద్రహాస్ తండ్రి, నటుడు ప్రభాకర్ ఎంతో కష్టపడి ఇండస్ట్రీలో ఒక గౌరవప్రదమైన స్థానాన్ని సంపాదించుకున్నారని, కొడుకుగా ఆయన పేరును చెడగొట్టవద్దని సంధ్యా రెడ్డి హితవు పలికారు. స్టేజ్ మీద బూతు పాటలు పాడటం, అడిగిన వారికి సమాధానం చెప్పకుండా గర్వంతో ఊగిపోవడం సరైన పద్ధతి కాదని ఆమె చురకలంటించారు. ప్రభాస్, మహేష్ బాబు, రామ్ చరణ్ వంటి అగ్ర హీరోలు సినీ పరిశ్రమకు వచ్చిన కొత్తలో ఎంత వినయంగా ఉండేవారో చూసి నేర్చుకోవాలని, కేవలం డబ్బు, బ్యాక్‌గ్రౌండ్ ఉందనే అహంకారంతో ప్రవర్తిస్తే ప్రేక్షకులు గుణపాఠం చెబుతారని ఆమె తీవ్రంగా హెచ్చరించారు.

పబ్లిసిటీ కోసం దిగజారుడుతనం వద్దు

జర్నలిస్టులపై కేసులు పెడతామని బెదిరించడం వల్ల చంద్రహాస్ తన కెరీర్‌ను తనే నాశనం చేసుకుంటున్నారని సంధ్యా రెడ్డి అభిప్రాయపడ్డారు. నెగిటివ్ ప్రచారం ద్వారా వచ్చే ఫ్రీ పబ్లిసిటీ కోసం ఇలాంటి కాంట్రవర్సీలు సృష్టించడం నేటి తరం యంగ్ హీరోలకు ఫ్యాషన్‌గా మారిందని, ఇది సమాజానికి చెడు సంకేతాలను పంపిస్తుందని ఆమె ఆందోళన వ్యక్తం చేశారు. కేవలం వివాదాలతో సినిమాను క్లిక్ చేసుకోవాలనుకోవడం కంటే, బాధ్యతాయుతమైన మెసేజ్ ఇచ్చే సినిమాలు చేయాలని ఆమె సూచించారు. “లేడీ టైగర్”గా పేరు తెచ్చుకున్న సంధ్యా రెడ్డి ఈ ఇష్యూలో ఎంట్రీ ఇవ్వడంతో, చంద్రహాస్ ఇకనైనా తన ధోరణి మార్చుకుంటారా లేదా అనేది చూడాలి.

Follow us