Pakistan Ex-model: సల్మాన్ ఓ శాడిస్ట్, మహిళలను వేధించేవాడు.. పాకిస్థాన్ బ్యూటీ సంచలన కామెంట్స్

పాకిస్థాన్ మాజీ మోడల్ సోమీ అలీ బాలీవుడ్ కండల వీరుడిపై సంచలన కామెంట్స్ చేసింది. 90వ దశకంలో అనేక బాలీవుడ్ సినిమాల్లో నటించిన ఈ  పాకిస్థానీ మాజీ మోడల్ తన మాజీ ప్రియుడు సల్మాన్ ఖాన్ తనను శారీరకంగా వేధించాడని ఆరోపించింది. ఇన్ స్టా గ్రామ్ వేదికగా ఈ విషయాన్ని వెల్లడించింది. అయితే ఆ పోస్టును వెంటనే డిలీట్ చేసింది. ఈ బ్యూటీ దబాంగ్ హీరోపై విరుచుకుపడుతూ ‘మహిళను కొట్టేవాడు’, ‘మగ దురహంకార పంది’ అంటూ తీవ్రమైన ఆరోపణలు చేసింది. సల్మాన్‌ఖాన్‌తో కలిసి దిగిన ఫొటోను షేర్ చేసి, దాని కింద పూర్తి వివరాలతో తన ఆవేదనను వ్యక్తం చేసింది.

ఆమె చేసిన పోస్ట్ స్క్రీన్ షాట్ ఇంటర్నెట్‌లో వైరల్ అవుతోంది. భారతదేశంలో నా ప్రదర్శనను నిషేధించండి అంటూ, ఆపై కేసు పెడతామని బెదిరించారడు. పిరికివాడు. సిగరెట్ తో కాల్చేవాడు, శారీరక వేధింపులకు పాల్పడ్డాడని ఆరోపించింది. నన్ను రక్షించడానికి నాకు ఇక్కడ 50 మంది న్యాయవాదులు ఉన్నారని సల్మాన్ బెదిరించేవాడని చెప్పింది. “నువ్వు మగ పందివి. అనేక మంది మహిళలను కొట్టిన ఈ వ్యక్తికి మద్దతు ఇస్తున్న మహిళా నటులందరికీ సిగ్గుచేటు. అతనికి సపోర్ట్ చేసే హీరోలకు ఇది అవమానం’’ అంటూ మండిపడింది.

అయితే, సోమీ అలీ తన మాజీ ప్రియుడు సల్మాన్ ఖాన్‌పై బహిరంగంగా విమర్శలు చేయడం ఇదే మొదటిసారి కాదు. ఈ సంవత్సరం ఆగస్టులో కూడా ఆమె సల్మాన్ చిత్రం ‘మైనే ప్యార్ కియా’ పోస్టర్‌ను షేర్ చేసి షాకింగ్ కామెంట్స్ చేసింది. దానికి ఆమె “ఒక మహిళా బీటర్. నేను మాత్రమే కాదు.. చాలా మందిని కొట్టాడు. దయచేసి ఆయనను అభిమానించడం మానేయండి. అతను ఒక శాడిస్ట్’’ అంటూ ఆగ్రహం వ్యక్తం చేసింది.

సోమీ అలీ, సల్మాన్ ఖాన్ ఎనిమిదేళ్లకు పైగా డేటింగ్ చేసినట్లు సమాచారం. ఈ ఇద్దరూ 1991 లో కలుసుకున్నారు. కొన్నాళ్లు తర్వాత 1999 లో విడిపోయారు. సైఫ్ అలీ ఖాన్, సునీల్ శెట్టి లాంటి స్టార్‌లతో కలిసి పనిచేసిన సోమీ అలీ అంత్ (1994), యార్ గద్దర్ (1994), ఆవో ప్యార్ కరీన్ (1994), ఆందోళన్ (1995) వంటి హిందీ చిత్రాలలో నటించారు. దాదాపు సినిమాలకు దూరమైన ఆమె ప్రస్తుతం నో మోర్ టియర్స్ అనే సంస్థను నడుపుతోంది. ప్రస్తుతం ఈ బ్యూటీ చేసిన కామెంట్స్ వైరల్ అవుతున్నాయి.