Samantha : అలాంటి కథలైతేనే చేస్తా అంటున్న సమంత..!
Samantha నాగచైతన్యతో విడిపోయిన దగ్గర నుండి సమంత కెరీర్ ఏమంతగా బాగాలేదు. ఎలా గోలా సినిమాలు చేస్తుంది అనుకున్న టైంలో ఆమెకు వచ్చిన మయోసైటిస్ వల్ల మళ్లీ సినిమాలకు దూరమైంది.
- By Ramesh Published Date - 10:59 PM, Thu - 15 February 24
Samantha నాగ చైతన్యతో విడిపోయిన దగ్గర నుండి సమంత కెరీర్ ఏమంతగా బాగాలేదు. ఎలా గోలా సినిమాలు చేస్తుంది అనుకున్న టైంలో ఆమెకు వచ్చిన మయోసైటిస్ వల్ల మళ్లీ సినిమాలకు దూరమైంది. కొన్నాళ్లు గ్యాప్ తీసుకుని రీ ఎంట్రీ ఇవ్వాలని అనుకున్న సమంత కం బ్యాక్ ఇస్తుందని తెలుస్తుంది. ఇక మీదట ఎలాంటి సినిమాలు తీయాలనే విషయం మీద సమంత పర్ఫెక్ట్ క్లారిటీతో ఉందట.
విజయ్ దేవరకొండ తో ఖుషి చేసిన తర్వాత కెరియర్ కి కొంత పాస్ ఇచ్చిన సామ్ ఇక మీదట వరుస సినిమాలు చేయాలని అనుకుంటుంది. ఈ క్రమంలో తనకు తానే ఒక కండిషన్ పెట్టుకున్నట్టు తెలుస్తుంది. ఇక మీదట సమంత కేవలం ఫిమేల్ సెంట్రిక్ సినిమాలనే చేస్తుందట. కథానాయక బలం ఉన్న పాత్రలైతే ప్రేక్షకులను మరింత ఎక్కువగా మెప్పించొచ్చు అనే ఆలోచనతో ఈ నిర్ణయం తీసుకున్నట్టు తెలుస్తుంది.
సమంత సినిమాలు చేస్తుంది కానీ అవి కమర్షియల్ సినిమాలు కావు. ఒకవేళ కమర్షియల్ సినిమాలు చేయాల్సి వచ్చిన అందులో తన పాత్ర చాలా బలంగా ఉండాలని అనుకుంటుంది. పుష్ప పార్ట్ వన్ లో స్పెషల్ సాంగ్ చేసిన సమంత ఆ సాంగ్తో సూపర్ క్రేజ్ తెచ్చుకుంది ఆ తర్వాత అలాంటి స్పెషల్ సాంగ్ ఆఫర్లు చాలా వచ్చాయి కానీ బయటికి సమంత ఓకే చెప్పలేదు. ఇక మీదట సినిమాలు కూడా లేడీ ఓరియంటెడ్ అయితేనే చేస్తా అంటుంది. సమంత నిర్ణయానికి ఆమె ఫ్యాన్స్ కూడా సూపర్ హ్యాపీగా ఉన్నారు.
